ವಿಧ: Basic page
November 27, 2007
ನಂಗಿಷ್ಟವಾಗೋದು
ಗಣಿತಾ ಮತ್ತು ಕವಿತಾ.
ಇಬ್ಬರಿಗೂ ಮಣೀತಾ
ಈ ನನ್ನ ಕೊರೆತ :-)
ವಿಧ: ಚರ್ಚೆಯ ವಿಷಯ
November 27, 2007
ತಿಣಿಕಿದನು ಫಣಿರಾಯ ರಾಮಾ
ಯಣದ ಕವಿಗಳ ಭಾರದಲಿ ತಿಂ
ತಿಣಿಯ ರಘುವರ ಚರಿತೆಯಲಿ ಕಾಲಿಡಲು ತೆರಪಿಲ್ಲ
ಬಣಗು ಕವಿಗಳ ಲೆಕ್ಕಿಪನೆ ಸಾ
ಕೆಣಿಸದಿರು ಶುಕರೂಪನಲ್ಲವೆ
ಕುಣಿಸಿ ನಗನೇ ಕವಿ ಕುಮಾರವ್ಯಾಸನುಳಿದವರ
(ಕರ್ಣಾಟಕ ಭಾರತ ಕಥಾಮಂಜರಿ, ಪೀಠಿಕಾಸಂಧಿ, ಪದ್ಯ ೧೭.)
ವಿ.ವಿ.ಯವರು ಈ ಪದ್ಯದ ಅರ್ಥವನ್ನು ಬಹಳ ಹಿಂದೆಯೇ ಕೇಳಿದ್ದರು.
ಗೊತ್ತಿರುವವರು ಹೇಳುತ್ತಿರಾ?
ಮುಂಗಡವಾಗಿ ನನ್ನಿ!
ವಿಧ: Basic page
November 27, 2007
ಹನಿ ಹನಿ ಮಳೆಯಲಿ
ತೋಯುತ ನಡೆಯಲಿ
ಕೊಚ್ಚೆ ಕೊಸರಿನಲಿ
ಹೆಜ್ಜೆ ಬಿರುಸಿನಲಿ
ಡವ ಡವ ಬಡಿದಿದೆ
ಎದೆ ಮಿಡಿತ
ಸರ ಸರ ನಡೆದಿದೆ
ಕಾಲ್ನಡೆತ
ಅಲ್ಲಿಂದ್ದಿತ್ತ ಇಲ್ಲಿಂದ್ದತ್ತ
ಜಿಗಿಯುತ ಹಾರುತ
ಹೊರಟಿರುವೆ ನೀ
ಯಾರ ಮನೆಯತ್ತ
ಎನ್ನ ಮನಸಿನಲಿ
ಎದ್ದ ಬಿರುಗಾಳಿ
ಹೇಗೆ ಬನ್ನಿಸಲಿ
ಹೇಳು ನವಿಲೇ
ವಿಧ: Basic page
November 27, 2007
ಅವಳ ಕಣ್ಣಲ್ಲಿ ಕಣ್ಣಿಟ್ಟು
ನೋಡುತಿರೆ
ಹರಿಯುತಿವೆ
ಭಾವನೆಗಳ ಮಹಾಪೂರ
ಬಿದಿಗೆ ಚಂದ್ರನ ನೋಡಿ
ಹುಟ್ಟಿದಂತೆ
ಕಡಲಲಿ
ಉಬ್ಬರ
ಉಕ್ಕಿ ಬರುತಿಹ
ಭಾವನೆಗಳ
ಕಟ್ಟಿ ಹಾಕುವ ಆತುರ
ನಿಲ್ಲುವುದೆಂತು?
