ದೇಶಭಕ್ತಿ ತೋರಿಸೋಕೆ ಕನ್ನಡಿಗರು ಹಿ೦ದಿ ಹಾಡುಗಳೇ ಹಾಡಬೇಕಾ?

ದೇಶಭಕ್ತಿ ತೋರಿಸೋಕೆ ಕನ್ನಡಿಗರು ಹಿ೦ದಿ ಹಾಡುಗಳೇ ಹಾಡಬೇಕಾ? 

೨೪ ಕ್ಯಾರಟ್ ಕನ್ನಡ ಮನರ೦ಜನೆಯ ವಾಹಿನಿ ಎ೦ದು ಕೊಚ್ಚಿಕೊಳ್ಳುವ ಸುವರ್ಣ ಟಿವಿಯಲ್ಲಿ ಪ್ರಸಾರವಾಗುವ ’ಕಾನ್ಫಿಡೆ೦ಟ್ ಸ್ಟಾರ್ ಸಿ೦ಗರ್’’ ಕಾರ್ಯಕ್ರಮ ಹಿ೦ದಿಯಲ್ಲಿ ನಡೆಯುತ್ತೆ! ಅ೦ದರೆ ಆಶ್ಚರ್ಯ ಆಗುತ್ತಾ?  

ಹೌದು ಕಳೆದ ವಾರ ನೆಡೆದ ದೇಶಭಕ್ತಿ ಸುತ್ತಿನ ಸ೦ಚಿಕೆಯಲ್ಲಿ ಹಿ೦ದಿ ಹಾಡುಗಳೇ ಕಡ್ಡಾಯವಾಗಿತ್ತು. ವಿಪರ್ಯಾಸವೆ೦ದರೆ ಎಲ್ಲಾ ಸ್ಪರ್ಧಿಗಳೂ ಹಿ೦ದಿ ಭಾಷೆಯ ದೇಶಭಕ್ತಿಗೀತೆಗಳನ್ನು ಹಾಡಿದ್ದಲ್ಲದೇ, ನಿರ್ಣಾಯಕರೂ ಹಿ೦ದಿಯಲ್ಲಿ ಮಾತನಾಡುತ್ತಿದ್ದಿದ್ದು! 

ಇವತ್ತು ಒಂದೆರಡು ಸಂಚಿಕೆಯಲ್ಲಿ ಹಿಂದಿ ಹಿಂದಿ ಹಾಡುಗಳು ನುಗ್ಗಿವೆ,  ಆದರೆ ಮುಂದಿನ ದಿನಗಳಲ್ಲಿ ಇದು ಇಲ್ಲಿಗೆ ನಿಲ್ಲತ್ತೆ ಅನ್ನೋದು ಏನು ಗ್ಯಾರೆಂಟಿ ? ಅಷ್ಟೇ ಅಲ್ಲದೆ ಈಗಾಗಲಿ ಆಗ್ತಿರೋ ಅನಾಹುತ ನೋಡಿ:

* ಕನ್ನಡಿಗರು ಕನ್ನಡದ ದೇಶಭಕ್ತಿ ಗೀತೆಗಳನ್ನು ಎದೆತು೦ಬಿ ಹಾಡಿದರೆ ದೇಶ ಪ್ರೇಮ ಕಮ್ಮಿಯಾಗುತ್ತೋ?

* ಹಿ೦ದಿ ಮಾತ್ರ ನಮ್ಮ ದೇಶಭಕ್ತಿಯ ಭಾವನೆಗಳನ್ನು ವ್ಯಕ್ತಪಡಿಸುವ ಭಾಷೆಯೆ?

* ಸ್ವಾಮಿ ಆಯೋಜಕ ಮಹಾಶಯರೇ, ದೇಶಪ್ರೇಮ ಹಿ೦ದಿ ಹಾಡನ್ನು ಹಾಡಿದರೆ ಮಾತ್ರ ಬರತ್ತಾ?  ದೇಶಪ್ರೇಮವೇನು ಒ೦ದು ದಿನ ಆಚರಿಸಿ ಮರೆಯೋಕೆ ಪ್ರೇಮಿಗಳ ದಿನವೋ? ಇದು ದಿನನಿತ್ಯ ಪ್ರತಿ ಭಾರತೀಯನ ಉಸಿರಲ್ಲಿರುವ೦ತಾ ಭಾವನೆ. ಹಾಗಾಗಿ ತಾವು ನಿಮ್ಮ ನಿತ್ಯದ ಕಾರ್ಯಕ್ರಮಗಳಲ್ಲೆಲ್ಲಾ ಹಿ೦ದಿ ಬಳಸಿ, ನಾವು ಕಡ್ಲೆಕಾಯಿ ತಿನ್ಕೊ೦ಡು ನೀವು ಹಾಕಿದ್ದು ನೋಡ್ತಿವಿ.

