ಒಂದಿಷ್ಟು ಅಪ್ಪಟ ಕನ್ನಡ ಶಬ್ದಗಳು

ನಾವು ಕನ್ನಡದಲ್ಲಿ ಸಾಮಾನ್ಯವಾಗಿ ಬಳಸುವ ಕೆಲವು ಸಂಸ್ಕೃತ ಶಬ್ದಗಳ ಬದಲಾಗಿ ಕೆಲವು ಅಪ್ಪಟ ಕನ್ನಡದ ಶಬ್ದಗಳನ್ನು ಆಗಸ್ಟ್ ಕಸ್ತೂರಿಯ ಪುಸ್ತಕವಿಭಾಗದಲ್ಲಿ ಬಂದಿರುವ ಭಾರತಿಸುತ ಅವರ ಕಾದಂಬರಿ ಸಂಗ್ರಹದಿಂದ ಆಯ್ದುಕೊಂಡು ಇಲ್ಲಿ ಕೊಡುತ್ತಿರುವೆ .
ಒಂದು ಸಲ ಈ ಪಟ್ಟಿ ನೋಡಿ . ಅಚ್ಚ ಕನ್ನಡ ಶಬ್ದಗಳನ್ನು ಬಳಸಿ .

ಶಿರಸಾ ವಹಿಸಿ - ನೆತ್ತಿಯಲ್ಲಿ ಹೊತ್ತು
ಆಲಿಂಗನ - ಅಪ್ಪುಗೆ
ಚುಂಬನ - ಮುತ್ತು
ಗರ್ವ - ಸೊಕ್ಕು
ಮಧ್ಯರಾತ್ರಿ - ನಟ್ಟಿರುಳು
ವೃದ್ಧಾಪ್ಯ - ಮುಪ್ಪು
ಸೈನ್ಯ - ದಂಡು
ಅಧರ -ತುಟಿ
ಮಧುರ - ಸಿಹಿ
ಸ್ನಾನ ಮಾಡುವದು - ಮೀಯುವದು
( ಜಳಕ ಮಾಡುವದು - ಜಳ ಜಳ ಸ್ವಚ್ಚ ಆಗುವದು!)
ಜೀವನ - ಬದುಕು , ಬಾಳುವೆ
ವಸ್ತ್ರಾಭರಣ - ಉಡಿಗೆ ತೊಡಿಗೆ
ರಾಜ - ಅರಸ
ರಾಣಿ - ಅರಸಿ
ಸಮುದ್ರ - ಕಡಲು
ಜವಾಬ್ದಾರಿ ( ಇದು ಸಂಸ್ಕೃತ ಅಲ್ಲ) - ಹೊಣೆ
ಖರ್ಚು - ವೆಚ್ಚ
ಶೌರ್ಯ - ಕಲಿತನ - ಕೆಚ್ಚು
ದುಃಖ ,ಶೋಕ - ಅಳಲು ( ಅಳುವಿಗೆ ಸಂಬಂಧಿಸಿದ್ದು)
ಔಷಧ -ಮದ್ದು
ಮಂದಹಾಸ - ಕಿರುನಗೆ , ನಸುನಗೆ

ಹಾಗೆಯೇ ಬಳಕೆಯಲ್ಲಿರುವ ಕೆಲ ಇಂಗ್ಲೀಷ ಪದಗಳಿಗೆ ಕನ್ನಡ ಪದಗಳು
ಪ್ರೆಸೆಂಟು - ಉಡುಗೊರೆ
ಪ್ಯಾಂಟ್ - ಕಾಲು ಕುಪ್ಪಸ
ಸೆಂಡಾಫ್ - ಬೀಳ್ಕೊಡುಗೆ
ಟೆನ್ಶನ್- ದುಗುಡ
ವಿಶ್ - ಹಾರೈಕೆ
ಬರ್ಥಡೇ - ಹುಟ್ಟಿದ ಹಬ್ಬ
ಮ್ಯಾರೇಜು - ಮದುವೆ
ಲಿಸ್ಟ್ - ಪಟ್ಟಿ , ಯಾದಿ ..... ಅಯ್ಯೋ , ಬಳಕೆಯಲ್ಲಿರುವ ಇಂಗ್ಲೀಷ ಪದಗಳಿಗೆ ಕನ್ನಡ ಪದಗಳನ್ನು ಕೊಡ್ತಾ ಹೋದರೆ ಪಟ್ಟಿ ದೊಡ್ಡದಾಗುವದು .... !

ಯುರೇಕಾ ! ಬಡಿಗೆ - ಬಡಿಯಲು ಬಳಸುವ ಸಾಧನ :)