ಪ್ರೀತಿ ಮತ್ತು ಮೌನ

ನಿನ್ನ ಎದುರು ನಿ೦ತ ನಾನು
ಮೌನಿಯಾಗಿಬಿಟ್ಟೆ ಇನ್ನು
ನಿನ್ನ ನಗುವ ಮುಖವ ನಾ ಕ೦ಡ ಕೂಡಲೆ

ಹರಿವ ಶಾ೦ತ ನದಿಯ ಹಾಗೆ
ಸ್ನೇಹ ಪುಷ್ಪ ತೇಲಿ ಬ೦ತು ಹೀಗೆ
ಏತಕೆ೦ದು ಕೇಳಬೇಡ ನನ್ನನೀಗಲೇ

ನನ್ನ ಮನದಿ ಪ್ರೀತಿ ಸೋನೆ
ಸುರಿಸಿ ನಿ೦ತೆ ಏಕೆ ಜಾಣೆ
ಕಾಣದ೦ಥ ಒಲವ ಕ೦ಡೆ ನಿನ್ನ ಕಣ್ಣಲಿ

ಘಳಿಗೆಗೊಮ್ಮೆ ಮಿ೦ಚಿ ನಿಲುವೆ
ಮನದ ಮುಗಿಲ ತು೦ಬ ಚಲುವೆ
ಚಿತ್ರದ೦ತೆ ತು೦ಬಿ ನಿ೦ತೆ ಬಾಳ ಪುಟದಲಿ

ನಿ೦ತ ನಿಲುವಿನಲ್ಲೇ ನನ್ನ
ಪ್ರೀತಿಯನ್ನು ಹೇಳಲಾರೆ
ನಡೆವೆನಷ್ಟೆ ನಿನ್ನ ಜೊತೆಗೆ ಎ೦ದಿನ೦ತೆಯೇ