ಭಾರತ ಎಂದರೆ ಏನು?

ಭಾರತ ಎಂದರೆ ಏನು?

ನಮ್ಮ ದೇಶದ ಅಧಿಕೃತ ಹೆಸರು ಇಂಡಿಯ. ಆದರೆ ನಮ್ಮಲ್ಲಿ ಕೆಲವು ಜನ ಇದನ್ನ ಹಿಂದೂಸ್ತಾನ, ಭಾರತ ಅಂತ ಕರೆಯುತ್ತೇವೆ.
ನನಗೆ ಇಂಡಿಯಾ ಅಂದ ತಕ್ಷಣ ನಮ್ಮ ಬೆಂಗಳೂರಿಂತ ಪಟ್ಟಣಗಳು, ಅಲ್ಲಿನ ಮೋಸ , ಧಗ, ವಂಚನೆಗಳೆಲ್ಲವೂ ಕಣ್ಮುಂದೆ ಬರುತ್ತವೇ. IT. BT, ವಿಜ್ಞಾನ-ತಂತ್ರಜ್ಞಾನ ಕ್ಶೇತ್ರದಲ್ಲಿ ಸಾಧನೆ ಮಾಡಿದನ್ತ ದೇಶ ಕಣ್ಣ ಮುಂದೆ ಬರುತ್ತೆ!
ಭಾರತ ಎಂದರೆ ನನಗೆ ನೆನಪಾಗುವುದು, ನಮ್ಮೂರು, ಅಲ್ಲಿಯ ಬೇಸಾಯ. ಅಲ್ಲಿಯ ಮುಗ್ದ ಮನಸುಗಳು ( ಈಗ ಅದೂ ಇಂಡಿಯ ಆಗ್ತಾ ಇದೆ ಬಿಡಿ!) , ಅಲ್ಲಿನ ಜಾನಪದ, ಸಂಸ್ಕೃತಿ! ಇತ್ಯಾದಿ.

ನನಗೆ ನಮ್ಮ ದೇಶದ ಹೆಸರು "ಭಾರತ" ಅಂತ ಕರೆದರೇನೇ ಚೆಂದ.

ಅಲ್ಲಿ ಇಲ್ಲಿ ಕೇಳಿದ , ಓದಿದ ಮೂಲದಿಂದ ಭಾರತ ಎಂಬ ಪದದ ಅರ್ಥ ಏನು ಅಂತ ನಾನು ಇಲ್ಲಿ ಬರೆಯುತ್ತಾ ಇದೀನಿ. ತಪ್ಪಿದ್ದರೆ ಅತ್ವ ನಿಮ್ಮ ಅನಿಸಿಕೆ ಏನಾದರೂ ಸೇರಿಸಬೇಕಿದ್ದರೆ ದಯವಿಟ್ಟು ಬರೆಯಿರಿ.

ಒಂದನೆಯದು....................
ನನ್ನ ಗಮನಕ್ಕೆ ಬಂದಂತೆ ನಮ್ಮ ಇತಿಹಾಸದಲ್ಲಿ ನಾಲಕ್ಕು ಜನ ಭರತರು ಬರುತ್ತಾರೆ.
1. ರಾಮನ ತಮ್ಮ,
2.ಕಾಳಿದಾಸನ "ಅಭಿಜ್ನಾನ ಶಾಕುಂತಲ " ದಲ್ಲಿ ಬರುವ ( ದುಶ್ಯನ್ತನ ಮಗ) ಭಾರತ.
3. ಜಡಭರತ
4. ನಾಟ್ಯ ಶಾಸ್ತ್ರದನ್ತ ( ಭರತ ನಾಟ್ಯ ದ ಮೂಲ) ಅತ್ಯಮೋಘ ಕೃತಿಯನ್ನ ನಮಗಿತ್ತ ಭರತ.

