ಅಬಾಬಿಗಳ ಲೋಕ

೧.

ಮೈಯಲ್ಲಿ ಹರಿಯುವುದು

   ಕೆಂಪು ರಕುತ

ಹಸಿವೆಗೆ ಅನ್ನವೇ ಬೇಕು

ರತ್ನಾ.....

ಯಾಕೆ ಬಡಿದಾಡ್ತಾರೋ?

       *೨*

ಬಣ್ಣಗಳೇಳು ಸೇರಲು

ಅಪ್ಪಟ ಶ್ವೇತವಂತೆ

ಶಾಂತಿ ಶುದ್ಧತೆ ಅಡಗಿದೆ

ರತ್ನಾ....

ಹ್ಯೊಕೈ  ಯಾಕಂತೆ?

       *೩*

ಉಸಿರು ನಿಂತಾಗ

ಬರಿಯ ಕೊರಡು

ಉಸಿರಾಡುವಾಗ

ರತ್ನಾ....

ಏನಾದರೂ ಸಾಧಿಸು

      *೪*

ಆ ಬಣ್ಣ ಈ ಬಣ್ಣ

ತಲೆಕೆಡಿಸದಿರು

ಜೀವನದ ಹಾದಿ

ರತ್ನಾ......

ಹುಡುಕಿ ಜಯಿಸು

     *೫*

ಹಿತ್ತಾಳೆ ಕಿವಿಯಾಗಿ

ಚಂದ ನೋಡುವವರ

ಅಡಿಯಾಳಾಗಿದ್ದರೆ

ರತ್ನಾ....

ತನ್ನ ಗುಂಡಿ ತಾನೇ ತೋಡಿದಂತೆ!

       *೬

ಗುಬ್ಬಿಯ ಮೇಲೆ

ಬ್ರಹ್ಮಾಸ್ತ್ರ ಪ್ರಯೋಗ

ಸಿಕ್ಕಿ ಬಿದ್ದು ನರಳಾಟ

ರತ್ನಾ.....

ಸ್ವಂತ ಬುದ್ಧಿ ಮಸಿ ನುಂಗಿತೇ?

-ರತ್ನಾ ಕೆ.ಭಟ್ ತಲಂಜೇರಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