"ಅಂತಃಸ್ಫುರಣ" ಪದದ ಬಗ್ಗೆ ನಿಮ್ಮ ಅಭಿಪ್ರಾಯವೇನು?

ಡಿ.ಕೆ.ಭಾರದ್ವಾಜರ ಇಂಗ್ಲೀಷ್-ಕನ್ನಡ ಶಬ್ಧಕೋಶದಲ್ಲಿ ಯಾವಾಗಲೋ ಒಮ್ಮೆ "ಅಂತಃಸ್ಫುರಣ" ಎಂಬ ಪದ ನೋಡಿದ್ದೆ. ಅದರ ಇಂಗ್ಲೀಷ್ ಸಮಾನಾರ್ಥಕ ಪದ ಈಗ ನೆನಪಿಲ್ಲ. ಆದರೆ ಆ ಪದ ನನಗೆ ಇಷ್ಟ ಆಯಿತು. ನನ್ನ ಬ್ಲಾಗಿಗೆ "ಅಂತಃಸ್ಫುರಣ" ಎಂದು ಮರು ನಾಮಕರಣ ಮಾಡೋಣ  ಎಂದುಕೊಂಡಿದ್ದೇನೆ. ಆದರೆ ನನಗೆ ಅದರ ಕನ್ನಡ ಅರ್ಥ ಗೊತ್ತಿಲ್ಲ. ಕನ್ನಡ ಅಭಿವೃದ್ಧಿ ಪ್ರಾಧಿಕಾರದ "ಕನ್ನಡ ರತ್ನಕೋಶ"ದಲ್ಲಿ ಹುಡುಕಿದೆ. ಆದರೆ ಅಲ್ಲಿ ಆ ಪದವೇ ಇಲ್ಲ.  ಗೂಗ್ಲಿಸಿದರೆ "ಅಂತಃಸ್ಫುರಣ" ಸಿಗಲಿಲ್ಲ ಎಂದು ಬಂತು. ನಿಮಗೆ ಯಾರಿಗಾದರೂ "ಅಂತಃಸ್ಫುರಣ" ಪದದ ಬಗ್ಗೆ ಮಾಹಿತಿ ಇದ್ದರೆ ತಿಳಿಸಿ.  ಹಾಗೂ ಅದು "ಅಂತಃಸ್ಫುರಣ"ವೇ ಅಥವಾ "ಅಂತಃಸ್ಪುರಣ"ವೇ ಎಂದು ತಿಳಿಸಿ. ಹಾಗೆಯೇ ಈ ಪದವನ್ನು ಬ್ಲಾಗಿಗೆ ಇಟ್ಟರೆ ಚೆನ್ನಾಗಿರುತ್ತದೆಯೇ ಎಂದೂ ತಿಳಿಸಿ.

ಧನ್ಯವಾದಗಳೊಂದಿಗೆ,
-ಪ್ರಸನ್ನ.ಎಸ್.ಪಿ