ಗೆಲುವು ನನ್ನದೆ

ಬಹುದೂರದ ದಾರಿ ಸಾಗಿಬಂದೆ 
ಈಗ ಒಬ್ಬಂಟಿಯಾಗಿ ನಿಂತಿರುವೆ 
 
ಸಾವಿರ ದಾರಿ ನನ್ನ ಕಣ್ಣ ಮುಂದೆ 
ಯಾವುದನ್ನ ಆರಿಸಲಿ ಓ ದೇವರೇ 
 
ಏನು ಮಾಡಲೆಂದೇ ಗೊತ್ತಾಗದೆ 
ಮುಂದೆ ಮುಂದೆ ಇಟ್ಟಿಹೆನು ನಡಿಗೆ 
 
ಸಾಗುವ ದಾರಿಯಲ್ಲಿ ಕಲ್ಲು-ಮುಳ್ಳಿನಂತಹ ಜನರಿಗೆ
ಮುಂದಿನ ಹೆಜ್ಜೆ ಇಡಲು  ಈ ಮನ ಹೆದರಿದೆ  
 
ಜೊತೆಯಲ್ಲೇ ತಂದೆ-ತಾಯಿ ಇರುವಾಗೆ 
ಇನ್ನು ಹೆಜ್ಜೆ ಇಡಲು ಹೆದರಬೇಕೇ 
 
ಒಂದಲ್ಲ ಎರಡು ದೇವರು ಇರುವರು ನನ್ನ ಜೊತೆಯಲ್ಲೇ 
ಅಂದ ಮೇಲೆ ಗೆಲುವು ಇನ್ನು ಮುಂದೆ ನನ್ನದೇ