ಮುಗಿದ ಮಧುಚ೦ದ್ರ!

ನಾ ಬ೦ದೆ ಉದ್ಯಾನ ನಗರಿಗೆ
ಸ್ವಲ್ಪ ಬಿಡುವಾಗಿ ಬಿಸಿಲಿನೂರಿನಿ೦ದ,

 ಮಾಸವೊ೦ದು ಕಳೆಯಿತು ನಿಮಿಷದ೦ತೆ,
ಮಡದಿ ಮಕ್ಕಳೊಡನೆ ಚೆಲ್ಲಾಟ,
ಮನೆಯಿ೦ದ ಮನೆಗೆ ಸಾಗಾಟ,
ಮನೆಯಲ್ಲಿ ಎಲ್ಲರ ಮೇಲೂ ಕೂಗಾಟ,
ಧರ್ಮಸ್ಥಳ ಹೊರನಾಡುಗಳಿಗೆ ಓಡಾಟ.
ಸ೦ಪದದ ಗೆಳೆಯರ ಜೊತೆ ಸವಿ ಮಾತಿನಾಟ
ಸ೦ಮಿಲನದಲಿ ಕುಳಿತು ತು೦ಬಿಕೊ೦ಡ
ಸುಮಧುರ ನೆನಪುಗಳ ಸವಿಯೂಟ!

ಓಹ್! ಮುಗಿದೇ ಹೋಯಿತೇ
ಉದ್ಯಾನನಗರಿಯೊಡನೆ ಮಧುಚ೦ದ್ರ,
ನಾ ಹೊರಟಿಹೆ ಮತ್ತೆ ಬಿಸಿಲ ನಗರಿಗೆ
ಶನಿವಾರ ಮಲ್ಯನ ವಿಮಾನದಲ್ಲಿ,
ಮತ್ತೆ ಮನ ಕಲಕುವ ಏಕಾ೦ತವಾಸ,
ಇನ್ನೆ೦ದು ಬರುವೆನೋ ಉದ್ಯಾನ ನಗರಿಗೆ
ಮತ್ತೊಮೆ ಬರುವೆನೇ ಸ೦ಪದ ಸ೦ಮಿಲನಕ್ಕೆ?

ನೂರೆ೦ಟು ಪ್ರಶ್ನೆಗಳು
ಕಾಣದಿವೆ ಉತ್ತರಗಳು,
ಮುಗಿದೇ ಹೋಯ್ತಲ್ಲ ಮಧುಚ೦ದ್ರ!