ಓ ..ಬದುಕೇ .....

ಪ್ರತಿ ಸಲ ಸೋಲುತಿರುವ ನನ್ನ ಬದುಕಿಗೆ ನಿನ್ನ ನೆನಪೊಂದೆ ಕೈ ಹಿಡಿದು ನಡೆಸುವ ದಾರಿ ದೀಪ.ಅತ್ತು  ಅತ್ತು ಸುಸ್ತಾದ ಕಣ್ಣಿಗೆ ನಿನ್ನ ನೋಡುವ ಬಯಕೆ ಗರಿ ಗೆದರಿ ಕಾಯುತಿದೆ.ಗೊತ್ತೇ ಇರ್ಲಿಲ್ಲ ಕಣೋ ನನ್ನ ತಪ್ಪು!
       ಆ ದಿನ ನಿನ್ನ ಪ್ರೀತಿ ತುಂಬಿದ ಮಾತು ನನ್ನ ಕಿವಿಗೆ ಇಷ್ಟ ಆಗ್ಲಿಲ್ಲ.ಎಲ್ಲ ಬೊಗಳೆ ಅಂದ್ಕೊಂಡು ನಕ್ಕೆ.ನಿನ್ನ ಕಣ್ಣಲಿದ್ದ ಆ ಪ್ರೀತಿ ನನಗೆ ತೋರಲೇ ಇಲ್ಲ.ನಿನ್ನ ಮುಗ್ದ ಮುಖದ ಹಿಂದೆ ಏನೋ ಮೋಸ ಇದೆ ಅಂದ್ಕೊಂಡು ಸುಮ್ನಾದೆ.
      ನನ್ನ ಹಿಂದೆ ಹಿಂದೆ ನೀನ ಬಂದಾಗ ಆ ದಿನ ತುಂಬಾನೆ  ರೇಗಾಡಿ ಬಿಟ್ಟೆ.ನೀನ್ ಏನ್ ಹೇಳ್ಬೇಕು ಅಂತ ಬಂದ್ದಿಯ  ಅಂತಾನು ಕೇಳೋದಕ್ಕೂ ಹೋಗಲಿಲ್ಲ. ಏನು ಹೇಳದೆ ನೀ  ಹೋದಾಗ ನನಗೆ ಆಶ್ಚರ್ಯ ಆಯ್ತು.ಮತ್ತೆ ಅದ್ರ ಬಗ್ಗೆ ಜಾಸ್ತಿ ಯೋಚಿಸಲೂ ಇಲ್ಲ.ಆದೆ ನಾನ್ ಮಾಡಿದ  ತಪ್ಪು.
       ಇವತ್ತು  ಆ ನೆನಪುಗಳು ನನ್ನ ಕಾಡುತ್ತೆ ಕಣೋ ....ಜೀವವನ್ನು ಹಿಂಡಿ  ಹಿಂಡಿ ಹಿಪ್ಪೆ  ಮಾಡುತಿದೆ.ನೀನು ಯಾಕೆ ನನ್ನ ಬಿಟ್ಟು ಹೋದೆ ಅನ್ನುದಕ್ಕೆ ನನ್ ಮನಸು ಕಾರಣ ಹುಡುಕುತಿದೆ.ಯಾಕಂದ್ರೆ  ಸಣ್ಣ ವಿಷಯಕ್ಕೆ ಬಿಟ್ಟು ಹೋಗುವ ಹುಡುಗ ನೀನಲ್ಲ .
      ನೀನ್ ಇಲ್ಲದೆ ನನಗೆ ಇರೋದಕ್ಕೆ ಆಗ್ತಾ ಇಲ್ಲ ಕಣೋ ಬಂದು ಬಿಡೋ  .....ಪ್ಲೀಸ್ ಇದ್ರಕಿಂತ ಜಾಸ್ತಿ ನನಗೆ ಏನು ಹೇಳೋದಕ್ಕೆ ಆಗ್ತಾ ಇಲ್ಲ  ಮನಸ್ಸು, ಕಣ್ಣು ಎರಡು ತುಂಬಿಕೊಂಡಿದೆ. ನನ್ನ ಬದುಕು ನೀನೆ ಕಣೋ  ....ಬವಣೆ ಕೊಡಬೇಡ