ಸಿನಿಮಾದಕಿ ಸಿಗ್ತಾಳಾ? (ಸಂಚಿಕೆ ೨ )

 ಸಮಯ ರಾತ್ರಿ 9.೩೦ ಆಗಿತ್ತು.ತುಮಕೂರಿನ ಹತ್ತಿರ ಧಾಬಾ ಒಂದರಲ್ಲಿ ಸ್ವಲ್ಪ ಊಟ ಮಾಡಿ ಮತ್ತೆ ಎಲ್ಲಾರು ಗಾಡಿ ಹತ್ತಿದರು.ಋತು ಮಂಜಿ ಒಬ್ಬರ ಕೈ ಒಬ್ಬರು ಹಿಡಿದುಕೊಂಡು ಗುಸುಗುಸು ಮಾತುಗಳಾಡುತ್ತಿದ್ದರು.ಮ್ಯಾನೇಜರ್ ಹೇಳಿದ ಮಲಗಿ ಬೆಳಿಗ್ಗೆ ಬೇಗ ಶಾಟ್ ಗೆ ರೆಡಿ ಆಗಬೇಕು.ಇವನಜ್ಜಿ  ಬದ್ಕೊಂತಾನೆ ಇರ್ತಾನೆ ಅನ್ನುತ್ತ ಮಂಜಿ ಋತುಗೆ ಮಲಗೋಣ ಕಣೆ ಗುಡ್ ನೈಟ್ ಅಂದು ಇಬ್ಬರು ಒಂದೇ ಹೊದಿಗೆಯನ್ನು ಹೊದ್ದುಕೊಂಡು ಗುಬ್ಬಿಮರಿಗಳ ತರಹ  ಮಲಗಿದರು.ಬೆಂಗಳೂರಿನಿಂದ ಗುಲಬರ್ಗಾಗೆ ೧೨ ಗಂಟೆಯ ದೂರ.ಈ ದೂರವನ್ನು ಆದಾಗಲೇ ರಾತ್ರಿ ಆಲಂಗಿಸಿ ಬಿಳ್ಕೊಡುಗೆ ಕೊಟ್ಟಾಗಿತ್ತು.ಸಿಂಧನೂರು ಸುರಪುರ ದಾಟಿ ಗಾಡಿ ಗುಲ್ಬರ್ಗಾ ಕಡೆ ವಾಲಿತ್ತು.ನಸುಕಿನ ೫ ಗಂಟೆಯಾಗಿತ್ತು.ಜೋಮು ಹಿಡಿದ ಕಾಲುಗಳು ಋತುವನ್ನು ಎಬ್ಬಿಸಿತೋ ಅಥವಾ ತನ್ನ ಹೆಗಲ ಮೇಲೆ ಹಾಗೆ ಮಲಗಿದ್ದ ಮಂಜಿಯ ತಲೆ ಭಾರವಾಗಿತ್ತೋ ಗೊತ್ತಿಲ್ಲಾ  ಕಣ್ಣಿಗೆ ಅಂಟಿಕೊಂಡಿದ್ದ ರೆಪ್ಪೆಗಳು ಆಗ ತಾನೇ ಉದಯಿಸುತ್ತಿರುವ ಸೂರ್ಯನ ಬೆಳಕಿಗೆ ಡಿಸ್ಟರ್ಬ್ ಆಗಿ ಒಂಚೂರು ಅಲ್ಲಾಡಿದವು.ಅಯ್ಯೋ ಬೆಳಗಾಯ್ತಾ ? ಅಂತ ಮನಸಲ್ಲೇ ಗೊಣಗುತ್ತ ತನ್ನ ಕೈ ಗಡಿಯಾರ ನೋಡ್ತಾಳೆ ಇನ್ನು ೫ ಗಂಟೆ ಆವಾಗಲೇ ಬೆಳಕು ಹರಿತಾ ಇದೆ.ಮಂಜಿ ಏಯ್ ಮಂಜಿ ನಿನ್ನ ತಲೆ ತೆಗಿಯೀ ತುಂಬಾ ಭಾರ ಕಣೆ,ನೋಡಿಲ್ಲಿ ಬೆಳಗಾಗ್ತಾ  ಇದೆ.ಏನು ಆವಾಗಲೇ ಬೆಳಗಾಯ್ತ ಹೊಗೆಲ್ಲೇ ನಾನಿನ್ನು ಮಲಗಬೇಕು ಅಂತ ಮತ್ತೆ ಮಲಗಿದಳು ಮಂಜಿ. ಸ್ಪಾಟ್ ಬಾಯ್ ಹೇಳಿದ ಅಕ್ಕಯ್ಯ ಇದು ಉತ್ತರ ಕರ್ನಾಟಕ ಅಲ್ಲವೇ,ಇಲ್ಲೆಲ್ಲಾ ಹಿಂಗೆಯಾ ಬಲ್ ಬೇಗನೆ ಬೆಳಕು ಹರಿಯುತ್ತೆ  .....  ಗಾಡಿ ಶೂಟಿಂಗ್ ಲೋಕೆಶನ್ ಅಂದರೆ  ಗುಲ್ಬರ್ಗ ನಗರದ ನೂತನ ವಿಧ್ಯಾಲಯದ ಮೈದಾನದ ಕಡೆ ಮುಖ ಮಾಡಿತು.ಚಾ ರೀ ಚಾ ,ಚಾ ಬೇಕೇನ್ರಿ,ಏಳ್ರಿ ಮೇಡಂ ಅವ್ರೆ  ಚಾ ತಗೋರಿ .                     ಮುಂಜಾನಿ ಆಗ್ಯದ್ರಿ. ಟೀ ಮಾರೋ ಹುಡುಗ ಗಾಡಿ ಏರಿ ಎಲ್ಲರಿಗೂ ಟೀ ಕೊಡೋಕೆ ಎಬ್ಬಿಸ್ತಾ ಇದ್ದ.ಋತು ಹಾಗು ಮಂಜಿ ಈ ಚಾ ಅಂದ್ರ ಏನು ಅಂತ ಒಬ್ಬರ ಮುಖ ಒಬ್ಬರು ನೋಡ್ಕೊಂತಾನೆ ಎದ್ದರು.ಆಮೇಲೆ ಗೊತ್ತಾಗಿದ್ದು ಚಾ ಅಂದ್ರೆ ಟೀ ಅಂತ.