ಕಟ್ಟೆಯೊಡೆದು ನುಗ್ಗುತಿವೆ
ಅವಳೆಡೆಗೆ
ನದಿಯು ಹುಡುಕುವಂತೆ
ಸಾಗರ
ವಿಧ: Basic page
November 27, 2007
ಕೂತಿಹೆನು ನಾನಿಲ್ಲಿ,
ಬೆಳಕು ಬರಲಂಜುವ ಕತ್ತಲಲಿ
ನೆನಪುಗಳು ಲಗ್ಗೆಯಿಡುತಿವೆ
ಎದೆಯಾಳದಲಿ
ಕೂಗುತಿದೆ
ಕತ್ತಲ ಭಯವಿಲ್ಲ
ನನಗೆ
ಮೌನವ ಹೆದೆಯೇರಿಸಿಯೂ
ನಿರಾಯುಧ ನಾನಿಲ್ಲಿ
ಒಂಟಿ ಯೋಧನ ಮೇಲೆ
ಬೇಡವೊ ಸಮರ!
ಕೇಳುವುವರಾರು?
ನಡೆಯುತಲಿದೆ
ನೆನಪುಗಳ ಪ್ರಹಾರ
ವಿಧ: Basic page
November 27, 2007
ಸಾವಿರ ಕನಸುಗಳ ಕಾಣಿಸುತಿದೆ
ಅವಳ ಸಾಂಗತ್ಯದಲ್ಲಿಯ
ಅರೆಕ್ಷಣದ ನೀರವ ಮೌನ
ನೀರಿನಿಂದ ಹೊರಬಿದ್ದ ಮೀನಿನಂತೆ
ಅವಳಿಲ್ಲದ ಅರಗಳಿಗೆಯ
ಶೂನ್ಯವ ಸೃಷ್ಟಿಸುವ ಜೀವನ
ವಿಧ: Basic page
November 27, 2007
ತುಂಬು ಗೆನ್ನೆಗಳು
ರಂಗೇರಿವೆ
ಅವಳಿ ಸಂಜೆ ಸೂರ್ಯರಂತೆ
ಅದುರುತಿರುವ ಅಧರಗಳು
ಜಿನುಗುತಿವೆ
ಜೇನ ಸವರಿದಂತೆ
ನಲಿನ ನಯನಗಳು
ಮಿನುಗುತಿವೆ
ತಾರೆಗಳ ಸಮ್ಮೇಳದಂತೆ
ನೀಳ ನಾಸಿಕವು
ನಿಂತಂತಿದೆ
ಹಿಮ ಪರ್ವತದಂತೆ
ಎದೆಯುಸಿರಿನ ಏರಿಳಿತಕೆ
ನಾಟ್ಯವಾಡುವಂತೆ
ನಿಂತ ಅವಳು
ಮುಂಗುರುಳ ಜೊತೆ
ಸರಸವಾಡುತಿವೆ
ಕಿರುಬೆರಳು
ಅದರುತ್ತಾ ಬೆದರುತಿವೆ
ಕಣ್ಣ ಕಾವಲಿಗೆ ನಿಂತ
ರೆಪ್ಪೆಗಳು
ಅವಳಂದಕೆ ಸೋತಂತೆ
ಹಿಂಬಾಲಿಸಿದೆ
ಅವಳ ನೆರಳು
ತುಟಿ ಬಿಚ್ಚಿ ಉದುರಿಸಿದರೆ
ಮುತ್ತುಗಳಂತ
ಮುಗುಳ್ನಗು
ಧರೆಗುರುಳುವ ಲತೆಯಂತಾದೆ
ನೋಡಿ…
ವಿಧ: Basic page
November 27, 2007
ನಿನ್ನ ನೋಡುವ ಕಾತರದಲಿ
ಉಳಿದ ದಿನಗಳ
ಕಳೆದು ಕೂಡಿಸಿದೆ
ಗುಣಿಸಿ ಭಾಗಿಸಿದೆ
ತಪ್ಪು ಲೆಕ್ಕಗಳ
ಬರೆವ ಪುಟ್ಟ
ಹುಡುಗನ ಹಾಗೆ
ಏನು ಮಾಡಿದರೇನು
ಮತ್ತದೆ ಹಿಡಿಸದ
ಅಂಕೆ
ದಿನಗಳೆದರೂ
ದಿನಗಳು
ಓಡುತಿಲ್ಲವೆಂಬ
ಶಂಕೆ
ವಿಧ: Basic page
November 27, 2007
ಚಂದುವಳ್ಳಿ ತೋಟದ ತುಂಬೆಲ್ಲಾ
ಬರಿ ಹಾವುಗಳು!
