ಎರಡು ಬೆಸ್ತರ ನೀಲುಗಳು

ಎರಡು ಬೆಸ್ತರ ನೀಲುಗಳು

By anivaasi on Fri, 06/06/2008 - 06:07

ನಡುನಡುವೆ

ಪಟ್ಣಣದತ್ತ ಕಣ್ಣಿಟ್ಟ ಬೆಸ್ತರ ಹುಡುಗ
"ಮೀನಲ್ಲಿ... ಭವಿಷ್ಯ... ಇಲ್ಲ... ಏನು ಮಾಡೋದು" ಅಂತ

ತಡೆತಡೆದು ಆಡಿದ ಮಾತುಗಳ ನಡುವೆಲ್ಲಾ
ಕಡಲ ಮೊರೆತ ತುಂಬಿಕೊಂಡಿತು
ಅನುಮಾನಕ್ಕೆಡೆ ಕೊಡದಂತೆ.

 

 

 

 

 

 

ಪ್ರಶ್ನೆಯಿಲ್ಲದ ಉತ್ತರ

"ಬೇರೆ ನೀರಿಗೆ ಹೋಗಿವೆ ಮೀನು;
ಖಾಲಿ ಬಲೆ ಎಳೆಯಲಿಕ್ಕೇಕೆ ಬೇಕು
ಪಟ್ಟಣಕ್ಕೆ ಹೋದ ಮಕ್ಕಳು" ಎನ್ನುತ್ತಲೇ
ಬೆಸ್ತರ ಮುದುಕ
ಹರಿದ ಬಲೆಯನ್ನು ಸೇರಿಸಿ
ಸೇರಿಸಿ ಹೊಲಿದೇ ಹೊಲಿದ.

 

 

Rating
No votes yet

Comments