"ಮಳೆ "

ಮುತ್ತಿನ ಮಣಿಯಂತೆ ಹನಿ ಹನಿಯಾಗಿ ಸುರಿವ ಮಳೆ 

ಮನಸ್ಸಿಗೆ ಮುದನೀಡುವ ಮುತ್ತಿನಂತಹ ಮಳೆ

ನಿನ್ನಿಂದ ತಾನೆ ಭೂಮಿಗೆ ಒಂದು ಹೊಸ ಕಳೆ

 ನಿನ್ನ ಒಂದೂಂದು ಹನಿಯಿಂದ ಜೀವಿಗೆ ಹರುಷದ ಹೊಳೆ

ನಿನ್ನ ಬರುವಿಕೆಗೆ ಕಾಯುತ್ತಿರುತ್ತದೆ ನಮ್ಮ ಮನ

ನಿನ್ನ ಒಂದು ಹನಿಯಿಂದ ಎಲ್ಲರ ಜೀವನ ಪಾವನ

ನಿನ್ನ ವರ್ಷಧಾರೆಯಿಂದ ಭೂಮಿ ನಂದನವನ

ನಿನ್ನ ಸೌಂದರ್ಯ ನೋಡಲು ಸಾಲದು ಎರಡು ನಯನ

 ವರ್ಷಧಾರೆಯಿಂದ  ಉಟ್ಟಳು ಧರಿತ್ರಿ ಹಸಿರು ಸೀರೆಯ

 ಮೈದುಂಬಿ ಹರಿದವು ಹೊಳೆ-ನದಿ ಸರೋವರ

ಜಲಪಾತಗಳ ನರ್ತನ ರಮ್ಯ-ರಮಣೀಯ

ನಿನ್ನಿಂದ ಹೆಚ್ಚಾಯಿತು ನಿಸರ್ಗದ ಸೌಂದರ್ಯ

ಪ್ರತಿ ಜೀವಿಗೂ ಬೇಕು ನಿನ್ನ  ಒಂದೊಂದು ಹನಿ ತಾನೆ

ನೀ ಬರದಿರೆ ಈ ಭೂಮಿ ಆಗುವುದು ಬರಡು ತಾನೆ  

ನೀ ಬಂದರೆ ಅರಳುವುದು ಪ್ರತಿಯೊಬ್ಬರ ಮನ  

 ಎಂದಿಗೂ ಮರೆಯದಿರು ಭೂಮಿಗೆ ಮಳೆ ಸುರಿಸುವುದನ್ನ

 ಭೂಮಿಯ ಪ್ರತಿಯೊಂದು ಜೀವಿಗೂ ಮಳೆಯೇ ಆಧಾರ

ನೀ ಒಲಿದರೆ ರೈತರ ಬಾಳು ಆಗುವುದು ಬಂಗಾರ

 ಮಳೆಯೇ ನಿನ್ನಿಂದ ತೊಳೆಯುವುದು ಜಗದ ಕೊಳೆ

 ಈ ರೀತಿ ನಾವು ತೊಲಗಿಸಬೇಕು ಮನಸ್ಸಿನ ಕೊಳೆ.