ಮಾವು-ಬೇವಿನ ಸಮ್ಮಿಲನ

ಮೂರು ಮಂದಿ ಅಕ್ಕ ತಂಗಿ

ಬೇವು ಬೆಲ್ಲ ತಂದಿವಿ

ನೂರು ಬಾರಿ ಶುಭವ ಕೋರಿ

ನಮ್ಮ ಹರಸಿ ಎಂದಿವಿ||

ಸುತ್ತಮುತ್ತ ಹಚ್ಚ ಹಸಿರು

ಹೊಸತು ಚಿಗುರು ಬಿಟ್ಟಿದೆ

ತುತ್ತತುದಿಯ ಮೇಲೆ ಕುಳಿತ

ಕುಕಿಲ ಕುಹೂ ಎಂದಿದೆ||

ಮನೆಯ ತುಂಬ ಮಾವು ಬೇವು

ತಳಿರು ತೋರಣ ಕಟ್ಟಿದೆ

ಮನದ ತುಂಬ ನೋವು ಮರೆಸೊ

ಹರ್ಷಧಾರೆ ಉಕ್ಕಿದೆ||

ಪ್ರತಿ ಯುಗವು ಉರುಳಿ ಮರಳಿ

ಹೊಸತು ಯುಗವು ಬರವುದು

ಕಷ್ಟ ನಷ್ಟ ಬೆರೆತ ಮಿಳಿತ

ಈ ಯುಗಾದಿ ಹಬ್ಬವು||

ಕಹಿಯ ಮರೆತು ಸಿಹಿಯ ನೆನೆದು

ಬೇವು ಬೆಲ್ಲ ಸವಿಯಿರಿ

ಮಾವು ಬೇವು ಕೊಡುವ ಸೃಷ್ಠಿ

ನಮಗೆ ಗುರುವು ಅರಿಯಿರಿ||

ಧರಣಿ ತರುಣಿ ಹೊಸತು ಉಡುಗೆ

ಧರಿಸೊ ಮಾಸ ಚೈತ್ರವು

ಜನನ ಮರಣ ಬಂಧ ಬಿಡಿಸೊ

ಇಳೆಯ ಮೇಲೆ ಸ್ವರ್ಗವು

*ಎಲ್ಲರಿಗೂ ಯುಗಾದಿ ಹಬ್ಬದ ಶುಭಾಶಯಗಳು*

-*ಶ್ರೀ ಈರಪ್ಪ ಬಿಜಲಿ*