ಉಪಕಾರ ಸ್ಮರಣೆ

ಹಸಿರಿನ ಹೊದಿಕೆ ಭೂಮಿಗೆ ಹೊದೆಸುವ

ಕಸುವಿನ ಕೆಲಸ ಮಾಡೋಣ/

ಹಸೆಯನು ಹಾಸುವ ತೆರದಲಿ ದುಡಿಯುತ

ಸಸಿಯನು ನೆಡುತ ಬೆಳೆಸೋಣ//

ನೀರನು ಎರೆಯುತ ಗೊಬ್ಬರ ಹರಡುತ

ಪರಿಪರಿಯಾಗಿ ಹಾಡೋಣ/

ಮರಗಿಡ ಜೀವಿಯ ಉಸಿರು ಎನ್ನುತ

ಅರಿವಿನ ಸೆಲೆಯ ಬಿತ್ತೋಣ//

ಭೂಮಿಗು ಬಾನಿಗು ನಂಟಿನ ಗಂಟು

ಕಾಮಿತ ಫಲವಿದೆ ಎನ್ನೋಣ/

ತಮವನು ಕಳೆಯುತ ತಪದ ರೂಪದಿ

ಮಮತೆಯನಿಂದು ಬಡಿಸೋಣ//

 ಮಾಲಿನ್ಯಗಳ ನಾಶ ಮಾಡುವ

ಗುರಿಯೆಡೆ ಇಂದು ಸಾಗೋಣ/

ನೀರು ನೆರಳು ನೀಡುವ ಮರದ

ಉಪಕಾರ ಸ್ಮರಣೆ ಗೈಯೋಣ//

ಪರಿಸರ ಸ್ವಚ್ಛತೆ ನಮ್ಮ ಧ್ಯೇಯ

ಹರುಷದಿ ಹೇಳುತ ನಡೆಯೋಣ/

ತರುಲತೆ ಸುಮಗಳ ಅಂದವ ಹೀರುತ

ಚೆಲುವಿನ ತೋರಣ ಕಟ್ಟೋಣ

-ರತ್ನಾ ಕೆ ಭಟ್, ತಲಂಜೇರಿ

ಚಿತ್ರ ಕೃಪೆ: ಇಂಟರ್ನೆಟ್ ತಾಣ