ನಿನ್ನ ಮರೆಯಲು ಪ್ರಯತ್ನಿಸಿ ಸೋತಿದ್ದೀನಿ..:(

ನಿನಗೆ ಇದು ನನ್ನ ಕೊನೆಯ ಪತ್ರ ಅಂತ ತಿರ್ಮಾನಿಸಿಯೆ ನಿನಗೆ ಬರೆಯಲು ಕುಳಿತ್ತಿದ್ದೇನೆ ಗೊತ್ತ? ಈ ಪತ್ರ ಶುರು ಮಾಡೋದಕ್ಕು ದಿನಗಳನ್ನ ಆ ಪರಿ ಸುಟ್ಟಿದ್ದೇನೆ ಮತ್ಯಾವತ್ತು ನಿನಗೆ ನನ್ನಿಂದ ಪತ್ರ ಬರುವುದಿಲ್ಲ. ಆದರೆ ನಾನು ನಿನ್ನ ಕನಸಿಗೆ ಬರುವುದನ್ನ ಯಾರಿಂದಲೂ ತಪ್ಪಿಸಲು ಆಗೋದಿಲ್ಲ ಕಣೊ ಕೊನೆಯ ಪತ್ರ ನಿನ್ನ ಅಮೂಲ್ಯ ಸಮಯವನ್ನ ಹಾಳುಮಾಡಲಾರೆ ಸ್ವಲ್ಪಾನೆ ಸ್ವಲ್ಪ ಬರಿತ ಇದ್ದೀನಿ ಇಷ್ಟ ಇದ್ದರೆ ಓದಿಕೋ ಇಷ್ಟವಾಗಲಿಲ್ಲವ? ನನ್ನ ಮತ್ತೆ ನನ್ನ ಒಲವನ್ನ ಎಡಗಾಲಲ್ಲಿ ಒದ್ದು ಹೋದ ಹಾಗೆ ಇದಕ್ಕು…………………….?

.ಕೊನೆಗೂ ಮರೆತೇ ಬಿಟ್ಯ? ಎದೆಯ ಮೇಲೆ ಮೈಮರೆತು ಮಲಗಿ ಜಗತ್ತನ್ನೆ ಮರೆಸುವ ಮಾತುಗಳನ್ನಾಡುತ್ತಿದ್ದ ನೀನೇನ ಒಂದೆ ಒಂದು ಮಾತಾಡದೆ ಹೋಗಿದ್ದು? ಅದು ಒಂದು ಕಾರಣವನ್ನೂ ಹೇಳದೇ? ಕೊನೆಗೂ ಮರೆತೇ ಬಿಟ್ಯ? ನನ್ನ ಕಿರುಬೆರಳಿಗೆ ಬೆರಳು ತಾಗಿಸಿಕೊಂಡು ಮಾತುಗಳಿಲ್ಲದೆ ನಡೆದ ಆ ಸುಂದರ ನದಿತೀರದ ಸಂಜೆಗಳನ್ನ? ಮರೆತೆಯೇನೊ? ನನ್ನ ಕಾಲಿಗೆ ನೀನು ತಂದ ಬಣ್ಣದ ಗೆಜ್ಜೆಯನ್ನು ತೊಡಿಸುವಾಗ ” ಎಷ್ಟೇ ಜನುಮ ಬರಿಲಿ ಪುಟ್ಟು ಈ ಹೆಜ್ಜೆಗಳಿಗೆ ಮತ್ತೆ ಈ ಗೆಜ್ಜೆಗಳಿಗೆ ನಾನು ಜೊತೆಯಾಗಿರ್ತೀನಿ ” ಅಂದ ಬಂಗಾರದಂತ ಮಾತುಗಳನ್ನ? ಮರೆತೆಯೇನೋ ?ನನ್ನ ಬಿಗಿದಪ್ಪಿ ಉಸಿರುಗಟ್ಟಿಸಿ ” ಯಾವತ್ತು ನಿನ್ನವನೇ” ಅಂತ ಕಿವಿಯಲ್ಲಿ ಉಸಿರಿದ್ದು? ಇದೆಲ್ಲವನ್ನು ಮರೆತವನಿಗೆ ಈ ಪಾಪಿಯನ್ನ ಮರೆಯುವುದು ಅಷ್ಟು ಕಷ್ಟವಾಗಲಿಲ್ಲ ಅಲ್ಲವೇನೋ?

