*ಜಾನಕಿ ರೂಪ* (ಕುಸುಮದಲಿ)

ಶೀಲದೊಳು ಜಾನಕಿಯು

ಗೀಳನ್ನು ಹಿಡಿಸಿದಳು

ಬಾಳಿನಲಿ ಬಿಟ್ಟಿರದ ಹಂಬಲವನು||

ನೂಲಿನೊಳು ನೇಯ್ದಿರುವ

ಶಾಲಿನೊಳು ಮೆರೆದಿರುವ

ಸೋಲಿನಲಿ ಗೆಲುವನ್ನು ತೋರುವವಳು||

ಮೇನಕೆಯು ಚೆಲುವಿನೊಳು

ಮಾನಿನಿಯು ಲೋಕದೊಳು

ಜೇನಿವುದು ಕೆಂದುಟಿಯನಂಚಿನೊಳಗೆ||

ಮೌನದಲಿ ಕುಳಿತಿರುವ

ದೋಣಿಯಲಿ ಪಯಣಿಗಳು

ನಾನೆಂದು ಮರೆಯದಾ ಸುರಗಣಿಕೆಯು||

ಬೇಡುವೆನು ವರವನ್ನು

ನೀಡಿವಳ ಸತಿಯಾಗಿ

ಮಾಡುತಿಹೆ ದೇವರಿಗೆ ಕೋರಿಕೆಯನು

ಕಾಡುತಿಹ ರೂಪಸಿಯ

ಮೋಡಿಯಲಿ ಬಿದ್ದಿರುವೆ

ಜೋಡಿಯನು ಮೋದದಲಿ ಬೆರೆಸೆಂದೆನು||

-*ಶ್ರೀ ಈರಪ್ಪ ಬಿಜಲಿ*

*ಚಿತ್ರಕೃಪೆ: ಗೂಗಲ್*