ಈ ನಗೆಹನಿಗಳನ್ನ ಈಗಾಗಲೇ ಕೇಳಿದ್ದರೆ.. (50ನೇ ಕಂತು)

ಇನ್ನೊಮ್ಮೆ ನಕ್ಕು ಬಿಡಿ! ಯಾಕೆಂದರೆ ....
- - - - - -
ಗುಂಪಿನಲ್ಲಿ ಒಬ್ಬ- ನಾನು ಈಗ ಹೇಳಲಿರುವ ನಗೆಹನಿಯನ್ನು ಸಜ್ಜನರಾದ ನೀವು ಯಾರಾದರೂ ಈಗಾಗಲೇ ಕೇಳಿದ್ದರೆ ನನ್ನನ್ನು ತಡೆಯಿರಿ .
ಯಾರೋ ಒಬ್ಬರು ಬಾಯಿ ಹಾಕಿದರು - ನೀವು ಮುಂದುವರೆಸಿ ; ಸಜ್ಜನರಾರೂ ಯಾವುದೇ ನಗೆಹನಿಯನ್ನ ಅದಕ್ಕೂ ಮೊದಲು ಕೇಳಿರುವುದಿಲ್ಲ!
- - - -
- ಕೋಳಿಗಳು ತತ್ತಿ ಇಡುವುದು ಏಕೆ ?
-ಎಸೆದರೆ ಒಡೆದು ಹೋಗುವವಲ್ಲ , ಅದಕ್ಕೆ !
- - - - -
ನ್ಯಾಯಾಧೀಶ - ನೀವು ಗಂಡನಿಗೆ ಕುರ್ಚಿಯಿಂದ ಹೊಡೆದದ್ದೇಕೆ ?
ಮಹಿಳೆ - ಯಾಕೆಂದರೆ ಟೇಬಲ್ ತುಂಬಾ ಭಾರವಾಗಿತ್ತು.
- - - - -
(ನಿಜಕ್ಕೂ ನಡೆದ ಸಂಭಾಷಣೆ )
- ಕಚೇರಿಯ ಕಕ್ಕಸು ಕಟ್ಟಿಕೊಂಡಿದೆ, ತುಂಬಾ ಗಲೀಜಾಗಿದೆ
- ಹೋಗಲಿ ಬಿಡೋ , ಅದನ್ನೆಲ್ಲ ತಲೆಗೆ ಹಚ್ಚಿಕೋಬೇಡ
- ನೀನೊಬ್ಬ! 'ಅದನ್ನು' ಯಾರು ತಲೆಗೆ ಹಚ್ಚಿಕೋತಾರಯ್ಯ ?