ಮಾರಾಶ್ಟ್ರದ ’ನಾಂದೇಡ್’ಗೆ ಆ ಹೆಸರು ಹೇಗೆ ಬಂತು?

 {ಇದು ನಾನು ನನ್ನ ಎಣಿಕೆಯಿಂದ ಮತ್ತು ದ್ರಾವಿಡ ನುಡಿಗಂಟಿನ ನೆರವಿನಿಂದ ಕೊಟ್ಟಿರುವ ವಿವರಣೆ. ಇದಕ್ಕಿಂತ ಬೇರೆ ವಿವರಣೆ ಇದ್ದರೆ ಹಂಚಿಕ್ಕೊಳ್ಳಿ..ನನ್ನಿ }

 ಮೊದಲಿಗೆ ನಾಂದೇಡ್ ಅಚ್ಚಗನ್ನಡದ ಹೆಸರೇ.. ಹೇಗೆ?.. ನಾದು= ಒದ್ದೆಯಾಗು, ತಣ್ಣಗಾಗು ಎಂಬ ತಿರುಳಿನಲ್ಲಿ ಹೊಸಗನ್ನಡದಲ್ಲಿ ಬಳಕೆಯಲ್ಲಿದೆ. ಎತ್ತುಗೆಗಾಗಿ: ರಾಗಿ/ಗೋದಿ ಹಿಟ್ಟನ್ನು ನೀರಿನಲ್ಲಿ ನಾದು ಕಲಸಿರಿ.  ಇದಕ್ಕೆ ನಂಟಿರುವ ಬಳಕೆಯಲ್ಲಿರುವ ಇತರೆ ಪದಗಳು :- ನೆನೆ, ನನೆ, ನೆಂದು

Ka. nāndu to make damp, cool, etc., liquefy, dissolve, melt  http://dsal1.uchicago.edu/cgi-bin/philologic/getobject.pl?c.1:1:1046.burrow

Ka. pāḍi settlement, hamlet, village  http://dsal1.uchicago.edu/cgi-bin/philologic/getobject.pl?c.1:1:1480.burrow

ನಾಂದು+ಪಾಡಿ = ನಾಂದವಾಡಿ --> ನಾಂದವಾಡ --> ನಾಂದೇಡ( Naanded)...ನಾಂದುನೇ ಏಕೆ?..ಗೂಗಲ್(maps.google.com) ಪಟವನ್ನು ನೋಡಿದರೆ ಗೊತ್ತಾಗುತ್ತದೆ, ನಾಂದೇಡ್ ಇರುವುದು ಗೋದಾವರಿ ಹೊಳೆಯದ ದಡದಲ್ಲಿ ಅಲ್ಲದೆ ಪ್ರದೇಶದಲ್ಲಿ ಬಿಸಿಲು/ಒಣಗಾಳಿ ಜಾಸ್ತಿ. ಅಂದರೆ ಒಣಪ್ರದೇಶದಿಂದ ಸುತ್ತುವರೆದಿದ್ದರೂ ಹೊಳೆಯ ದಡದಲ್ಲಿ ಇರುವದರಿಂದ ಇಲ್ಲಿ ತಣ್ಣಗೆ ಇರಬಹುದು.  ಇದೂ ಅಲ್ಲದೆ ನಾಂದೇಡ್ ಹತ್ತಿರವೆ ’ಪೆಣ್ಣೂರು’(ಹೆಣ್ಣೂರು) ಇದೆ. ಮರಾಟಿಯಲ್ಲಿ ಇದು ’ಪೇಣೂರ್’ ಆಗಿರಬೋದು. ಮರಾಟಿಯಲ್ಲಿ ’ಎ’ ಇಲ್ಲ ...ಏ ಮಾತ್ರ ಇದೆ.