ಅಣಕ ಹಾಡು - ಬಿಡುವೆನೇನಯ್ಯ ಮೊಬೈಲು

Submitted by shreekant.mishrikoti on Wed, 07/24/2019 - 09:16

ಬಿಡುವೆನೇನಯ್ಯ ಮೊಬೈಲನು, ನಾನು,
ಬಿಡುವೆನೇನಯ್ಯ. ||

ಬಿಡುವೆನೇನೋ ಮೊಬೈಲೇ ನಿನ್ನ
ಅಡಿಗಡಿಗೆ ತಡುಕುವೆನಯ್ಯ
ನೆಟ್ವರ್ಕ್ ತಾನು ಇಲ್ಲದ ಇರಲು
ತಡ ಮಾಡದೆ ಮಿಡುಕುವೆನಯ್ಯ ||

ಮಧ್ಯರಾತ್ರಿಯು ಮೀರಿದರೇನು
ಕಣ್ಣ ರೆಪ್ಪೆ ಎಳೆದರೆ ಏನು
ಕೈ ಯೇ ಸೋತು ನೊಂದರೆ ಏನು
ಕೈಲಿನ ಮೊಬೈಲು ಬೀಳುವ ತನಕ||

ಸದನದಿ ನಾನು ಕುಳಿತರೆ ಏನು
ಮಸಣದಿ ನಾನು ನಿಂತರೆ ಏನು
ದೇವನ ಮುಂದೆ ಬಾಗಿದರೇನು
ರೋಡಲಿ ಗಾಡಿಗೆ ಸಿಲುಕುವ ತನಕ ||

ಬಿಡುವೆನೇನಯ್ಯ ಮೊಬೈಲನು, ನಾನು ಬಿಡುವೆನೇನಯ್ಯ||

(ಪುರಂದರದಾಸರ 'ಬಿಡುವೆನೇನಯ್ಯ , ಹನುಮ ನಿನ್ನ' ಕೃತಿಯನ್ನು ಅನುಸರಿಸಿ )

Rating
No votes yet