ಸದ್ದು ಸದ್ದಲೇ ಪರಾಕ್

೧

ಅಲ್ಲಿ ಇಲ್ಲಿ, ಒ೦ದೊ೦ದು ಚೂರು

ಹೆಕ್ಕಿ ತ೦ದು ಮರಿಗಳಿಗುಣಿಸುವ

ಹಕ್ಕಿ, ಹಕ್ಕಿಪಿಕ್ಕಿ !

ಕಾಮನಬಿಲ್ಲು.

೨

ಭೂಮಿಯ ಗರ್ಭ ಸೀಳಿ, ಹೆಕ್ಕಿ, ನೆಕ್ಕಿ

ಗ೦ಗೆಯ ಗರ್ಭ ಸ೦ಜಾತರನೆಲ್ಲ ಸೋಸಿ

ಲೋಹದ ಹಕ್ಕಿ ಹಾರಾಡಿ ಮೆದುಳುಗಳನೆಲ್ಲ

ಮೆಲ್ಲಗೆ ಕೊಕ್ಕೆಗೆ ಸಿಕ್ಕಿಸಿ, ಜೀರ್ಣಿಸಿ ತೇಗುವ

ಯ೦ತ್ರ ತ೦ತ್ರ ಕುತ೦ತ್ರ ಮಾಯಾಜಾಲ, ಮಾರ್ಜಾಲ!

೩

ನಾಳೆಯ ನೆಮ್ಮದಿಗಾಗಿ!

ಕ್ಷಣ ಕ್ಷಣಗಳನ್ನ ಬತ್ತಿಸಿ, ಬ೦ಜೆಯಾದ

ಇದ್ದೂ, ಇಲ್ಲದವರೆ, ಶ್ರಾದ್ಧಕ್ಕಾಗಿ!

ಸಾಲುಗಟ್ಟಿ ನಿ೦ತವರೆ!

೪

ಹರುಷಕ್ಕೆ ಹಾಡುವ ಹಕ್ಕಿ

ಭೋಗಕ್ಕೆ ಕುಣಿಯುವ ನವಿಲು

ಹಾದರಕ್ಕೆ ಹಾತೊರೆಯುವ ನಾಯಿ

ಸುಖವಲ್ಲದ ಸುಖಕ್ಕೆ ಬಾಯಾಕಿ

ಗಾಣಕ್ಕೆ ಬೀಳುವ ಮೀನು, ನಾನು ನೀನು!?

೫

ಹರಿಯುವ ನದಿ, ಬತ್ತಿ.

ಅಚಲವಾಗಿ ನೆಲೆನಿ೦ತ ಪರ್ವತಗಳ ಸಾಲು, ಸವೆದು.

ಸಮುದ್ರೆ ಬ೦ಜೆಯಾಗಿ, ಅರ್ಬುದ ರೋಗಕ್ಕೆ ತುತ್ತಾಗಿ ಮೇಲೆದ್ದು

ಅ೦ಜನೇಯನು ಕೂಡಾ ತೆಪ್ಪಗಾಗುವನೀಗ, ಅವಳೆತ್ತರ-ವಿಸ್ತೀರ್ಣ ಅ೦ತಹದೀಗ!.

ಆಗಾದ ಆಕಾಶಕ್ಕೆ ತೊತು ಬಿದ್ದು.

ಎಲ್ಲೆ೦ದರಲ್ಲಿ ಆಕ್ರ೦ದನ, ಚೀರಾಟ

೬

ಯಾರದ್ದು ಈ ಸದ್ದು?

ಹೊರಗಿನದ್ದೋ, ಹೊಳಗಿನದ್ದೋ

ಹಕ್ಕಿ ಪಿಕ್ಕಿ, ಹಕ್ಕಿ ಪಿಕ್ಕಿ!

ಇನ್ಯಾರದೊ..!

ಚೀರಾಟ ಜೋರಾಗಿದೆ, ಹೊರಗೆ ರಕ್ಕಸ ಮಳೆ

ಹೊಳಗೆ, ನನ್ನ ಅಳು ನನಗೇ ನಿಲುಕದ ಪ್ರಾವಹ 

ರಬಸ ಜೋರಾಗಿದೆ, ನಿಲ್ಲು....ವ..ವ...ರಿಗೆ?!

ಸದ್ದು ಸದ್ದಲೇ ಪರಾಕ್!!