ಮಿಡಿವ ಮನದ ಧ್ರುವ ನಕ್ಷತ್ರ
ಪಾರ್ವತಮ್ಮ ರಾಜಕುಮಾರ ದಂಪತಿಗಳ ಸುಕುಮಾರ
ಮುತ್ತುರಾಜ ಪುನೀತನೆನಿಸಿದ ಸೆಳೆವ ಮಾರ/
ಬಣ್ಣದ ಲೋಕದ ಆಡೊಂಬಲದ ಹಮ್ಮೀರ
ಮುಗುಳು ನಗೆ ಚೆಲ್ಲುವ ಕನ್ನಡದ ಕುವರ//
ಪುಟ್ಟ ಕಂದಮ್ಮನಾಗಿ ರಂಗದಲಿ ಮಿಂಚಿದೆ
ಬೆಟ್ಟದ ಹೂವಾಗಿ ಕಂಪನು ಬೀರಿದೆ/
ಸಂಪಿಗೆಯ ಘಮಲಾಗಿ ಮುತ್ತಿನ ಬಂಧುವಾದೆ
ಸೋತವರ ಧ್ವನಿಯಾಗಿ ಕೈ ಜೋಡಿಸಿದೆ//
ನಿನ್ನ ನಗುವಿನುತ್ಸಾಹದ ಚಿಲುಮೆ
ನೀನಾದೆ ಕಣ್ಣೊರೆಸುವ ಒಲುಮೆ/
ಓ ಗುಣಸಿಂಧು ಹೇಗೆ ಮರೆಯಲಿ
ಕನ್ನಡ ಚಿತ್ರರಂಗ ಬಡವಾಯಿತಿಲ್ಲಿ//
ಅಕಾಲದಿ ನಮ್ಮನೆಲ್ಲ ಅಗಲಿದ ಧೀಮಂತ
ಹೃದಯವು ತುಂಬಿದ ಸದ್ಗುಣಂಗಳ ಶ್ರೀಮಂತ/
ಕೊಡುಗೈ ದಾನಿಯಾದ ಪವಿತ್ರ ಧೀರೋದಾತ
ಬಡವರ ಬಂಧು ಸಹಕರಿಸಿದ ಮಿತ್ರ//
ಕಣ್ಣೆರಡ ನಾಲ್ವರಿಗೆ ಕಾಣಿಕೆಯಾಗಿಸಿ ಮೆರೆದೆ
ಈರ್ವರು ಹೆಣ್ಣುಮಕ್ಕಳ ಅಪ್ಪನಾಗಿ ದಾರಿ ತೋರಿದೆ/
ಮಡದಿಯ ಮುದ್ದಿನ ಗಂಡನಾಗಿ ಸಂಸಾರಿಯಾದೆ
ಅಭಿಮಾನಿಗಳ ಮನಸ್ಸಿಗೆ ಲಗ್ಗೆಯಿರಿಸಿದೆ//
ಸರಕಾರದ ಯೋಜನೆಗಳ ರಾಯಭಾರಿಯಾದೆ
ಅನಾಥ ವೃದ್ಧ ಕಂದಮ್ಮಗಳಿಗೆ ಬದುಕು ನೀಡಿದೆ/
ಆಹಾ!ಸಿರಿಕಂಠದ ಸರದಾರ ಸನ್ಮಿತ್ರ
ಮಿಡಿವ ಮನದ ಧ್ರುವ ನಕ್ಷ್ಮತ್ರ//
-ರತ್ನಾ ಕೆ.ಭಟ್ ತಲಂಜೇರಿ
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
![](https://saaranga-aws.s3.ap-south-1.amazonaws.com/s3fs-public/%E0%B2%AA%E0%B3%81%E0%B2%A8%E0%B2%BF%E0%B2%A4%E0%B3%8D.jpg)
- Log in to post comments