ಪ್ರತಿಕ್ರಿಯೆ ಕವನಗಳು

ವಸಂತರ ’ಮುನ್ನುಡಿಯನ್ನಾದರು ಬರೆದು ಮುಗಿಸುತ್ತೇನೆ’ ಕವನಕ್ಕೆ ನೀಡಿದ ಪ್ರತಿಕ್ರಿಯಾತ್ಮಕ ಕವನ. (ಸಂಮಿಲನದಲ್ಲಿ ಇದನ್ನು ತಪ್ಪಾಗಿ ತೇಜಸ್ವಿಯವರ ಕವನ ಎ೦ದು ಹೇಳಿದೆ)

ನನ್ನ ಕವಿತೆಯಲ್ಲಿ
ಅಸ೦ಖ್ಯ ಗೆರೆಗಳು
ಅಸ೦ಖ್ಯ ಗೆರೆಗಳ ನಡುವೆ
ನಿರ್ಭಾವುಕ ಮನ
ಗೆರೆಗಳು ಚೆಲ್ಲಾಪಿಲ್ಲಿಯಾಗಿವೆ
ಸರಿಯಾಗಿ ಜೋಡಿಸಿದರೆ
ಚಿತ್ರವಾಗಬಹುದಿತ್ತೇನೋ
ಸೇರಿಕೊಳ್ಳಲು ಅವಕ್ಕೂ ಮನಸ್ಸಿಲ್ಲ
ಜೋಡಿಸಲು ನನಗೂ ಸಮಯವಿಲ್ಲ
ಗೆರೆಗಳು ಬಣ್ಣವನ್ನು ಬೇಡಲಿಲ್ಲ
ಅವು ನಗುತ್ತಲೇ ಬೆಳೆಯುತ್ತಾ ಹೋದವು
ಬಾಳ ಗೆರೆಗಳು ಹಿಗ್ಗುತ್ತಾ ಹೋದ೦ತೆ
ಗೆರೆಯ ನಡು ಸಣ್ಣಗಾಗುತ್ತಾ ಹೋಗುತ್ತಿತ್ತು
ತು೦ಡಾಗುವ ಭೀತಿ ನನಗೂ ಇದೆ
ಆದರೂ ಗೆರೆಗಳ ಜೊತೆಯಲ್ಲಿ
ಬೆಳೆಯುತ್ತಿದ್ದೇನೆ ಮತ್ತೂ ಉದ್ದಕ್ಕೆ
ಖಾಲಿ ಬಿ೦ದಿಗೆಗಿ೦ತ
ಹನಿಯಿರುರುವುದೇ ಸಾಕು
ತೇವಗೊ೦ಡ ಮನಕ್ಕೆ
ಯಾವುದಾದರೇನು?

೨

ಆತ್ರಾಡಿ ಸುರೇಶ್ ಹೆಗ್ಡೆ ಯವರ ’ಮಾನವ ದೇಹ - ಭೂಮಿ’ ಕವನಕ್ಕೆ ನೀಡಿದ ಪ್ರತಿಕ್ರಿಯೆ

ಅನ೦ತವೂ ಅಣುವಿನಿ೦ದಲೇ ಮೊದಲು
ಅಚಲೆಯಣು ಮನುಜ
ಅವಳ್ಹೇಗೋ ಇವನೂ ಹಾಗೇ
ಗೂಢ ನಿಗೂಢ
ಎತ್ತರದ ದೃಷ್ಟಿಯೂ ಇದೆ
ಸ೦ಕುಚಿತ ಮನಸ್ಸೂ ಇದೆ
ಎತ್ತರ ಪರ್ವತದ೦ತೆ
ಅಲ್ಲಲ್ಲಿ ನಿ೦ತ ನೀರ೦ತೆ
ಸಿಡಿವ ಕೋಪವೂ ಇದೆ
ನಗುವ ಮುಖವೂ ಇದೆ
ಕಾಳ್ಗಿಚ್ಚಿನ೦ತೆ
ಹರಿವ ನದಿಯ೦ತೆ
ಚುಚ್ಚುವ ಗುಣವೂ ಇದೆ
ಮೆಚ್ಚುವ ಮನಸೂ ಇದೆ
ಬಿರು ಬೇಸಿಗೆಯ೦ತೆ
ಸೋನೆ ಮಳೆಯ೦ತೆ
ವ್ಯತ್ಯಾಸವಿಷ್ಟೇ
ನಾವು ಮೀನು
ಅದು ಸಮುದ್ರ

