ಡೈರಿ :: ಭಾಗ- 2

ನಿನ್ನೆಯ ಹಿಡಿ ದಿನ ದುಬಾರೆ ಜಲಪಾತ , ರಕ್ಷಿತಾರಣ್ಯ, ಆನೆಗಳ ಸಾವರಿ ಎಲ್ಲಾ ಮಾಡಿ ಕೊಂಡೆವು. ಹಾಗೆ ಮಂಗಳೂರಿಗೆ ಎಲ್ಲಾ ಸಿಹಿ ನೆನಪನ್ನು ಹೊತ್ತು ಕೊಂಡು ಬಂದಿಳಿದೆವು.ನಮ್ಮ ರೂಂ ತಲುಪುತಿದಂತೆ ಅವನಲ್ಲಿ ಮಾತಾಡಬೇಕು ಎಂಬ ಬಯಕೆ ಅತಿಯಾಯಿತು, ಅವನಿಗೆ ಫೋನ್ ಆಯಿಸಿದೆ, ಆಗಲೇ ೧೧ ಆಗಿದ್ದ ಕಾರಣ ಅವನ ಉತ್ತರ ವಿರಲಿಲ್ಲ, "good night sweet dreams, good morning in advance" ಎಂದು ಮೆಸ್ಸೇಜ್ ಟೈಪ್ ಮಾಡಿ, ಅವಹೇಗಿರ ಬಹುದು ಎಂಬ ಕಲ್ಪನೆಗೆ ಜಾರ ಬೇಕೆಂದಿದ್ದೇನೆ.

ಇಂತಿ
ಶ್ರಾವಣಿ



೬
ಮೊದಲಿಗೆ ಇವಳು ನನ್ನ ಸಹನಾ ಆಗಿರಬಹುದೇ ಎಂಬ ಸಣ್ಣದೊಂದು ಊಹೆ ಇತ್ತು, ಈ ಪುಟ ಮುಗಿಸುತಿದ್ದಂತೆ ಅದು ಐವತ್ತು ಪ್ರತಿಶತ ನಿಜವೆನಿಸಿತು, ನಾನು ಹಿಂದೆ ನನ್ನ ಸಹನನಿಗೆ ನನ್ನ ಪ್ರೇಮ ವ್ಯಕ್ತ ಪಡಿಸಿದಾಗಿನ ಎಲ್ಲಾ ವಿಚಾರ ಇಲ್ಲಿ ಶ್ರಾವಣಿಯ ಡೈರಿಯಲ್ಲಿ ಅಚ್ಚಾಗಿತ್ತು, ಬದಲಾಗಿ  ನಾನು ಕಳುಹಿಸಿದ ಮೆಸ್ಸೇಜ್ ಅನ್ನು ಚಾಚು ತಪ್ಪಿಲ್ಲದೆ ಇಲ್ಲಿ ಅವಳು ಬರೆದಿದ್ದಳು.

ಈ ಶ್ರಾವಣಿ ನನ್ನ ಸಹನಾ ಯಾಕಾಗಿರಬಾರದು, ಆದರು ಆಗಿರಬಹುದು, ಆದರೆ ನನ್ನಲ್ಲಿ ಇಕೆ ಸಹನಾ ಎಂದು ಸಂಭೋಧಿಸಲು ಕಾರಣವಾದರು ಏನಿರಬಹುದು ಎಂಬೆಲ್ಲ ವಿಚಾರಗಳು ನನ್ನ ತಲೆ ತಿನ್ನಲಾರಂಬಿಸಿದವು. ಅಮ್ಮ ನಿದ್ದೆ ಇಂದ ಎದ್ದವರೇ ಬಾಗಿಲ ಸಂದಿನಿಂದ ಒಳಗೆ ದೀಪ ಹತ್ತುತಿರುವುದನ್ನು ನೋಡಿ "ನಾಳೆ ಓದು, ಆದಿತ್ಯವಾರ ಆಡುವ ಬದಲು ಓದು ಈಗ ನಿದ್ದೆ ಮಾಡು "ಅಂದರು. ನಾನು ಓದುತ್ತಿರುವುದು ಬೇರೊಬ್ಬರ ಡೈರಿ ಯಾಗಿತ್ತೆ ವಿನಃ ಕಾಲೇಜ್ ಬುಕ್ ಆಗಿರಲಿಲ್ಲ. ಈ ಪುಟ ಓದುತಿದ್ದಂತೆ ನನಗೆ ಯಾವುದ್ಯಾವುದೋ ಯೋಚನೆಗಳು ತಲೆಯಲ್ಲಿ ಒಡಲಾರಂಬಿಸಿದವು. ಬೇಗನೆ ನಿದ್ದೆಯೂ ಹತ್ತಲಿಲ್ಲ.