ಭರತ ತನ್ನ ನಾಟ್ಯಶಾಸ್ತ್ರ ದಲ್ಲಿ ಆರಂಬದಲ್ಲೇ ಹೀಗೆ ಹೇಳ್ತಾನಂತೆ..
ಭರತ ನಾಟ್ಯ ದಲ್ಲಿ ಭರತ ಎನ್ನುವುದು ನನ್ನ ಹೆಸರಲ್ಲ. ಬದಲಿಗೆ ಅದು "ಭಾವ" , ರಾಗ", "ತಾಳ" ಗಳಿಂದ ಒಡ ಮೂಡಿ ಬಂದ ಪದ ಎಂದು. ಈ ಮೂರು, ನಾಟ್ಯ ಶಾಸ್ತ್ರ ದ ಮೂಲ ಪದಗಳು, fundamental concepts ಎಂಬುದು ನಿಮಗೆ ತಿಳೀದೇ ಇದೆ. ನಮ್ಮ ದೇಶಕ್ಕೂ ಈ ಪದ ( ಭಾರತ) ಎಷ್ಟು ಚೆನ್ನಾಗಿ ಹೊಂದಿಕೊಳ್ಳುತ್ತೆ ನೊಡಿ! ಹಲವು ಭಾಷೆಗಳು, ಹಲವು ಸಂಸ್ಕೃತಿಗಳು, ಹಲವು ಮತ ಪಂತಗಳು.. ಆದರೆ ಆಳಕ್ಕಿಳಿದು ನೊಡಿದರೆ ನಮ್ಮೆಲ್ಲರ ಭಾವ ಒಂದೇ! ನಮ್ಮೆಲ್ಲರ ರಾಗ ಒಂದೇ!!, ನಾಮೆಲ್ಲರ ತಾಳ ಒಂದೇ!!!.

ಎರಡನೆಯದು..............
ಭಾರತ ಎಂಬುದು ಕೆಳಗಿನ ಮೂರು ಪದಗಳಿಂದ ಹಾಗಿದೆಯಂತೆ.
>ಭಾಸತೆ ( ಜ್ಞಾನದ ಬೆಳಕಿಂದ ಹೊಳೆಯಿತ್ತಿದೆ, ಬೆಳಗುತ್ತಿದೆ!)
>ರಮನ್ತೆ ( ಗೌರವಿಸಲ್ಪಡುತ್ತಿದೆ)
>ತತ್ವತೆ ( ಸರಿಯಾದ ಪದವನ್ನು / ಅರ್ಥವನ್ನು ನೀವೇ ಹುಡುಕಿಕೊಳ್ಳಿ.. ಬಹುಶ ಇದು ಎಲ್ಲ ತತ್ವ ಸಿಧಾಂತ ಗಳ ಮನೆ ಯಾಗಿದೆ ಎಂಬ ಅರ್ಥ ಇರಬಹುದೇನೋ?!

ಮೂರನೆಯದು.
"ಭಾಸಿ ರತಃ ಇತಿ ಭಾರತ!" ( ಈ ಪದದ ಮೂಲ ಪುಸ್ತಕ ತಿಳಿದಿಲ್ಲ.. ತಿಳಿದವರು ದಯವಿಟ್ಟು ಬರೆಯಿರಿ.)

ಇಲ್ಲಿ ಭಾ: ( ಅತ್ವಾ ಭಾಸಿ ) ಅಂದರೆ ಜ್ಞಾನ, ಬೆಳಕು ಅಂತ. ಯಾರು ಸದಾ ಕಾಲ ಬೆಳಕಿನಲ್ಲಿ/ ಬೆಳಕಿನೆಡೆಗೆ ನಡೆಯುತ್ತನೋ, ಸದಾ ಜ್ಞಾನದಲ್ಲಿ ನಡೆಯುತ್ತಾನೋ/ ಇರುತ್ತಾನೋ ಅವ್ನೇ ಭರತ/ ಭಾರತ!. ಅಂತವರ ನಾಡು ಭಾರತ!

ನೊಡಿ .. ನಮ್ಮ ನಾಡು ಮುಂಚೆ ಇಂದನೂ ಜ್ಞಾನಕ್ಕೆ / ಅರಿವಿಗೆ ಪ್ರಾಮುಖ್ಯತೆ ಕೊಟ್ಟಂತಹ ನಾಡು. ಇಂತಹ ನಾಡಿಗೆ ಭಾರತ ಕ್ಕಿಂತ ಸೂಕ್ತ ಬೇರೆ ಪದವುಂಟೆ?

ಇನ್ನೊಂದು ಸ್ವಲ್ಪ.............
>"ಭಾರತರು" ಎಂಬುದು ನಮ್ಮ ದೇಶವನ್ನಾಳಿದ ( ಬಹುಶ ಆಗಿನ ಸರಸ್ವತಿ ತೀರದ ಜಾಗವಿರಬೇಕು!) ಒಂದು ರಾಜ ಕುಲವಂತೆ.
>"ಭಾರತಿ" ವೇದಗಳಲ್ಲಿ ಬರುವ ದೇವತೆ. ಬರು ಬರುತ್ತ ಜನಸಾಮನ್ಯರ ಸಂಸ್ಕೃತಿಯಿಂದ ಕಣ್ಮರೆಯಾದಳು!