ಮಾತೇ-ಬದುಕು ಕಟ್ಟಿಕೊಡುವ ಮಾತೆ....!

                ಮಾತು...........
                ಪ್ರತಿಕ್ಷಣದ  ಎಚ್ಚರದ ಸ್ಥಿತಿಯಲ್ಲಿ
                ಹುಟ್ಟಿ ಸಾಯುತ್ತಲಿರುವದು
                ಅದು... ಅಸುನೀಗಲು
                ಬಿಡದಾಗ  ವಾಗ್ವಾದದ ಜನನ..!

                ಮಾತು...
                ಕೆಲವೊಮ್ಮೆ   ಏಕತಾನತೆಯಿಂದ
               ಕಟಗುಡುವ ಕೀಲಿಮಣೆ
               ಹೇಳಿದ್ದೆ ಹೇಳುವ ಟಿ.ವಿ ಜಾಹಿರಾತು !
               ಆಕಾಶದ ಚೆಂಡಿಗಾಗಿ ರಚ್ಚೆ ಹಿಡಿದ ಪುಟ್ಟ ಮಗುವಿನಂತೆ!
               ಔಪಚಾರಿಕ ಮಾತು ಆಗಾಗ ಬೆಳ್ಳಿ
               ಮೌನ ಕದ ತೆರೆದಾಗ ಕಳ್ಳಿಯಂತೆ !

               ಸಾಯಗೊಡೆ ಮಾತನ್ನು
               ಅದರಿಂದ ಸಾಯುವ ನನ್ನ
               ಅಭಿಮಾನವನ್ನು...!

                ಮಾತಿಗೇಕೆ ಕಡಿವಾಣ
                ಇರಲಿ ಬಿಡಿ ಅದರ ಪಾಡಿಗೆ
                ಕೇಳಿದವರು ತೊಡಿಸುವರು..!

                ಆದರೆ...ಕೆಲವೊಮ್ಮೆ

                ಹಾದಿ ತಪ್ಪಿದ ಮಾತಿಗೆ.
                ಅಂಗಳದಿ ...ಹಲ್ಲು  ಚಲ್ಲಾಪಿಲ್ಲಿ..!

                'ಮಾತೇ............    

               "ಬದುಕು ಕಟ್ಟಿಕೊಡುವ ಮಾತೆ"