ಯಾಕೆ ಬಿಡಬೇಕು ನಿನ್ನ ಸುತ್ತ ಸುತ್ತುವುದನ್ನು

ಎಲೆಕ್ಟ್ರಾನು ಸುತ್ತದೇ
ಪ್ರೋಟಾನು ಮತ್ತು ನ್ಯೂಟ್ರಾನುಗಳ ಸುತ್ತ
ಮರಗಿಡಗಳ
ಪ್ರಾಣಿ ಪಕ್ಷಿಗಳ ಬದುಕೂ
ಚಕ್ರದಂತೆ ತಿರುಗುತ್ತಿಲ್ಲವೇ
ನನಗೆ ನಿನ್ನ ಕಾಣಿಸುವ ಭೂಮಿ
ಸುತ್ತದೇ ಸೂರ್ಯನ ಸುತ್ತ
ಆ ಸೂರ್ಯನೂ ಸ್ಥಾಯಿಯೇ
ಆಕಾಶಗಂಗೆಯ ತಿರುಗಾಟದಲ್ಲಿ
ಆತನದೂ ಪಾಲಿಲ್ಲವೇ
ಅಣುವಿನಿಂದ ಕ್ಷೀರಪಥಗಳೂ
ಎಲ್ಲಾ ನಿಯಮಕ್ಕೆ ಅಧೀನರಾಗಿರುವಾಗ
ನಾನದನ್ನು ಹೇಗೆ ಮುರಿಯಲಿ
ಹೇಳು ಗೆಳತಿ
ಯಾಕೆ ಬಿಡಬೇಕು
ನಿನ್ನ ಸುತ್ತ ಸುತ್ತುವುದನ್ನು