ಬರೆಯಲಾರೆ ಕವನದಲ್ಲಿ ಗೆಳತಿ

ಬರೆಯಲಾರೆ ಕವನದಲ್ಲಿ ಗೆಳತಿ
ನನ್ನ ಪ್ರೀತಿಯನ್ನು
ಪದಗಳ ನಡುವೆ ಅದು ಕಳೆದು ಹೋದೀತು|

ಕಣ್ಣಿನಲ್ಲಿ ತೋರಲಾರೆ ಗೆಳತಿ
ನನ್ನ ಪ್ರೀತಿಯನ್ನು
ಕಣ್ಣಂಚಿನ ಬಿಂದುವಿನಲ್ಲಿ ಅದು ಕರಗಿ ಹೋದೀತು|

ಮಾತಿನಲ್ಲಿ ಆಡಿ ತೋರಲಾರೆ ಗೆಳತಿ
ನನ್ನ ಪ್ರೀತಿಯನ್ನು

ಮಾತುಗಳ ನಡುವೆ ಅದು ಅರ್ಥ ಕಳೆದುಕೊಂಡೀತು|

ಮನದಲ್ಲಿ ಸದಾ ನೆನೆಯಲಾರೆ ಗೆಳತಿ
ನನ್ನ ಪ್ರೀತಿಯನ್ನು
ಬಾವನೆಗಳ ಗೊಂದಲದಲಿ ಬೆರೆತು ಮರೆತು ಹೋದೀತು|

ಹೃದಯದಲಿ ಅವಿತಿಟ್ಟಿರುವೆ ಗೆಳತಿ
ನನ್ನ ಪ್ರೀತಿಯನ್ನು
ಎಂದಾದರು ನೀನು ಬಂದರೆ ಚಿಪ್ಪಿನಲ್ಲಿರುವ ಮುತ್ತು ಕಂಡೀತು|

(ಹೇಗೆ ಅಂತ ತಿಳಿಯದು ಶ್ರೀ ಸುರೇಶ್ ರವರ ಗೊತ್ತಾಯ್ತೇನೆ... ಕವನ ಇದಕ್ಕೆ ಸ್ಪೂರ್ತಿಯಾಯ್ತು)