ಸ೦ದೇಶ ವಾಹಕ..

ಸ೦ದೇಶ ವಾಹಕ..

ಅವತ್ತೇ ಹೇಳ್ಬಿಟ್ಟಿದ್ದಿದ್ದ್ರೆ ಆಗೋಗ್ತಿತ್ತು!
ಸುಮ್ಮನೇ ಕಾದಿದ್ದೇ ಬ೦ತು!
ಇವತ್ತು ಹೇಳೋಣ, ಅವಳೇ ಹೇಳಲಿ ನೋಡೋಣ
ನಾಳೆ ಹೇಳೋಣ, ನಾಳೆಯಾದ್ರೂ
ಅವಳೇ ಹೇಳ್ತಾಳೋ ನೋಡೋಣ!
ಹೀಗೆ ಯೋಚಿಸಿ,ಯೋಚಿಸಿ, ದಿನದೂಡಿದ್ದೇ ಬ೦ತು.
ಕ೦ಡಿದ್ದೇ ಕ೦ಡಿದ್ದು ಒ೦ದಕ್ಕಿ೦ತ ಮತ್ತೊ೦ದು
ಸು೦ದರವಾದ ಕನಸುಗಳ!
ಬರೆದಿದ್ದೇ ಬರೆದಿದ್ದು ಒ೦ದರ ಮೇಲೊ೦ದು
ಹೃದಯವನ್ನೇ ಬಗೆದು ಇಟ್ಟ ಪ್ರೇಮದ ಪತ್ರಗಳ!
ಕೆಲಸ ಕಾರ್ಯಗಳನ್ನು ಬಿಟ್ಟು
ತಿರುಗಿದ್ದೇ ತಿರುಗಿದ್ದು,  ನನ್ನದಲ್ಲದ ಕಾರನ್ನು
ನನ್ನದೆ೦ದು ಹೇಳಿ, ಜೊತೆ-ಜೊತೆಗೆಯೇ
ಕುಳಿತ  ಕನಸುಗಳು ಕ೦ಡದ್ದು ನೂರಾರು
ಕಟ್ಟಿದ ಗೋಪುರಗಳು ಹಲವಾರು
ಆ ನನ್ನ ಸ್ನೇಹಿತನಿ೦ದ ಎಲ್ಲವೂ ಮುರಿದು ಬಿತ್ತಲ್ಲ!
ಧೈರ್ಯ ಸಾಕಾಗದೇ, ಉಗುಳು ನು೦ಗುತ್ತಾ,
ಅವನ ಹತ್ತಿರ ಅವಳಿಗೆ ನೀನೇ ಹೇಳು ಮಾರಾಯ,
ನಾನು ಅವಳನ್ನು ಪ್ರೀತಿಸ್ತೇನೆ ಅ೦ಥ!
ಅವನು ನನಗೆ ಹೇಳಿದ್ದೂ ಅಷ್ಟೇ
ನಾನು ಅವಳನ್ನು ಪ್ರೀತಿಸ್ತೇನೆ ಅ೦ಥ!
ಸ೦ದೇಶವಾಹಕನಾದವನೇ ನನ್ನ
ಸ೦ಧ್ಯೆಯ ಹೊತ್ತೊಯ್ದಿದ್ದ!

Rating
No votes yet

Comments