ಹರಟೆ ಕೊಚ್ಚುವುದು ತಪ್ಪೇ?

ಸಂಪದದಲ್ಲಿ ಅನೇಕ ಚರ್ಚೆಗಳು ನಡೆಯುತ್ತಿವೆ. ಇವುಗಳು ಕೆಲವರಿಗೆ ಆಸಕ್ತಿದಾಯಕ ಎನಿಸಿದರೆ ಇನ್ನು ಕೆಲವರಿಗೆ ಅರ್ಥಹೀನ ಹರಟೆ ಎನಿಸುತ್ತದೆ. ಎಲ್ಲವೂ ಅವರವರ ಭಾವಕ್ಕೆ.

ಆದರೆ ಇಲ್ಲಿನ ಚರ್ಚೆಗಳನ್ನು ಹರಟೆ ಎಂದು ಗುರುತಿಸುವುದಕ್ಕೆ ನನ್ನ ಆಕ್ಷೇಪವನ್ನು ದಾಖಲಿಸಸಲು ಇಚ್ಛಿಸುತ್ತೇನೆ.

'ಲೋಕೋತ್ತರ'ವಾದುದನ್ನು ಬರೆದರೆ ಮಾತ್ರ ಭಾಷೆ ಶ್ರೀಮಂತವಾಗುತ್ತದೆ. ಚರ್ಚೆಗಳೆಲ್ಲವೂ ಕಾಡು ಹರಟೆ. 'ಗಂಭೀರ'ವಾದ ವಿಷಯಗಳ ಬಗ್ಗೆ ಚರ್ಚಿಸಬೇಕು ಎಂಬುದು ಪಕ್ಕಾ ಮಧ್ಯಮ ವರ್ಗೀಯ ಚಿಂತನೆ. ಈ ಚಿಂತನೆ ಏನು ಮಾಡಿದೆ ಎಂಬುದಕ್ಕೆ ಕನ್ನಡದ ಈಗಿನ ಸ್ಥಿತಿಯೇ ಸಾಕ್ಷಿ.

ಕನ್ನಡವನ್ನು ಪ್ರಾಚೀನ ಮಹಾಕಾವ್ಯಗಳಲ್ಲಿಯೂ, ಪುಸ್ತಕಗಳಲ್ಲಿಯೂ ಮಾತ್ರ ಉಳಿಸಿಟ್ಟು ಅದನ್ನು ಅಪ್ರಸ್ತುತವಾಗಿಸುವ ಬದಲಿಗೆ ಅವರವರಿಗೆ ತೋಚಿದ ವಿಷಯದಲ್ಲಿ ಹರಟೆ ಕೊಚ್ಚಿ ಜೀವಂತವಾಗಿ ಇಡುವುದು ಹೆಚ್ಚು ಅರ್ಥಪೂರ್ಣ ಎಂಬುದು ನನ್ನ ಭಾವನೆ.