ಬಚ್ಚಿಟ್ಟ ಮಾತ ಬಾಯ್ಬಿಡು

ಮನದನ್ನೆ ನಿನ್ನ ಮನದಾಳದಿಂದ 

ಮನಮಿಡಿಯುವಂತೆ ನುಡಿ ಮನದೊಳಡಗಿದ ಮಾತ ||

ಕನಸಲ್ಲಿ ಕನವರಿಸಿ ಕಿವಿಕಚ್ಚುವಂತೆ

ನಿಶೆಯಲ್ಲಿ ಹಪಹಪಿಸಿ ಮನಮುಟ್ಟುವಂತೆ |

ಕವಿಕವಿದು ಕಾರ್ಮೋಡ ಮಳೆಗೆರೆಯುವಂತೆ

ಧರೆಗಿಳಿದು ಸುರರು ವರವೀಯುವಂತೆ ||೧||

ನೀನಿಟ್ಟ ಕಿಚ್ಚು ನೀನೆಂಬ ಹುಚ್ಚು ಅಚ್ಚೊತ್ತುವಂತೆ

ಒಂದೊಂದು ಪದದಲ್ಲು ಪದವೀಯುವಂತೆ |

ಅಘಹರಿದು ಸುಮಹರಡು ಘಮಘಮಿಸುವಂತೆ ||೨||

ನೀನನ್ನ ಒಲವು ನೀನನ್ನ ಜಗವು

ನೆನೆದವನು ನಾನು ನೆಲೆಯೂರು ಇಲ್ಲೇ |

ಸರಿಯಾರು ನಿನಗೆ ಸರಿಸುವರು ಯಾರು

ವರಿಸುವನು ನಾನು, ಧ್ವನಿ ಹರಿಯುವಂತೆ ||೩||