ಅನೇಕ ವಸ್ತುಗಳಿಂದ ಸ್ವಾದವಾದರೆ ದೇಹದಿಂದ ಮಾತ್ರ ನೋವುಃ ಗಾದೆಗೊಂದು ಗುದ್ದು - ೭೯

 (೪೦೧) ಶಕ್ತಿವಂತರಾಗಬೇಕೆಂಬ ಕಾರಣಕ್ಕೇ ಯಾರೂ ಅಧಿಕಾರವನ್ನು ಬಯಸರು. ಭಯ ಮತ್ತು ಕಾರ್ಗತ್ತಲ ಭೀತಿಯನ್ನು ಹೊಡೆದೋಡಿಸುವ ಸುಲಭೋಪಾಯವದು ಎಂದು ಭಾವಿಸಿದವರ ಹಕ್ಕು ಆ ಬಯಕೆ.

(೪೦೨) ಒಂದು ಹೊಳಹು ನಿಮ್ಮ ಬದುಕನ್ನೇ ಬದಲಿಸಿಬಿಡಬಹುದು. ಆದರೆ ನಿಮ್ಮ ಬದುಕು ಅಂತಹ ಅನೇಕ ಹೊಳಹುಗಳನ್ನೇ ರೂಪಾಂತರಿಸಿಬಿಡಬಲ್ಲದು.

(೪೦೩) ಎಲ್ಲರೂ ಬೇರೆ ಬೇರೆ ವಸ್ತುಗಳಿಂದ ಸ್ವಾದ, ಸೊಬಗು, ಭೋಗಗಳನ್ನು ಆಸ್ವಾದಿಸಿದರೂ ದೇಹವೆಂಬ ಒಂದೇ ವಸ್ತುವಿನಿಂದ ನೋವನ್ನು ಅನುಭವಿಸುತ್ತಾರೆ.

(೪೦೪) ಪ್ರತಿಯೊಬ್ಬ ಮಾನವಜೀವಿಗೂ ’ಜೀರೋ ಫಿಗರ್’ ಇರುತ್ತದೆ. ಫಾಂಟ್ ಸೈಜು ಮಾತ್ರ ವ್ಯತ್ಯಾಸಗೊಂಡಿರುತ್ತದೆ.

(೪೦೫) ರಜನೀಕಾಂತ್ ಇನ್ನೂ ಸಾಧಿಸಲಾಗದ, ಮುಂದೆಂದೂ ಸಾಧಿಸಲಾಗದ ಕೆಲಸವೆಂದರೆ ತನ್ನ ಹೆಸರನ್ನು ಬದಲಿಸಿಕೊಳ್ಳುವುದು!