ನಿನ್ನದೇ ನೆನಪಲ್ಲಿ

         ೧

ಎನ್ನೆದೆಯ ತಿಳಿಗೊಳಕ್ಕೆ

ನೀ ಬೀಸಿದ ಪ್ರೀತಿಯ ಗಾಳಕ್ಕೆ

ಕದಡಿತೆನ್ನ ತಿಳಿಗೊಳದ ಮನ

ನೀ ಬೀಸಿದ ಗಾಳಕ್ಕೆ ಸಿಕ್ಕು

ತಳಮಳಿಸುತ್ತಿರುವ ಮೀನು ನಾನು

ಕಳಕಳಿಯಿಂದ ಕೇಳುತಿರುವೆನು

ತೊರೆದು ಹೋಗದಿರೆನ್ನನು

          ೨

ಅಳಿಸಲಾರದ ನೆನಪು

ನೀ ಉಳಿಸಿ ಹೋದೆ ಗೆಳತಿ

ಎನ್ನೆದೆಯಾಳದಲಿ

ಅದೆಷ್ಟು ರೂಪ ರಾಗಗಳಲಿ

ಬಂದು ಕೆರಳಿ ನರಳಿಸುತಿವೆ

ಎನ್ನ ಮನದಾಳದಲಿ

             ೩

ಬತ್ತಿ ಬರಡಾಗಿದೆ ಎನ್ನೆದೆ

ನಿನ್ನೊಲವಿನ ಮಳೆ ಕಾಣದೆ

ದಾಹಕೆ ಬಳಲಿ ಬೆಂಡಾಗಿದೆ

ದೇಹದ ಕಣ-ಕಣ ನೀನಿಲ್ಲದೆ 

ಬೇಗುದಿಯ ಕುಲುಮೆಯಲಿ

ಬೇಯುತಿರುವೆ ನಾನು

ತೊರೆದು ಹೋದ ಹಿರಿಮೆಯಲಿ

ಬೀಗುತಿರುವೆ ನೀನು

                                    -- ಮೌನೇಶ