ಪ್ರಾಣಿಗಳ ಬೆಂಗಳೂರು ಚಲೋ............!!

ಬೆಂಗಳೂರೆಂಬ ಮಾಯಾನಗರಿಯಲ್ಲಿ ರಾತ್ರಿ ಮನೆಗೆ ಲೇಟು- ಬೆಳಗ್ಗೆ ಕೆಲಸಕ್ಕೆ ಹೋಗೋ  ಗಡಿಬಿಡಿ-ತರಾತುರಿ- ಹಡಾವುಡಿ ,ಇದು ದಿನ ನಿತ್ಯ  ಸಂಗತಿ ಎಲ್ಲರಿಗೂ.. ಅಂತಾದ್ದೆ  ಅದೊಂದು ದಿನ-

ಲೇಟಾಗ್ ಎದ್ದು  ತರಾತುರಿಯಲ್ಲಿ  ಬೆಳಗಿನ ನಿತ್ಯ-ಕರ್ಮ(!)ಗಳನ್ನೆಲ್ಲ ಮುಗಿಸಿ  ಹಡಾವುಡಿಯಿಂದ ಟಿಫನ್  ತಿಂದು ಬಾಕ್ಸ್ನ  ಬ್ಯಾಗಿಗಾಕಿಕೊಂಡು  ಇನ್ನೇನ್ ಆಫಿಸಿಗೆ  ಹೊರಡಲನುವಾದರೆ  ಒಳಗಡೆಯಿಂದ 'ಪತ್ನಿ' ಕೂಗಿ ಹೇಳ್ತಾಳೆ 'ಮಗೂನ' ಹಂಗೆ ನಿಮ್ ಆಫೀಸಿಗೆ ಹೋಗ್ತಾ- , ಶಾಲೆಗೆ ಬಿಟ್ಟು ಹೋಗಿ... 

ಪಾಪ  ಆ 'ಮಗುವೋ' ರಾತ್ರಿಯೆಲ್ಲ ಹಿಂದಿನ ದಿನ ಶಾಲೇಲ್  'ಮಿಸ್'  ಕೊಟ್ಟಿದ್ದ  'ಮಣಗಟ್ಟಲೆ'  'ಹೋಂ ವರ್ಕನ'  ಮುಗಿಸಿ  ಅದ್ಯಾವಗಲೋ ಬೆಳಗ್ಗೆ   ನಿದ್ದೆ ಮಾಡ್ ಇನ್ನು ಮಲಕೊಂಡಿದ್ದ್ದಾಗ್ಲೆ ಎಬ್ಬಿಸಿ, ಸ್ನಾನ  ಮಾಡಿಸಿ ತಲೆ ಬಾಚಿ ೨ ಜಡೆ ಹಾಕಿ ಸಮವಸ್ತ್ರ  ಹಾಕಿ ,ಶೂ ಹಾಕಿಕೊಳ್ಳಲು ಹೇಳಿ  ಒಳಗೆ  'ಪತ್ನಿ' ಟಿಫಿನ್ ಬಾಕ್ಸಿಗೆ ಹಾಕುವ ಕೆಲಸದಲ್ಲಿ ಬಿಜಿ..

 ಯಾವ್ದೋ ಲೋಕದಲ್ಲಿ ತೇಲ್ತಾ ಹೊರಟನ್ತಿದ್ದ ನನ್ನನ್ನ  ಹಿಂದೆ ಕುಳಿತ  'ಪುಟ್ಟೀ' ತಿವಿದು-ತಿವಿದು  ಎಚ್ಚರಿಸ್ತ ಹೇಳಿದಳು 'ಪಪ್ಪಾ'  ಅಲ್ನೋಡು ರಸ್ತೆಗೆ  'ಅದೇನೋ' ಅಡ್ಡ ಬರ್ತಿದೆ.