ಹೆಂಗಳೆಯರ ಮುಖದಲ್ಲಿ ಹಸನ್ಮುಖಿ ತೋರುವ ’ಜೀವನ್ಮುಖಿ’

ಹೆಂಗಳೆಯರ ಮುಖದಲ್ಲಿ ಹಸನ್ಮುಖಿ ತೋರುವ ’ಜೀವನ್ಮುಖಿ’
ಕಸ್ತೂರಿವಾಹಿನಿಯು ಮಹಿಳೆಯರಿಂದ ಮಹಿಳೆಯರಿಗಾಗಿಯೆ ವಿಶೇಷ ಕಾರ್ಯಕ್ರಮವೊಂದನ್ನು ಪ್ರತಿ ಸೋಮವಾರದಿಂದ ಶುಕ್ರವಾರದವರೆಗೆ ಬೆಳಿಗ್ಗೆ ೧೦:೩೦ ರಿಂದ ೧೧:೦೦ ಗಂಟೆಯವರೆಗೂ ಪ್ರಸಾರ ಮಾಡುತ್ತಿದೆ. ಇದರಲ್ಲಿ ಮಹಿಳೆಯರಿಗೆ ಸಂಬಂಧಪಟ್ಟಂತೆ ಅವರಿಗೆ ಉಪಯೋಗವಾಗುವಂತಹ ಕಾರ್ಯಕ್ರಮಗಳನ್ನು ಪ್ರಸಾರ ಮಾಡುತ್ತಿದ್ದು, ವೈದ್ಯರ ಮೂಲಕ ಅರಿವು ಮೂಡಿಸುವ, ಸಾಮಾಜಿಕ,ಶ್ಯೆಕ್ಷಣಿಕವಾಗಿ ಅರಿವು ಮೂಡಿಸುವುದರ ಜೊತೆಗೆ ಶಿಕ್ಷಣ ಕ್ಷೇತ್ರದಲ್ಲಿನ ಅಗುಹೋಗುಗಳ ಮತ್ತು ಆವಕಾಶಗಳ ಬಗ್ಗೆ, ಸಿನಿಮಾ ನಟಿಯರ ಫ್ಯಾಶನ್ ಬಗ್ಗೆಯಾಗಲಿ, ಮಹಿಳಾ ಸಾಧಕಿಯರ ಕುರಿತಂತೆ ಅವರೊಂದಿಗಿನ ಮಾತುಕತೆ, ಅವರ ಕರಕುಶಲ ಕಲೆಯ ಮಾಹಿತಿ ಮತ್ತು ಬ್ಯೂಟಿ ಪಾರ್ಲರ್ ನ ಮಾಹಿತಿಯ ಜೊತೆಗೆ ಸೌಂದರ್ಯ ಪ್ರಜ್ನೆಯ ಮಾಹಿತಿಯಾಗಲಿ, ಪ್ರಸ್ತುತ ವಿಷಯಗಳ ಜೊತೆಗೆ ನಮ್ಮ ಬೆಂಗಳೂರಿನಲ್ಲಿನ ಶಾಪಿಂಗ್ ಬಗ್ಗೆಯೂ ಇದರಲ್ಲಿ ಮಾಹಿತಿಯನ್ನು ಕ್ರಮವಾಗಿ ಒದಗಿಸುತ್ತಿದ್ದಾರೆ. ಒಟ್ಟಾರೆ ಈ ಕಾರ್ಯಕ್ರಮವು ನಮ್ಮ ಮಹಿಳಾ ಮಣಿಗಳಿಗಂತೂ ಉಪಯೋಗವಾಗುವುದರಲ್ಲಿ ಎರಡು ಮಾತಿಲ್ಲ.
ಒಟ್ಟಾರೆ ಮಹಿಳೆಯರಿಗೆ ಸಂಪೂರ್ಣವಾಗಿ ಉಪಯುಕ್ತವಾಗುವ ದೈನಂದಿನ ಮಹಿಳಾ ಕಾರ್ಯಕ್ರಮವಾಗಿದೆನ್ನಲು ಅಡ್ಡಿಯಿಲ್ಲ. ಕಾರ್ಯಕ್ರಮದ ಹೆಸರೇ ಹೇಳುವಂತೆ ಎಷ್ಟೋ ನೊಂದ ಹೆಣ್ಣು ಮಕ್ಕಳಿಗೆ, ಬಡತನದ ಬೇಗೆಯಲ್ಲಿ ಬೇಯುತ್ತಿರುವ, ಮಧ್ಯಮ ವರ್ಗದ ಮಹಿಳೆಯರಿಗೆ ದಾರಿ ದೀಪವಾಗಿ ಎಲ್ಲಾ ವರ್ಗದವರ ಮೆಚ್ಚುಗೆಗೆ ಈ ಕಾರ್ಯಕ್ರಮ ಪಾತ್ರವಾಗಿ ಇದೇ ೦೯ ರಂದು ತನ್ನ ೨೦೦ನೇ ಕಂತನ್ನು ಯಶಸ್ವಿಯಾಗಿ ಪೂರೈಸುತ್ತಿದೆ. ಈ ಯಶಸ್ವಿ ಕಾರ್ಯಕ್ರಮದ ನಿರ್ಮಾಣ, ನಿರ್ದೇಶನದ ಜೊತೆಗೆ ನಿರೂಪಕಿಯಾಗಿ ಕಾರ್ಯ ನಿರ್ವಹಿಸುತ್ತಿರುವವರು ಶ್ರೀಮತಿ ಸುಷ್ಮಾ ಮಂಜುನಾಥ್, ಈ ಕಾರ್ಯಕ್ರಮದ ಮತ್ತೊಬ್ಬ ನಿರೂಪಕಿಯಾಗಿ ಶ್ರೀಮತಿ ವೀಣಾ ಶರತ್ ರವರಿದ್ದಾರೆ.