ಹೀಗೆ ಗುಲ್ಬರ್ಗಾ ಬಂದ ದಿನಾನೆ ಋತು ರಗಳೆ ಶುರು ಇಟ್ಕೊಂದಿದ್ಲು.ಶೂಟಿಂಗ್ ತಂಡದಲ್ಲಿ ಸುಮಾರು ಮೂವತ್ತು ಜನ ಇದ್ದರು.ಗುಲ್ಬರ್ಗದಲ್ಲಿ ೨-೩ ಲೋಕೇಶನ್  ಅಲ್ಲಿ ಸಾಂಗ್ ಶೂಟಿಂಗ್ ಮಾಡೋ ಪ್ಲಾನ್ ಇತ್ತು.ಮೊದಲು ಎಲ್ಲರು ಗುಲ್ಬರ್ಗಾದ ಪ್ರಸಿದ್ಧವಾದ ಎನ್.ವಿ. ಮೈದಾನದಲ್ಲಿ ಬಿಡಾರ ಹೂಡಬೇಕಿತ್ತು.ಏಕೆಂದರೆ ಅದು ವಿಶಾಲವಾಗಿತ್ತು ಹಾಗು ಈ ಫಿಲಂ ಗೆ ಪ್ರಚಾರ ಕೂಡ ಬೇಕಿತ್ತು.ಹೀಗಾಗಿ ನಗರದ ಮದ್ಯೆ ಇರುವ ಜಾಗನೆ ಹುಡುಕಿದರು ತಂಡದವರು.ಕಾರಣ ಕಾಲೇಜ್ ವಿದ್ಯಾರ್ಥಿಗಳು ಶೂಟಿಂಗ್ ನೋಡಲು ಬಂದೆ ಬರುತ್ತಾರೆ ಹಾಗು ಉಚಿತವಾದ ಪ್ರಚಾರ ಸಿಗುತ್ತದೆ ಎಂದು.ಹಿರೋ ಮತ್ತು ಹಿರೋಯಿನ್ ಹತ್ತು ಗಂತೆವೆರಾಗ ಬರ್ತಾರೆ ನೀವೆಲ್ಲ ನಿಮ್ಮ ಕಾಸ್ಟ್ಯುಂ ರೆಡಿ ಮಾಡ್ಕೊಳ್ಳಿ ಅಂದ ಮ್ಯಾನೇಜರ.  

ಗುಲ್ಬರ್ಗ ಎನ್.ವಿ ಗ್ರೌಂಡ್ ಅಲ್ಲಿ ಶೂಟಿಂಗ್ ಅಂತ ಪತ್ರಿಕೆಯವರು ಅದಾಗಲೇ ಪ್ರಕಟಿಸಿದ್ದರು.ಹೀಗಾಗಿ ಬೆಳಿಗ್ಗೆ ಒಂಬತ್ತು ಗಂಟೆಗೆಲ್ಲ ಜನ ಜಂಗುಳಿ ಸೇರಿತ್ತು.ಋತು ಹಾಗು ಮಂಜಿ ತಮ್ಮಕಾಸ್ಟ್ಯುಂ ಹಾಕಿಕೊಂಡು ಡಾನ್ಸ್ ಮಾಸ್ಟರ್ ಹತ್ರ ಹೋದರು,ಮಾಸ್ಟರ್ ಅವರಿಗೆಲ್ಲ ಸ್ಟೆಪ್ಸ್ ಹೇಳಿಕೊಡ್ತ