ಮೊನ್ನೆ ನಿನ್ನೆಯವರೆಗೆ
ಜಗಮಗಿಸುತಿದ್ದವು
ಗಿಡದ ಎಡೆಯಲಿ,
ಎಲೆ ಬಳ್ಳಿಗಳ ಬಳಿಯಲಿ
ಮಿಂಚುತಾ
ಬಣ್ಣ ಬಣ್ಣದ ಹೂಗಳು
ಮುಳ್ಳುಗಳೇ ಕಾಣಿಸುತಿಲ್ಲ
ಕಾವಲಿಗೆ ಯಾರು ಇಲ್ಲ
ಮುರುಟಿ ಬಿದ್ದ ಗಿಡಗಳು
ಬಿದ್ದಿವೆ ಅಲ್ಲಲ್ಲಿ
ಕರಟಿ ಹೋದ ಎಸಳು
ಆವರಿಸಿತ್ತು
ಹಾವಿನ ಬುಸು ಬುಸು
ತುಂಬಿ ತೋಟದ ಬಯಲು
ಕೇಳಿಸುತಿಲ್ಲ
ಮೊದಲಿದ್ದ ಕಿಲ ಕಿಲ
ಹಕ್ಕಿಗಳ ಕೂಗಿನ ಬದಲು
ಗಾಳಿಯ ಗರಳದಿ ಕಲುಕಿದ
ವಿಷಮೋರಗ
ಸುಡುವ ಬಿಸಿಲಿಗೂ ಬಗ್ಗದ
ಗುಂಪು ಗುಂಪು ಉರಗ
ಹೂವ ಕೊಯ್ಯ ಬಂದ
ಕೈಗೆ ಭಯ…
ವಿಧ: Basic page
November 27, 2007
ಹುಡುಕಬೇಡಿ ಪ್ರೀತಿಯ ಮೂಲ
ನಾಶವಾದೀತು ಮಾನವ ಕುಲ
ಪ್ರೀತಿಯಲ್ಲು೦ಟು ಹಲವು ಬಗೆ
ತಪ್ಪಿ ಬಳಸಿದರೆ ತೆರಬೇಕಾದೀತು ತೆರಿಗೆ
ಪ್ರೀತಿಗೂ ಇದೆ ಕೆಲವು ಕಟ್ಟುಪಾಡು
ಮರೆತರೆ ಜೀವನ ನಾಯಿಪಾಡು
ಪ್ರೀತಿಯ ಕಣ್ಣುಗಳಿಗೆ ಮುಖ್ಯವಲ್ಲ ಅ೦ದಚೆ೦ದ
ಬೆರೆಯಬೇಕು ಹೃದಯಗಳಲ್ಲಿ ಒಳ್ಳೆಯ ಅನುಬ೦ದ
ಪ್ರೀತಿಯು ಬಯಸುತ್ತದೆ ಇನ್ನೊಬ್ಬರ ಮನಸ್ಸು
ಹತ್ತಿರವಾಗದ್ದಿದ್ದರೆ ನುಚ್ಚುನೂರಾಗುತ್ತದೆ ಕಟ್ಟಿದ ಕನಸ್ಸು
ಪ್ರೀತಿ ಹ೦ಚಿಕೊಳ್ಳಲು ಅಗತ್ಯ ಬಿಚ್ಚು ಮನಸ್ಸು
ನಡುವೆ ಬರುವುದಿಲ್ಲ ಹಿರಿಯ-ಕಿರಿಯ ವಯಸ್ಸು
ಹುಟ್ಟು ತಾಯಿತ೦ದೆಯ…