ವಸಂತನ ಹಕ್ಕಿಗಳು

4.5

1. ರೂಪಕಗಳು
 
ಶಿಶಿರದಲ್ಲಿ ಅವಿತ 
ಕೊರಳ ಬಿಸಿಯಾರದ ಮಾತು
ಹೊಸ್ತಿಲೇರಿದ ಹೊಸ ಋತು 
ಒಡೆವ ಸಂತಸದ ಚಿಗುರು
ಚಿಲಿಪಿಲಿ ಕುಕು ಕಲರವ ಕೇಕೆಗಳು
ವಸಂತನಿಗಂಟಿದ ರೂಪಕಗಳು
 
 
2. ಕಾಲರ್ ಟ್ಯೂನ್
 
ವಸಂತನಿಗೆ ವೈವಿಧ್ಯದ
ಕಾಲರ್ ಟ್ಯೂನ್
ಹರಿಬಿಡುವ
ಬಣ್ಣ ಬಣ್ಣದ 
ವಿಧವಿಧ ಹಕ್ಕಿಗಳು
 
 
3. ಸಾಣೆ
 
ರಾತ್ರಿ ಅಚಾನಕ ಮಳೆ ಸುರಿದು 
ಹೊಳೆವ ಬೆಳಗು 
ವಸಂತನ ಸೊಂಪಿಗೆ
ಹಕ್ಕಿ ಹೊರಳಿಸಿ ಕೊರಳು
ಹಿಡಿದಿದೆ ಸಾಣೆ ಇಂಪಿಗೂ!
 
ಇನಿಯಳ ಸೆಳೆವ 
ಹಕ್ಕಿಯ ಕಲೆ ಎಂಥ ಸೊಬಗು !! 
 
 
4. ಯಾವ ಘರಾನ
 
ಎಷ್ಟು ತೆರನಾದ ನಾದಗಳಿವು
ತಾಲಮಾನಗಳ ಅರಿಯದವು
ಇಂಪನೆಂದಿಗೂ ತೊರೆಯದವು
ಯಾವ ಘರಾನದ ಹಕ್ಕಿಗಳಿವು!
 
                       - ಅನಂತ ರಮೇಶ್
 

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (4 votes)
To prevent automated spam submissions leave this field empty.

ಪ್ರತಿಕ್ರಿಯೆಗಳು

ಸುಂದರ ಚಿತ್ರಗಳು, ಚಿತ್ರಕ್ಕೊಪ್ಪುವ ಸಾಲುಗಳು!

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.

ಧನ್ಯವಾದಗಳು ಸರ್.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.