ಬದುಕು ಅನ್ನುವುದು ಇಷ್ಟೊಂದು ಘೋರ ಅಂತ ನಿನ್ನ ವಿದಾಯದ ನಂತರವೇ ನನಗೆ ಗೊತ್ತಾಗಿದ್ದು ಗೊತ್ತ? ಪ್ರೀತಿಯ ಗೆಳೆಯ ಜೀವದ ಗೆಳೆಯ ಒಂದೆ ಒಂದು ಮಾತನಾಡದೆ 6 ವರ್ಷದ ಹಸುಗುಸಿನಂತಹ ಪ್ರೀತಿಯನ್ನ ಎಡಗಾಲಲ್ಲಿ ಒದ್ದು ಹೋಗ್ತಾನೆ ಅಂತ ಯಾವ ಪಾಪದ ಹುಡುಗಿ ತಾನೆ ನಂಬುತ್ತಾಳೆ ಹೇಳು?ನಿಜ ಹೇಳು ನಾವಿಬ್ಬರು ಕಂಡ ಕನಸುಗಳನ್ನ ಲೆಕ್ಕ ಹಾಕಿದರೇ ಆ ಚುಕ್ಕಿಗಳು ಸಾಟಿಯಾಗುತ್ತಿದ್ದವ? ಕೊನೆಗು ಅಷ್ಟು ಕನಸುಗಳಲ್ಲಿ ಒಂದೆ ಒಂದು ಕೂಡ ನನಸಾಗಲಿಲ್ಲವಲ್ಲೋ? ಅಷ್ಟು ಹೀನ ಶಕುನದವಳ ನಾನು? ದೇವರಲ್ಲಿ ಕೇಳಿಕೊಂಡ ಬಹುಸಂಖ್ಯಾತ ಬೇಡಿಕೆಗಳಲ್ಲಿ ” ನಾನು ನಿನ್ನ ಜೊತೆ ಬದುಕಿ ಬಾಳಬೇಕು” ಅಂತ ಕೇಳಿಕೊಂಡ ಒಂದೇ ಒಂದು ವರ ಸಾಕಾಗಿತ್ತು ಕಣೊ ಈ ಪಾಪಿ ಜೀವಕ್ಕ್ಕೆ ಸಾಕಿತ್ತು ಆ ದೇವರು ಅದಕ್ಕು ಅಸ್ತು ಅನ್ನಲಿಲ್ಲ ನೋಡು. ಬಿಡು ನನ್ನ ಈ ಜಗತ್ತಿನಲ್ಲಿ ಈ ಹಾಳು ದೇವರಿಗೆ ನಾನು ಯಾವತ್ತು ವಿದೇಯಳಾಗಿರಬಾರದು ಅಂತ ತೀರ್ಮಾನಿಸಿಬಿಟ್ಟಾಗಿದೆ. ನನ್ನ ನಿನ್ನ ಒಂದು ಮಾಡಲೊಲ್ಲದ ಶಕ್ತಿಗೆ ದೇವರು ಅಂತ ಯಾಕೋ ಕರಿಬೇಕು ಹೇಳೂ?

ಸರಿ ನೀನು ಹೋಗಿಯಾಯಿತಲ್ಲ? ಹೇಗಿದ್ದೀಯ? ಹೊಸ ಹುಡುಗಿ ಸಿಕ್ಕಿರಬೇಕು ಅವಳ ಕಾಲಿಗು ಗೆಜ್ಜೆ ತೊಡಿಸುತ್ತ’ 7 ಜನುಮ ಜೊತೆ ಇರ್ತೀನಿ ಅಂತ ಹೇಳ್ತಿದ್ದೀಯ ಅಲ್ಲವ? ಅವಳ ಕೈ ಬೆರೆಳ ಜೊತೆ ಆಟ ಆಡುತ್ತ ಪ್ರತಿ ದಿನ ಸಂಜೆ ನದಿ ತೀರದಲ್ಲಿ………………….. ಅವಳ ಎದೆಯ ಮೇಲೆ…ಸಾಕು ಕಣೊ ಯಾಕೊ ಗಂಟಲುಬ್ಬಿ ಬರುತ್ತಿದೆ ನನಗೆ ಮತ್ತೆ ಒಂದು ಸಾಲು ಬರಿಲಿಕ್ಕೆ ಆಗ್ತಿಲ್ಲ ಗೊತ್ತ.

ಇಂತಿ ನಿನ್ನ ಮರೆಯಲು ಪ್ರಯತ್ನಿಸಿ ಸೋತವಳು..:(