ವಚನ-ಕವನ
ಆಸೆ ಬಯಕೆಯಾಗಿದೆ ಧರಣಿಯಲ್ಲಿ
ಆಸೆ ಬೇಡಿಕೆಯಾಗಿದೆ ವ್ಯಾಪಾರದಲ್ಲಿ
ಆಸೆ ಕಾಮವಾಗಿದೆ ಸ್ತ್ರೀ ಪುರುಷರಲ್ಲಿ
ಆಸೆ ಕ್ರೋಧವಾಗಿದೆ ಈಡೇರದಲ್ಲಿ
ಆಸೆ ಲೋಭವಾಗಿದೆ ಧನಕನಕದಲ್ಲಿ
ಆಸೆ ಮೋಹವಾಗಿದೆ ಸಂಸಾರದಲ್ಲಿ
ಆಸೆ ಮದವಾಗಿದೆ ಈಡೇರಿದಲ್ಲಿ
ಆಸೆ ಮತ್ಸರವಾಗಿದೆ ಪರರ ಏಳ್ಗೆ ಸಹಿಸದಲ್ಲಿ
ಆಸೆ ಮಮತೆಯಾಗಿದೆ ಮಾತೆಯಲ್ಲಿ
ಆಸೆ ಪ್ರೀತಿಯಾಗಿದೆ ಪ್ರೇಮಿಯಲ್ಲಿ
ಆಸೆ ಸ್ನೇಹವಾಗಿದೆ ಮಿತ್ರರಲ್ಲಿ
ಆಸೆ ಅಭಿಮಾನವಾಗಿದೆ ನಾಡು ನುಡಿಯಲ್ಲಿ
ಆಸೆ ಮನೋರೋಗವಾಗಿದೆ ವ್ಯಸನಿಯಲ್ಲಿ
ಆಸೆ ಬಂಧನವಾಗಿದೆ ಭವಿಯಲ್ಲಿ
ಆಸೆ ಭಕ್ತಿಯಾಗಿದೆ ಶರಣರಲ್ಲಿ
ಆಸೆ ಪ್ರೇರಕವಾಗಿದೆ ಕಾಯಕದಲ್ಲಿ
ಆಸೆ ಸಾರ್ಥಕವಾಗಿದೆ ದಾಸೋಹದಲ್ಲಿ
ಆಸೆ ಪೂರಕವಾಗಿದೆ ಲಿಂಗದೊಲುಮೆಯಲ್ಲಿ
ಆಸೆ ಕಾರಣವಾಗಿದೆ ನಿಮ್ಮ ಕರುಣೆ ಪಡೆವಲ್ಲಿ
ಆಸೆ ಬಯಲಾಗಿದೆ ಶೂನ್ಯ ಸಂಪಾದನೆಯಲ್ಲಿ
ಹರ ಹರಾ ಶ್ರೀ ಗುರುಬಸವೇಶ್ವರಾ ||
Rating