ನಿರಂತರ ಕುಣಿತ!

ಪ್ರೇಮಾಶ್ರಿಯವರೆ, ಗಣಿತ ಅವನದಾದರೂ ನಮ್ಮ ಲೆಕ್ಕಾಚಾರವೆ ನಡೆದೀತೆಂಬ ಕುಣಿತವಂತೂ ನಿಲ್ಲದು :-) - ಪ್ರತಿಕ್ರಿಯೆಗೆ ಧನ್ಯವಾದಗಳು, ನಾಗೇಶ ಮೈಸೂರು, ಸಿಂಗಪುರದಿಂದ

ಕವಿ ನಾಗರಾಜರೆ, ನಿಮ್ಮ ಮಾತು ನಿಜ. ಉಳಿಪೆಟ್ಟನ್ನು ಸಹಿಸಿ ಶಿಲ್ಪಿಗಳಾಗಿ ಹೊರಹೊಮ್ಮುವ ಸಹನೆ ಎಲ್ಲರಿಗೂ ಇರುವುದಿಲ್ಲ ಈ ಅವಸರದ ಜಗದಲ್ಲಿ. ಆದರೆ ಜೀವನ ಕಲಿಸುವ ಪಾಠ ಹೇಗೊ ಒಂದು ರೀತಿ ಎಲ್ಲರನ್ನು ಕುಣಿಸುವ ಪರಿಯೆ ಸೋಜಿಗ  - ಪ್ರತಿಕ್ರಿಯೆಗೆ ಧನ್ಯವಾದಗಳು, ನಾಗೇಶ ಮೈಸೂರು, ಸಿಂಗಪುರದಿಂದ

ಸಪ್ತಗಿರಿಯವರೆ, ನಿಮ್ಮಂತಹವರ ಕೈಲಿ 'ಸೈ' ಎನಿಸಿಕೊಳ್ಳುವುದಕ್ಕಿಂತ ಭಾಗ್ಯ ಮತ್ತೇನಿದೆ ಹೇಳಿ? ನಿಮ್ಮ ಪ್ರೋತ್ಸಾಹ, ಬೆಂಬ ಲಗಳೆ ಈ ಬರಹದ ವ್ಯವಸಾಯಕ್ಕೆ ನಿರಂತರ ಸ್ಪೂರ್ತಿ. ಹೀಗೆ ಮೆಚ್ಚಿ ಪ್ರೋತ್ಸಾಹಿಸಿ ಮತ್ತು ತಪ್ಪುಗಳಿದ್ದರೆ ತಿದ್ದಿ ಬೆಳೆಸಿ. ನಿಮ್ಮ ಪ್ರತಿಕ್ರಿಯೆಗೆ ವಿನಮ್ರ ಧನ್ಯವಾದಗಳು :-) ನಾಗೇಶ ಮೈಸೂರು, ಸಿಂಗಪುರದಿಂದ

