ಕನ್ನಡಿಸಿದ ಹಾಡು - ಹೊರಳುತಲೇ ಇದ್ದೆ ನಾನು ರಾತ್ರಿ ಎಲ್ಲವೂ

Submitted by shreekant.mishrikoti on Sun, 07/21/2019 - 22:02

ಮೂಲ ಹಾಡನ್ನು ಇಲ್ಲಿ - https://youtu.be/G6pt7nij6WQ - ನೋಡಿಕೊಂಡು ಬನ್ನಿ - ಕೆಳಗಿನ ನನ್ನ ಅನುವಾದವನ್ನು ಅದೇ ಧಾಟಿಯಲ್ಲಿ ಹಾಡಲು ಪ್ರಯತ್ನಿಸಿ!!)

ಹೊರಳುತಲೇ ಇದ್ದೆ ನಾನು ರಾತ್ರಿ ಎಲ್ಲವೂ
ನಿನ್ನ ಆಣೆಗೂ , ನಿನ್ನ ಆಣೆಗೂ I
ಚಿಂತೆ ಬಿಡು , ಅಗಲಿಕೆಯು ಬೇಗ ಮುಗಿವುದು
ನಿನ್ನ ಆಣೆಗೂ , ನಿನ್ನ ಆಣೆಗೂ II

ನಿನ್ನ ನೆನಪು ತನ್ನ ಜತೆಗೆ ತರುವುದು ತಾ ನೋವನು
ಕಣ್ಣು ಮುಚ್ಚಾಲೆ ನಿದಿರೆ ಜತೆಗೆ ರಾತ್ರಿಯೆಲ್ಲವೂ
ರಾತ್ರಿಯಿಡೀ ವೈರಿ ನನಗೆ ತಿಂಗಳ ಬೆಳಕು
ಬೆಂಕಿಯಂತೆ ಸುಡುತಲಿತ್ತು ಇಬ್ಬನಿ ಹನಿ
ನಿನ್ನ ಆಣೆಗೂ , ನಿನ್ನ ಆಣೆಗೂ ||

ನಿನ್ನ ಜತೆಗೆ ಮುನಿದರೆ ನಾ , ಸಮಾಧಾನಿಸು ನನ್ನ ನೀ
ದೂರ ನಾನು ಹೋಗೆ ನೀನು ಬಳಿಗೆ ಕರೆವುದು
ತಪ್ಪ ನಾನು ಮಾಡಿದೊಡೆ ನನ್ನ ಆಲಂಗಿಸು
ಎಂದು ಕೂಡ ಮುರಿಯದಿರಲಿ ನಮ್ಮದೀ ಬಂಧವು
ನಿನ್ನ ಆಣೆಗೂ , ನಿನ್ನ ಆಣೆಗೂ ||