                                          ಮಾಸ್ಟರ್ ಒನ್ ಟು ತ್ರೀ ಫೋರ್ ಅಂದ,ಬ್ಯಾಕ್ ಗ್ರೌಂಡ್  ಅಲ್ಲಿ ಹಾಡು ಶುರುವಾಯಿತು "ಕಣ್ಣ ರೆಪ್ಪೆಯ ನೆರಳಲಿ ಬರೆದರೆ ಕವಿತೆಯು ನೀನಾದೆ.ಹುಣ್ಣಿಮೆ ಬೆಳಕಲಿ ಹಾಡಲು ಹೋದರೆ ಹಾಡಿಗೆ ದನಿಯಾದೆ",ಋತು ಮತ್ತು ತಂಡ ಹಾಡಿಗೆ ಸ್ಟೆಪ್ಸ ಹಾಕ್ತಾ  ಇದ್ದರು.ಋತು ಹಾಡಿಗೆ ಯಾವ ರೀತಿ ಸ್ಟೆಪ್ಸ್ ಸರಿಹೋಗುತ್ತೆ ಅಂತ ಮಾಸ್ಟರ್ ಹತ್ತಿರ ಚರ್ಚೆ ಮಾಡ್ತಾ ಇದ್ದಳು ಮತ್ತೆ ಆ ಹುಡುಗ ಅಲ್ಲಿಂದಲೇ ಕಣ್ಣ ಸನ್ನೆ ಮಾಡಿ ಆಟೋಗ್ರಾಫ್ ಪ್ಲೀಸ್ ಅಂದ.ಅಯ್ಯೋ ಮಂಜಿ ಆ ಹುಡುಗ ಮತ್ತೆ ಆಟೋಗ್ರಾಫ್ ಕೇಳ್ತಾ ಇದ್ದಾನೆ ಕಣೆ..ಅವನಿಗೆ ಹೇಳೇ ನಾನು ಹಿರೋಯಿನ್ ಅಲ್ಲ ಅಂತಾ..ಮಂಜಿ ಯಾರೇ ಅದು  ಅಂತಾ ನೋಡಿದರೆ ಆ ಹುಡುಗ ಕಣ್ಣು ಬಿಡದೆ ಋತು ನ ನೋಡ್ತಾ ಇದ್ದ.ಇದಾವುದೋ ಲೂಸು ಅನ್ಸುತ್ತೆ ತಾಳು ಮಾಡ್ತೀನಿ ಅಂತಾ ಅವನ ಹತ್ತಿರ ಹೋದಳು.ಹೇಲೋ ಏನಾಗಬೇಕಿತ್ತು..ಹುಡುಗ ನಿಮ್ ಫ್ರೆಂಡ್ ಗೆ ಒಂದು ಆಟೋಗ್ರಾಫ್ ಕೊಡು ಅಂತಾ ಹೇಳ್ರಿ ಮುಂಜಾನಿದ ಕಾಯ್ಲಿಗತ್ತಿನಿ ನೋಡ್ತಾರ ಮತ್ತ ಆಕಡೆ ಹೋಗ್ತಾರ.ನೋಡಿ ಅವಳು ಹಿರೋಯಿನ್ ಅಲ್ಲ ,ಹಿರೋಯಿನ್ ಬಂದ  ಮೇಲೆ ಬನ್ನಿ ಓಕೆ ನಾ ಅಂದ್ಲು.ಹಾ ಅವರು ಹಿರೋಯಿನ್ ಅಲ್ಲಾ,ಅಬಾಬಾ ಮತ್ತೇನ್ರಿ ಹಿರೋಯಿನ್ ಇದ್ದಂಗೆ ಹಾರಲಾ,ಅವರು ಪಿಕ್ಚರ್ ಗೆ ಹಿರೋಯಿನ್ ಹಾರೋ ಬಿಟ್ಟರೋ ಅದ್ರ ನನಗ ಮಾತ್ರ ಅವ್ರೆ ಹಿರೋಯಿನ್ ಕಾಣಸ್ತಾರ್ರಿ.ಇಷ್ಟು ಚಂದ ಬೆಳ್ಳಗ ಹಾರ ,ಡಾನ್ಸ್ ಅಷ್ಟು ಚಂದ  ಮಾಡ್ತಾರ ಅವರಿಗ್ಯಾಕ ಹಿರೋಯಿನ್ ಮಾಡಿಲ್ಲರಿ.ಯಾವಂವ ಪ್ರೋಡುಸೆರ್ ತೋರಿಸ್ರಿ ಕೆಳೆಬಿಡ್ತೀನಿ ಅಂದ ಹುಡುಗ.ನೋಡಿ ಹಾಗೆಲ್ಲ ಕೇಳೋಕೆ ಆಗಲ್ಲ.ಸದ್ಯಕ್ಕೆ ನೀವು  ಅಂತಾ ಅ ಹುಡುಗನ್ನ ಕಳ್ಸಿದ್ಲು ಮಂಜಿ.

                                                                                        ಮುಂದುವರೆಯುವುದು....