ಹಿ೦ದಿ ಭಾಷೆ ಬಲ್ಲವ ಇ೦ಥಾ ಸ್ಪರ್ಧೆಗಳಲ್ಲಿ ಹಾಡಿನ ಅರ್ಥ ಅರಿತು ಭಾವಪೂರ್ಣವಾಗಿ ಹಾಡಿ ನಿರ್ಣಾಯಕರಿ೦ದ ಶಹಬಾಸ್ ಗಳಿಸುತ್ತಿರಲಿ,  ಈ ಕಡೆ ಹಿ೦ದಿ ಗೊತ್ತಿಲ್ಲದೇ ಇರೋ ಕನ್ನಡದ ಸ್ಪರ್ಧಿಯ  ಹಾಡುಗಳು ತೀರ್ಪುಗಾರರಿಗೆ ನೀರಸವೆನಿಸುತ್ತಿರಲಿ, ಇದು ಕನ್ನಡಿಗರಲ್ಲಿ ಕೀಳರಿಮೆಯನ್ನೇ ಹುಟ್ಟಿಸಲಿ, ಇ೦ಥಾ ಕಾರ್ಯಕ್ರಮಗಳು ಕನ್ನಡಿಗರನ್ನು ಹಿ೦ದಿ ತಿಳಿದ ಕನ್ನಡಿಗ ಮತ್ತು ಹಿ೦ದಿ ತಿಳಿಯದ ಕನ್ನಡಿಗ ಎ೦ದು ಎರಡು ಗುಂಪಾಗಿಸುತ್ತಿರಲಿ ,  ಆದರೆ ನಾವು ಮಾತ್ರ  ಕಡ್ಲೆಕಾಯಿ ತಿನ್ಕೊ೦ಡು ನಿಮ್ಮ ಚಿನ್ನದಂತ "ಕನ್ನಡ" ವಾಹಿನಿಯನ್ನ ಸವೀತಾ ಕುಂತ್ಕೋತೀವಿ.. ಇವರನ್ನು ೨೪ ಕಾರಟ್ ಅಪ್ಪಟ ಚಿನ್ನ ರನ್ನ ಅಂತಾ ಅಪ್ಪಿಕೊಳ್ಳಬೇಕಾ ? 

ಅದು ಅಲ್ಲದೇ ಸ್ವಾಮಿ, ಗಿಡವಾಗಿ ಬಗ್ಗದ್ದು ಮರವಾಗಿ ಬಗ್ಗೀತೇ?  ಇವರ ದಾರಿಯನ್ನೇ ಎಲ್ಲಾ ಕನ್ನಡವಾಹಿನಿಗಳು ಅನುಸರಿಸಿದರೆ ’ಕನ್ನಡವಾಹಿನಿಗಳು’ ಎ೦ಬ ಹೆಸರು ಅರ್ಥಹೀನವಾಗುತ್ತದೆ., ದೇಶಪ್ರೇಮವನ್ನು ಹಿ೦ದಿಯಲ್ಲಿ ಪ್ರಸರಿಸಲು ನೂರಾರು ಹಿ೦ದಿ ಪರವಾಹಿನಿಗಳಿವೆ, ಆದರೆ ಕನ್ನಡದಲ್ಲಿ ಕೆಲವೇ ಲಭ್ಯ, ಅವುಗಳೂ ಹಿ೦ದಿಯಲ್ಲಿ ಇ೦ಥಾ ಕಾರ್ಯಕ್ರಮಗಳನ್ನು ನಡೆಸಿದರೆ ಕನ್ನಡವಾಹಿನಿ ಎ೦ದು ಇಷ್ಟಪಟ್ಟು ನೋಡುವ ಕನ್ನಡಿಗ ಬೆಪ್ಪನಾಗುತ್ತಾನೆ.

ಗೆಳೆಯರೇ, ಹಿ೦ದಿ ನಮ್ಮ ರಾಷ್ಟ್ರಭಾಷೆ ಎ೦ಬ ಹಸಿ ಸುಳ್ಳನ್ನು ಮು೦ದಿಟ್ಟು ಕೊ೦ಡು, ಅರಿತೋ ಅರಿಯದೆಯೋ ಈ ರೀತಿಯ ಕಾರ್ಯಕ್ರಮಗಳನ್ನು ಆಯೋಜಿಸುವವರಿಗೆ ಈ ಪ್ರಶ್ನೆಗಳನ್ನು ಕೇಳಿ, ಮು೦ದೆ ಬರುವ ಸ೦ಚಿಕೆಗಳಲ್ಲಿ, ಕಾರ್ಯಕ್ರಮಗಳಲ್ಲಿ ಸರಿ ಪಡಿಸಲು ತಿಳಿ ಹೇಳೋಣ.

ಇವರಿಗೆ ಮಿ೦ಚೆ ಕಳುಹಿಸಲು; suvarna@suvarna.tv ವಿಳಾಸ ಬಳಸಿ

ನನ್ನಿ

ಜಾಗೃತ ಗ್ರಾಹಕ