' ಋಣ ಪ್ರಜ್ಞೆ '

ಪಾಟೀಲರಿಗೆ ನಮಸ್ಕಾರ. ಋಣಪ್ರಜ್ಞೆ ಕವನ ಮನುಜನೊಳಗಿನ ತೋರಿಕೆಯ ದ್ವಂದ್ವವನ್ನು ಚೆನ್ನಾಗಿ ಬಿಂಬಿಸಿದೆ. ಸ್ವಂತಕ್ಕಾಗಿ ಬದುಕುವುದಕ್ಕಿಂತ, ಪರರ ನಿರೀಕ್ಷೆಯನುಸಾರ ಬದುಕಲೆತ್ನಿಸುವ, ಲೋಕ ಮೆಚ್ಚುವಂತೆ ನಡೆವ ಹಾಗೆ 'ನಟಿಸುವ' ನಮ್ಮ ಎಷ್ಟೊ ಕ್ರಿಯೆಗಳು ಮನುಷ್ಯತ್ವದ ಆಷಾಢಭೂತಿತನಕ್ಕೆ ಹಿಡಿದ ಕನ್ನಡಿ. ಅಷ್ಟೆಲ್ಲ ತೋರಿಕೆಯ ತಾಕಲಾಟದ ಬದಲು ತುಸುವಾದರೂ ವಾಸ್ತವಿಕತೆಯ ಅವಶ್ಯಕತೆಗನುಗುಣವಾಗಿ, ನಿಜಾಯತಿಯಿಂದ ನಡೆಯಲೆತ್ನಿಸಿದರೆ ಎಷ್ಟೊ ದ್ವಂದ್ವಗಳನ್ನು ಪರಿಹರಿಸಬಹುದು. ಆ ತರದ ಬೂಟಾಟಿಕೆಗಳನ್ನು ಎತ್ತಿ ತೋರಿಸುತ್ತ ನಮ್ಮ ಋಣಪ್ರಜ್ಞೆಯ 'ಕಮರ್ಶಿಯಲಿಸಂ' ಬಗ್ಗೆ ಬೆಳಕು ಚೆಲ್ಲುವುದಲ್ಲದೆ, ಯಾವುದು ಸರಿಯಾದ ರೀತಿ ಎಂಬ ಜಿಜ್ಞಾಸೆಗೆಗೆ ಉತ್ತರಿಸಲು ಯತ್ನಿಸುತ್ತದೆ ಕವನ. ವಸ್ತು ಮೆಚ್ಚಿಕೆಯಾಯ್ತು - ನಿಜ ಹೇಳಬೇಕೆಂದರೆ, ನಿಮ್ಮ ಪಟ್ಟಿಯನ್ನು ಇನ್ನಷ್ಟು ಉದ್ದವಾಗಿ ವಿಸ್ತರಿಸುತ್ತಾ ಹೋಗುವಷ್ಟು ಉದಾಹರಣೆಗಳು ಸಿಗುತ್ತವೆ. ಒಂದು ರೀತಿ, ನಾವೆಲ್ಲರೂ ಈ ಋಣಪ್ರಜ್ಞೆಯ ಬಂಧಿಗಳೊ ಏನೊ. ಆ ಪ್ರಜ್ಞೆಯನ್ನು ಕೆಣಕುವ ಕವನ ನೀಡಿದ್ದಕ್ಕೆ ಧನ್ಯವಾದಗಳು.
 
-ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು