ಜೀವನ

ಇದಿರಿಗೆ
ಸಾಗರದ
ತುಂಬು ನೋಟ
ಏರಿಳಿವ ಅಲೆಗಳ ಮೋಹಕ ಆಟ
ಬಿಳಿನೊರೆಯ ಸಾಗಾಟ
ದಾಟಿದರೆ
ತೋರಿಕೆಗೆ ನೀಲ ಶಾಂತ,
ಆದರೆ
ಗರ್ಭವೋ ಪ್ರಚಂಡ ದಂಡು
ಅಣುವಿಂದ ಮಹತಿಗೆ ಕಾದಿಹವು
ಒಂದೊಂದನ್ನೇ ಇಡಿಡೀಯಾಗಿ
ನುಂಗಿ ನೊಣೆಯಲು
ಕರಗಿಸಿ ಅರಗಿಸಿಕೊಳ್ಳಲು
ತಿಮಿಂಗಿಲ, ಶಾರ್ಕ್,ಅಷ್ಟಪದಿ
ಒಂದೆರಡೇ ಹೆಸರಿಸಲು
ಲೆಕ್ಕವಿಲ್ಲದಷ್ಟು,
ಒಂದರಿಂದೊಂದು ಬಲ ಇವಕ್ಕೆ
ಇವನ್ನೆದುರಿಸಲು ಶಕ್ತಿ
ಇದೆಯಾದರೆ
ಹೆದರಿಸಿ ಓಡಿಸಲು ಯುಕ್ತಿ
ನಿನಗಿಲ್ಲಿ ಸ್ಥಾನ ಪಕ್ಕಾ
ಇಲ್ಲದಿರೆ ಈಗಲೇ
ಲೆಕ್ಕ ಚುಕ್ತಾ
ಕಲಿಯಬೇಕು ಇಲ್ಲೇ
ಇಂದೇ ಮುನ್ನುಗ್ಗಲು
ಇಂಥಹುಗಳ ಕೈ ಬಾಯಿಗೆ
ಸಿಲುಕದೇ ಪಾರಾಗಲು
ಬಾಳಲು
ಆಳದಡಿ ಸಿಗುವುದು
ಅಮೂಲ್ಯ ಸಂಪತ್ತು
ಹವಳ
ಮುತ್ತು

ಗೋಪಿನಾಥ ರಾವ್ ಬಿ