ನೀನ್ಯಾಕೆ ಬರೆಯೊಲ್ಲ ಗಂಭೀರ ಕವಿತೆ?

ನೀನ್ಯಾಕೆ ಬರೆಯೊಲ್ಲ ಗಂಭೀರ ಕವಿತೆ?

ಕಾಮೆಂಟು, ಲೈಕು ಕುಕ್ಕೋದ್ರಲ್ಲೇನೈತೆ

ಸೃಜನಶೀಲತೆ ತೋರಲೇನು ಕೊರತೆ?

ಬತ್ತಿತೇ ನಿನ್ನಯ ಭಾವನೆಯ ಒರತೆ?

ಎಂದು ಕೇಳಿದೆ ಒಮ್ಮೆ ನನ್ನ ಮನವ..|1|

ಕಾಡ್ತೋಟದಲ್ಲಿ ಉರುಳಿದ್ದ ಫಲ ನಾನು

ನೀ ಹೆಕ್ಕದೇ ಬಿಟ್ಟ ತಾಂಬೂಲ ನಾನು

ಸುತ್ತ ಕಳೆ ಬೆಳೆಯಲು ತಲೆಯೆತ್ತಿ ನಿಂತೆ

ಇನ್ನರ್ಧ ಅಡಿಯಲೇ ನೀ ಕಾಣ್ವೆಯೆಂಬಂತೆ|2|

ನಿಡಿದಾಗಿ, ಇಡಿಯಾಗಿ ನಾ ತುಂಬಿ ಬೆಳೆದೆ

ಹಾರೋ ದಣಿದಕ್ಕಿಗಳ ಕುಳ್ಳಿರಿಸೆ ಕರೆದೆ

ಹೂವಾಗಿ, ಫಲವಾಗಿ ಬಾಲ್ಯ ರೂಪವೇ ಆದೆ.

ನೀನಿಂದು ಹೊಗಳುವ ಸಿಹಿನೀರ ಪಂಪಾದೆ|3|

ಮರಿಯಳಿಲು ಬಳಿ ಬಂತು ನಾನೂ ಆಡಲೇ ಅಂತು

ಹಾರೋ ಮಂಗವು ಬಂತು , ಸಿಹಿನೀರು ಬೇಕಂತು

ಪ್ರತಿದಿನಾ ಕೊರೆದ ದುಂಬಿ ನಿನ್ನೆನಪೇ ತಂತು

ಎಷ್ಟೋ ವರುಷದ ಬಳಿಕ ನೀ ಹೊಗಳೋ ತಾಂಬೂಲ

ಬಣ್ಣ ಬೇರೆಯದಾದ್ರೂ ನಂದೇ ಅಂಶದ ಫಲ