ಒಮ್ಮೊಮ್ಮೆ ಇವಳು ನನ್ನ ಸಹನಾ ಅಲ್ಲ ಅನಿಸುತಿತ್ತು, ಏಕೆಂದರೆ ಎಲ್ಲಾ ವಿಚಾರ ನನ್ನಲ್ಲಿ ಹೇಳುತ್ತಿರುವವಳು ಎರ್ನಾಕುಲಂ ಗೆ ಉನ್ನತ ಶಿಕ್ಷಣಕ್ಕೆ ಹೋಗುವ ವಿಚಾರ ನನ್ನಿಂದ ಮುಚ್ಚಿಡುತಿರಲಿಲ್ಲ,ಅವಳು ಒಂದು ವೇಳೆ ನನ್ನ ಸಹನಾ ಆಗಿದ್ದು ಅವಳು ಟ್ರೈನ್ ನಲ್ಲಿ ಎರ್ನಾಕುಲಂ ಗೆ ಹೋದಳೆಂದು ಆ ರಿಕ್ಷ ಓಡಿಸುತಿದ್ದ ದಾಮೋದರ್ ಯಾಕಾದರೂ ಸುಳ್ಳು ಹೇಳಿಯಾರು ? ಅವರು ಅವಳು ಟ್ರೈನ್ ಹಿಡಿದು ಹೋದಳು ಎಂದಿದ್ದರು, ಅವರು ಹೇಳಿದ ಮಾತಿನಲ್ಲಿ ನಿಜ ವಿರಲೂಬಹುದು, ಯಾವುದಕ್ಕೂ ನಾಳೆ ಒಮ್ಮೆ ಈ ಕುರಿತು ಕೇಳೋಣ ಅಂದುಕೊಂಡೆ.
 
ಒಮ್ಮೆ ನನ್ನ ಸಹನಾ ನಿಗೆ ಫೋನ್ ಆಯಿಸೋಣ ಇಗಲಾದರು ಅವಳ ಕೋಪ ತಣ್ಣಗಾಗಿದೆಯ ನೋಡೋಣ ಅನಿಸಿ ಅವಳ ನಂಬರ್ ಗೆ ಫೋನ್ ಮಾಡಲು ಅದು ಇನ್ನೂ ಸ್ವಿಚ್ ಆಫ್ ಆಗಿತ್ತು.
ಮನಸಲ್ಲಿ ಇಷ್ಟೆಲ್ಲಾ ಗೊಂದಲ, ಯಾಕೋ ಏನೋ ಕಳಕೊಂಡ ಅನುಭವ, ಯಾರಲ್ಲಿ ನನ್ನ ಮನಸ್ಸಿನ ವೇದನೆ ಹೇಳಲಿ..? ಯಾರು ನನ್ನ ಈ ಮಾತು ಕೇಳಲು ತಯಾರಿರುವರು ಎಂಬೆಲ್ಲ ಪ್ರಶ್ನೆ.