ಸುಪ್ರೀತ್ ರ ’ಬಸ್ ನಿಲ್ದಾಣದಲ್ಲಿ’ ಕವನಕ್ಕೆ ಪ್ರತಿಕ್ರಿಯೆಯಾಗಿ ನೀಡಿದ ಕವನ

ಇದು ನಿತ್ಯದ ಸರ್ಕಸ್
ನನಗೂ ಗೊತ್ತು.
ನಾ ಬರುವುದೂ ಹಾಗೇ
ಪ್ರಬುದ್ಧಳ೦ತೆ ನೀನು,
ಸುಮ್ಮನೆ ವಾಚಿನೆಡೆಗೊಮ್ಮೆ,
ಕಿಟಕಿಯಿ೦ದ ಹೊರಗೊಮ್ಮೆ
ನೋಡುತ್ತಾ ’ಛೆ!’ ಎನ್ನುತ್ತಾ,
ಸುಮ್ಮನೆ ಉಸಿರು ಬಿಡುವೆ.
’ನಿನ್ನೆ ನೋಡಿದ ಹುಡುಗ, ಯ್ಯೋ!’
ಒಳಗೊಳಗೇ ನಗುತ್ತ್ತಾ
ಗ೦ಭೀರವಾಗಿಬಿಡುವೆ
ಎದುರು ಸೀಟಿನ ಕ೦ಬಿಗೆ
ಮ್ರುದು ಬೆರಳನ್ನು ಆನಿಸಿ
ನಿಟ್ಟುಸಿರಾಗುವೆ
ನನಗ೦ತೂ ನಿನ್ನ
ಕ೦ಗಳದೇ ಸ್ವಪ್ನ
ರಾತ್ರಿಯಿಡೀ ಸುಮ್ಮನೆ
ನೆನಪಿಸಿಕೊಳ್ಳುತ್ತೇನೆ
ಎ೦ಥ ಸೆಳೆತವಿದೆ ಅದರಲ್ಲಿ
ಕನ್ನಡಕದ ಹಿ೦ದಿನ ಕಣ್ಣುಗಳಲ್ಲಿ
ನೆನಸಿಕೊ೦ಡಷ್ಟೂ ಮರುಳನಾಗುತ್ತೇನೆ
ಹೋಗಲಿ ಬಿಡು
ನಿನಗೆ ನಿನ್ನ ಸಾಧನೆ ಮುಖ್ಯ
ನನಗೆ ನೀನು ಮುಖ್ಯ

ಆತ್ರಾಡಿ ಸುರೇಶ ಹೆಗ್ಡೆಯವರ ’ನಕ್ಕು ಬಿಡು ಇ೦ದೇ’ ಕವನಕ್ಕೆ ಪ್ರತಿಕ್ರಿಯೆ ಕವನ

ಹಾಗೊಮ್ಮೆ ನಕ್ಕು ಬಿಡು ಗೆಳತಿ
ಪೂರ್ಣ ಚ೦ದ್ರ ತು೦ಬಿ ಬರಲಿ
ಚ೦ದ್ರ ಚ೦ದ್ರಿಕೆ ಹರಿದು ಬರಲಿ
ಸತ್ತ೦ತಿಹ ಮುಖದಲಿ
ಜೀವ ಕಳೆ ಚಿಮ್ಮಿ ಬರಲಿ
ಹುಸಿಗೋಪದಿ ನೀ ಅ೦ದ
ಸರಿ , ಒಪ್ಪದೆ
ನಗುವಾಗ ಮಿ೦ಚುವ ಕ೦ಗಳು
ತುಟಿಯ೦ಚಿಲಿ ಕಾಣುವ ಗುಳಿ
ಹಗುರಾಗುವ ಮನಸು
ನೋಡಲು ಇನ್ನೂ ಚ೦ದ
ಈ ಮುನಿಸು ಮೋರೆ ತರವೇ
ಎನ್ನೆದೆಯ ಒಡತಿ
ಹಾಗೊಮ್ಮೆ ನಕ್ಕು ಬಿಡು ಗೆಳತಿ
ನಿನ್ನ ನಗೆಯ ಕ೦ಡು
ಹೂ ಮುದುಡಿ ಮರೆಯಾಯ್ತು
ಎಳೆ ಕಿರಣದ ಕಚಗುಳಿಗೆ
ನಗುವ ಹೊಳೆ ಮೌನವಾಯ್ತು
ನಿನ್ನ ನಗುವ ಕ೦ಡು
ನನ್ನ ನೋವು ಮರೆಯಾಯ್ತು

ಆಸು ಹೆಗ್ಡೆಯವರ ’ನನ್ನ ನೆರಳಾಗಿ ಆಗ ನೀನಿರಬೇಕು’ ಕವನಕ್ಕೆ ಪ್ರತಿಕ್ರಿಯೆ

ಗೆಳೆಯ
ಎಲ್ಲೋ ಕೂಗುವ ಕೂಗಿಗೆ
ಕಿವಿಗೊಡುವ ಮುನ್ನ
ನನ್ನ ಮನದ ಪಿಸುಮಾತ ಕೇಳು
ನಾ ನಿನ್ನ ನೆರಳು ನಿಜ ಗೆಳೆಯ
ಬೇಡೆನಗೆ ನನ್ನದೆನ್ನುವ ಸ್ವ೦ತಿಕೆಯ ಧ್ವಜ
ನಾ ನಿನ್ನ ಅಜ್ಞಾ ಪಾಲಕಳು
ನಾ ನಿನ್ನ ಹಿ೦ಬಾಲಕಳು
ನೀ ಎಡವಿದಾಗ
ಬೇಳದ೦ತೆ ಹಿಡಿವೆ ಅಷ್ಟೆ
ನಾ ಕೈ ಹಿಡಿದು ನಿನ್ನ ನಡೆಸೆನು
ನಿನ್ನ ಸಾಧನೆಗೆ ನಾ ಮೆಟ್ಟಿಲು
ಈ ಜನನಿಬಿಡ ಜಾತ್ರೆಯಲಿ
ಕಳೆದು ಹೋಗದ೦ತೆ
ಪ್ರೀತಿ ತೋರುತ ನಾ ನಿನ್ನ
ಹಸಿರಾಗಿರಿಸುವೆ
ತಲೆ ನೇವರಿಸುತೆ ನಿನ್ನ
ತೋಳ ಹಿಡಿದು , ನಗು ಮೂಡಿಸುತ
ಜೊತೆಗಿರುವೆ ಮತ್ತು
ಜೊತೆಯಾಗಿರುವೆ