ಕಚ'ಗುಳಿಗೆ' - ೦೫
ಕಚಗುಳಿಗೆಗೆ ಕೆಲವು ಪುರುಷ ಛೇಡನೆಯ ಚುಟುಕಗಳನ್ನು ಸೇರಿಸಲೆಂದು ಯತ್ನಿಸಿದಾಗ ಹೊರಬಿದ್ದ ಪುಟಾಣಿಗಳಿವು. ಯಥಾ ರೀತಿ ದೃಷ್ಟಿಬೊಟ್ಟಿಗೆಂದು ಕೊನೆಯಲ್ಲಿ ಬೇರೆಯ ಚುಟುಕ ಸೇರಿದೆ. ಮೆಲುವಾಗಿ ಕಚಗುಳಿ ಇಡಬಹುದೆಂಬ ಆಶಯದಲ್ಲಿ ತಮ್ಮ ಮುಂದೆ ಮತ್ತೊಂದು ಪುಟ್ಟ 'ಟೈಮ್ಪಾಸ್' :-)
ಧನ್ಯವಾದಗಳೊಂದಿಗೆ
ನಾಗೇಶ ಮೈಸೂರು
೦೧. ಶರಣಾಗತಿ !
____________
ಹೆಂಡತಿ
ಮಾಡಿಡುತ್ತಿದ್ದರೆ
ರುಚಿಕಟ್ಟಾದ
ಅಡಿಗೆ,
ದುಸರಾ
ಮಾತಿಲ್ಲದೆ
ಪತಿರಾಯ
ಪಾದ'ದಡಿಗೆ' !
೦೨. ಗಂಡೋದರ
__________
ನೋಡಿದರೆ
ಸಾಕು
ಗಂಡಸರ ಹೊಟ್ಟೆ,
ನೆನಪಾಗುವುದು
ಪರಲೋಕದ
ಹಾರುವ
ತಟ್ಟೆ !
೦೩. ಗಂಡು 'ಭೂಗೋಳ'
_______________
ಗರ್ಭಿಣಿಯರ ಹೊಟ್ಟೆ -
ಪ್ರಸವ ನಂತರ
ಸಮತಟ್ಟ ;
ಗಂಡಸರ ಹೊಟ್ಟೆ
ಗರ್ಭ ಧರಿಸದೆಯೂ
ಕಿರು ಬೆಟ್ಟ ||
೦೪. ನೆನಪಿನ ಶಕ್ತಿ !
____________
ಕೇಳಿದ್ದು
ತಂದುಕೊಡುವ
ಗಂಡಸರಲ್ಲಿ
ಬಲು ಕಮ್ಮಿ;
ಬೇಕೆಂದು
ಲಿಸ್ಟು ಕೊಡುವ
ಹೆಂಗಸರಲಿ
ಜಾಸ್ತಿ ||
೦೫. ಕುತ್ತಿಗೆ 'ಮಾಯ'
______________
ಬಿಡು ಪ್ರಿಯೆ
ನಿನಗೇಕೆ
ಕುತ್ತಿಗೆಗೆ ಸರ
ಈಗಲ್ಲುಳಿದಿರುವುದು
ಬರೀ
ಕತ್ತಿಲ್ಲದ ಶಿರ !
Comments
ಉ: ಕಚ'ಗುಳಿಗೆ' - ೦೫
ನಾಗೇಶ ಮೈಸೂರು ರವರಿಗೆ ವಂದನೆಗಳು
ಕಚಗುಳಿಗೆಗಳ ಸರಣಿ ಸುಂದರವಾಗಿ ಚಿಚ್ಚಿಕೊಳ್ಳುತ್ತ ಸಾಗಿದೆ, ಓದುಗರಿಗಂತೂ ಭರ್ಪೂರ ಮನರಂಜನೆ, ಆದರೆ ಯಾಕೆ ಸ್ವಾಮಿ ನಿಮಗೆ ಈ ಪುರುಷ ದ್ವೇಷ? ಬರ ಬರುತ್ತ ಸ್ತ್ರೀವಾದಿಗಳಾಗುತ್ತಿದ್ದೀರಿ ಎನ್ನುವ ಸಂಶಯ ನಮ್ಮನ್ನು ಕಾಡುತ್ತಿದೆ, ಪರಕಾಯ ಪ್ರವೇಶಕ್ಕೆ ಮತ್ತು ಅಭಿವ್ಯಕ್ತಿ ಕ್ರಮಕ್ಕೆ ಧನ್ಯವಾದಗಳು.
In reply to ಉ: ಕಚ'ಗುಳಿಗೆ' - ೦೫ by H A Patil
ಉ: ಕಚ'ಗುಳಿಗೆ' - ೦೫
ಪಾಟೀಲರೆ ನಮಸ್ಕಾರ,
ಈಚೆಗೆ ಸಂಪದದಲ್ಲಿ ಮಹಿಳಾ ಸಂಪದಿಗರ ಬರಹಗಳು ಹೆಚ್ಚೆಚು ಕಾಣಿಸುತ್ತಿಲ್ಲ. ಹೀಗೆ ಬರೆದರಾದರೂ ಪ್ರೇರಿತರಾಗಿ ಬರಹದ ರೂಪದಲ್ಲೊ, ಪ್ರತಿಕ್ರಿಯೆಯ ರೂಪದಲ್ಲೊ ಹೆಚ್ಚು ಸಕ್ರೀಯರಾಗಲಿ ಅನ್ನುವ ದೂರದಾಸೆ ಎನ್ನನಹುದೆ ? :-)
ಧನ್ಯವಾದಗಳೊಂದಿಗೆ
ನಾಗೇಶ ಮೈಸೂರು