೮


ಬೆಳಗ್ಗೆ ಆರಕ್ಕೆ ಎಚ್ಚರ ವಾಗಿತ್ತು, ಎದ್ದವನೇ ಮೊದಲಿಗೆ ಸಹನಾಳಿಗೆ  ಫೋನ್ ಆಯಿಸಿದೆ, ಇಗಲೂ ಉತ್ತರವಿರಲಿಲ್ಲ.ತುಂಬಾ ನಿರಾಶೆ ಆಯಿತು. ಅಂದಿನಂತೆ ಪುನಃ ನಾನು
 "ನಿನ್ನೆ ಇಂದ  ಒಂದು ಮೆಸ್ಸೇಜ್ ನೀನು ಕಳುಹಿಸಲಿಲ್ಲ, ಕಾಲ್ ಮಾಡಿದರು ನಿನ್ನ ನಂಬರ್ ಚಾಲನೆಯಲ್ಲಿಲ್ಲ ಎಂದು ಬರುತಲಿದೆ ... ಆದಕಾರಣ ಈ ಮೆಸ್ಸೇಜ್ ಕಳುಹಿಸುತ್ತಲಿರುವೆ ನಿನಗೆ ಮೆಸ್ಸೇಜ್ ತಲುಪಿದೊಡನೆ ಪ್ರತಿಕ್ರಿಯಿಸು ... ನಿನ್ನ ಪ್ರತಿಕ್ರಿಯೆ ಗಾಗಿ ಕಾಯುತ್ತಲಿರುವ
ಈ ನಿನ್ನ ಪ್ರಿಯಕರ"            
ಎಂದು ಮೆಸ್ಸೇಜ್ ಕಳುಹಿಸಿದೆ. ದಾಮೋದರ್ ಅವರಿಗೆ ಫೋನ್ ಮಾಡಿ ಆ ಹುಡುಗಿಯ ಬಗ್ಗೆ ಇನ್ನೂ ಬೇರೆ ವಿಚಾರ ಕೇಳೋಣ ಎಂದು ಫೋನ್ ಅಯಿಸಿದೆ. ದಾಮೋದರ್ ಅವರಿಗೆ ನನ್ನ ಹೊಸ ದ್ವನಿ ಕೇಳಿ ಗುರುತು ಹಚ್ಚಲು ಕಷ್ಟವಾಯಿತು,
ನಾನು "ಅಣ್ಣಾ ನಿಮ್ಮಿಂದ ನಿನ್ನೆ ಒಂದು ಡೈರಿ ಪಡಕೊಂಡೆನಲ್ಲಾ ಆ ಹುಡುಗ, " ಅಂದಾಕ್ಷಣ
ಅವರು "ಹೇಳಪ್ಪಾ , ಏನು ಇಷ್ಟು ಬೆಳಗ್ಗೆ ಬೆಳಗ್ಗೆ ನನ್ನನ್ನು ಜ್ಯಾಪಿಸಿದ್ದು ..?"
ನಾನು "ಆ ಹುಡುಗಿಯ ಬಗ್ಗೆ ಇನ್ನೂ ಕೆಲವು ಮಾಹಿತಿ ಬೇಕಿತ್ತು ಅದಕ್ಕಾಗಿಯೇ ಈ ಪ್ರಯತ್ನ " ಅಂದೆ.
ಅವರು "ನನಗೆ ಗೊತಿದಷ್ಟು ವಿಚಾರ ನಿಮಗೆ ಹೇಳಿದೆ ಅಲ್ಲವಾ... ಬೇರೆ ವಿಚಾರ ಗೊತ್ತಿಲ್ಲ ..." ಅಂದರು.

ನನಗೆ ನನ್ನ ಸಹನಾ ಹೇಗೆ ಇದ್ದಾಳೆಂದು ಇಲ್ಲಿ ವರೆಗೆ ಗೊತ್ತಿರಲಿಲ್ಲ ಇವರಲ್ಲಿ ಆ ಹುಡುಗಿ ಗುಂಗುರು ಕೂದಲಿನವಳೇ ...?, ಉಂಗುರ ಮೂಗುತಿ ಮೂಗಿಗೆ ಹಾಕುವವಳೇ ..?ತಿಳಿಬಣ್ಣದ ಹಾಲ್ನಗೆಯ ಮುಖದವಳೇ ...? ಎಂದೆಲ್ಲಾ ಕೇಳಿದರೆ ಅವಳ ಬಗ್ಗೆ ಒಂದು ಚಿತ್ರಣ ಬರುವುದು ಅಂದುಕೊಂಡೆ, ಆದರೆ ಡೈರಿ ಬಿಟ್ಟ ಹುಡುಗಿ"ಶ್ರಾವಣಿ "ಯನ್ನು ನನ್ನ "ಸಹನಾ " ನೊಂದಿಗೆ ಹೇಗೆ ಹೊಲಿಸಲಿ ...?


ನನಗೆ ಸಹನಾ ನ ಮುಕಚರ್ಯೇ ಯ ಬಗ್ಗೆ ಒಂದುಚೂರು ಮಾಹಿತಿ ಇರಲಿಲ್ಲ, ಅವಳ ಬಿಂಬ ನನ್ನ ಮನದಲ್ಲಿತ್ತೆ ವಿನಃ ನನ್ನ ಕಣ್ಣ ಮುಂದೆ ಅವಳು ಬಂದರೆ ಇವಳೇ ನನ್ನ ಸಹನಾ ಎಂದು ಹೇಳಲು ನನಗೆ ಸಾದ್ಯವಿರಲಿಲ್ಲ. ಹೇಗೆ ಹೊಲಿಸಲಿ ಎನ್ನುವಾಗ ಅವಳು ನಿನ್ನೆ ಬೆಳೆಗ್ಗೆ ಕಳುಹಿಸಿದ ಮೆಸ್ಸೇಜ್ ನೆನಪಿಗೆ ಬಂತು