ಪಾರ್ಥ ಸಾರ್ ನಮಸ್ಕಾರ. ನೀವ್ಹೇಳಿದ ಪ್ರಾಸದ ಅಭಾಸ ಸಹಜವಾಗಿ ಕಾಡುವ ಭೂತ ; ನನ್ನ ವಿಷಯದಲ್ಲಂತೂ ತುಸು ಪ್ರಾಸದ ಪ್ರೇಮ ಹೆಚ್ಚು ಎನ್ನುವುದೂ ನಿಜ. ನಾನು ಬರೆಯುವ ಕವನ ಸಾಧಾರಣ ಹತ್ತರಿಂದ ಹದಿನೈದು ನಿಮಿಷದಲ್ಲಿ ಒಂದೆ ಓಘದಲ್ಲಿ ಮುಗಿಯುವುದರಿಂದ ಪ್ರಾಸಕ್ಕೆ ತಿಣುಕಾಡಲು ಹೆಚ್ಚು ಸಮಯವಿರುವುದಿಲ್ಲ. ಹೀಗಾಗಿ ಆ ಹೊತ್ತಿನಲ್ಲಿ ತೋಚಿದ್ದು ಸೂಕ್ತವಾಗೆ ಕಂಡರೆ ಸರಿ - ಹಾಕಿ ಮುಂದುವರೆಸುತ್ತೇನೆ. ಅದಕ್ಕೂ ಹೆಚ್ಚು ತಿಣುಕಾಡಿಸಿದರೆ ಆ ಸಾಲನ್ನೆ ಕಿತ್ತು ಹೊಸ ಸಾಲಿಗೆ ಮೊರೆ ಹೋಗುತ್ತೇನೆ. ಇಷ್ಟೆಲ್ಲಾ ಆದರೂ, ಆಭಾಸಗಳಾಗದೆಂದು ಹೇಳುವಂತಿಲ್ಲ - ಬಹುಶಃ ಅಭಾಸ ಕಡಿಮೆಯಾಗಬಹುದೇನೊ ಅಷ್ಟೆ. ನನ್ನ ಅನಿಸಿಕೆಯಲ್ಲಿ ಪ್ರಾಸಕ್ಕೆ 'ಮಾಸ್ ಅಫೀಲ್' ಜಾಸ್ತಿ - ಒಂದು ರೀತಿ ಗುಣುಗುಣಿಸಿಕೊಂಡು ಹೋಗುತ್ತದೆ. ಹೆಚ್ಚು ಸುಲಭದಲಿ ಎಲ್ಲ ಸ್ತರಗಳನ್ನು  ತಲುಪಲು ಸಹಕಾರಿಯೆನಿಸುತ್ತದೆ. ಹೀಗೆ ಪ್ರಾಸದ ಪ್ರಸವವೆ ಅತಿಯಾಯ್ತೆಂದೆನಿಸಿದಾಗ, ಅದರಿಂದ ತಾತ್ಕಾಲಿಕವಾಗಿಯಾದರೂ ಹೊರಬರುವ ಕಿರು ಯತ್ನವಾಗಿ ಪ್ರಾಸರಹಿತ ಕವನಕ್ಕೂ ಪ್ರಯತ್ನಿಸಿದ್ದುಂಟು - ನನ್ನ ವೈಯಕ್ತಿಕ ಮಟ್ಟದಲ್ಲಿ ನನಗೂ ಪ್ರಾಸ ಪ್ರಿಯವಾದರೂ. ನನ್ನ ಕೆಲವು ಕವಿತೆಗಳು - ಉದಾಹರಣೆಗೆ 'ಸೃಷ್ಟಿ ರಹಸ್ಯ' ಪ್ರಾಸಕ್ಕೆ ತುಸು ಕಡಿಮೆ ಪ್ರಾಸಕ್ಕೆ ಒತ್ತು ಕೊಟ್ಟ ಕವನ - ಪ್ರತಿಸಾಲಿನ ಬದಲು ಪ್ರಾಸ ಎರಡು ಸಾಲಿಗೊಮ್ಮೆ ಕಾಣಿಸಿಕೊಳ್ಳುತ್ತದೆ (ಈ ಲಿಂಕು ನೋಡಿ: http://sampada.net/… ).  ಈಚೆಗೂ ಪ್ರಾಸರಹಿತ ನಿಟ್ಟಿನಲ್ಲಿ ಪ್ರಯತ್ನಿಸಿದ್ದು ಉಂಟು - ಚೆನ್ನಿದೆಯೊ ಇಲ್ಲವೊ ಗೊತ್ತಿಲ್ಲ, ಸದ್ಯದಲ್ಲೆ ಒಂದೆರಡು ಸಂಪದದಲ್ಲಿ ಹಾಕುವೆ. ನೋಡುವ ಸುಮಾರಾಗಿಯಾದರೂ ಇರುವುದೇ ಎಂದು :-) ಒಟ್ಟಾರೆ ಸಾರಂಶದಲ್ಲಿ ಹೇಳುವುದಾದರೆ - ಪ್ರಾಸ ಅರ್ಥದ ಪರಿಧಿಯಲ್ಲಿ ಸುಲಲಿತವಾಗಿ ಬರುತ್ತಿದ್ದರೆ ಸರಿ, ಬಲವಂತದಿಂದ ತುರುಕಿದಂತಾಗಬಾರದು. ಆದರೆ 'ಹೆತ್ತವರಿಗೆ ಹೆಗ್ಗಣ ಮುದ್ದು' ಅನ್ನುವಂತಾಗಿ ದೋಷ ಬರೆದವನ ಕಣ್ಣಿಗಿಂತ ಓದುಗನಿಗೆ ಕಾಣುವುದೆ ಹೆಚ್ಚು! ನಿಮ್ಮ ಪ್ರಾಸದ ಕುರಿತಾದ ಪ್ರಶ್ನೆಗೆ ತುಂಬಾ ಧನ್ಯವಾದಗಳು - ಅದರಿಂದ ಪ್ರಾಸರಹಿತ ನಿಟ್ಟಿನಲ್ಲೂ ತುಸು ಚಿಂತನೆ ಮಾಡಲು ಪ್ರೇರೇಪಣೆ ಸಿಕ್ಕಿದಂತಾಗಿದೆ! - ನಾಗೇಶ ಮೈಸೂರು, ಸಿಂಗಾಪುರದಿಂದ