ನಾನು "ಅಣ್ಣಾ ಆ ಹುಡುಗಿ ಯಾವ ಬಣ್ಣದ ಡ್ರೆಸ್ ಹಾಕಿದ್ದಳು ಎಂದು ತಿಳಿಸಿದರೆ, ನನಗೆ ನೀವು ಒಂದು ಚೂರು ಸಹಾಯ ಮಾಡಿದಂತಾಗುತ್ತದೆ "ಅಂದೆ
ಅವರು "ಕೆಂಪು ಬಣ್ಣದ ಒಂದು ಟಾಪ್ ಜೀನ್ಸ್ ಮೇಲೆ ತೊಟ್ಟಿದ್ದಳು, ಅಂತ ಕಾಣುತ್ತೆ , ಆದರೆ ಆ ಜೀನ್ಸ್ ಮಳೆಯಲ್ಲಿ ನೆನೆದು ನೀಲಿಯೋ ಇಲ್ಲ ಕಪ್ಪಾಗಿತ್ತು ಎಂದು ಗೋಷ್ಠಿಗೆ  ತೆಗೆಯಲಿಲ್ಲ...ಅದಿರಲಿ ಅವಳ ಬಟ್ಟೆ ಇಂದ ನಿನಗೇನೂ ಸಹಾಯ ಆಗುತ್ತದೆ "ಅಂದರು.
ನಾನು "ಅಣ್ಣಾ ನಿಮ್ಮಿಂದ ದೊಡ್ಡ ದೊಂದು ಉಪಕಾರ ವಾಯಿತು, ಸೋಮವಾರ ನಿಮಗೆ ಸಿಗುತ್ತೇನೆ "ಎನ್ನುತ್ತಾ ಆ ಕರೆ ಕಟ್ ಮಾಡಿದೆ

ಮೊಬೈಲ್ ತೆಗೆದು ಪುನಃ ಆ ಮೆಸ್ಸೇಜ್ ಓದಿದೆ , "ನಾನು ೨ ಗಂಟೆಯ ಸುಮಾರಿಗೆ ಭಾರತ್ ಮಾಲ್ ಪಕ್ಕದಲ್ಲಿರುವ ಸಿಟಿ ಬಸ್ಸ ಸ್ಟಾಪ್ ನಲ್ಲಿ ನಿಮ್ಮನ್ನು ಕಾಯುತ್ತ ಇರುತ್ತೇನೆ, ನಿಮ್ಮನ್ನು ಒಮ್ಮೆ ನೋಡಿದ ನನಗೆ ನಿಮ್ಮನ್ನು ಗುರುತಿಸುವುದು ಕಷ್ಟ ವಾಗದು, ಪ್ರೇಮದ ಸಂಕೇತವಾದ ಕೆಂಪು ಬಣ್ಣದ ಟಾಪ್ ಮತ್ತು ಕಡು ನೀಲಿ ಬಣ್ಣದ ಜೀನ್ಸ್ ನಲ್ಲಿರುತ್ತೇನೆ. ನನ್ನಲ್ಲಿ ಪ್ರೀತಿ ಇದ್ದದ್ದೇ ಆದರೆ ನಾನು ಅಲ್ಲಿರುವಾಗ ನೀವು ಅಲ್ಲಿ ಬರುತ್ತಿರಿ ಎಂದು ನಂಬಿದ್ದೇನೆ, ಇನ್ನಾದರು ನಮ್ಮ ನಡುವಿನ ಕಣ್ಣ ಮುಚ್ಚಾಲೆಗೆ ನಾವು ಇತಿಶ್ರೀ  ಹಾಡುವ ..."

ನನಗರಿವಿಲ್ಲದಂತೆ ನಾನು ನನ್ನ ಸಹನಾಳನ್ನು  ಕಳಕೊಂಡೆನೇನೋ  ಎಂಬ ಚಿಂತೆ ಕಾಡಲಾರಂಬಿಸಿತು.

 

 

 

ಮುಂದಿನಭಾಗ: : http://sampada.net/blog/kamathkumble/11/11/2010/28981