ಯಾವುದು ಶಾಶ್ವತ?

ಯಾವುದು ಶಾಶ್ವತ?

By Jayanth Ramachar on Thu, 06/02/2011 - 07:35
ಕವನ

ಮನುಜ ನಿನ್ನ ಜೀವನ ಶಾಶ್ವತವಲ್ಲ

ಎಂಬ ಅರಿವಿದ್ದರೂ ನೀನ್ಯಾಕೆ

ನಾನು ನನ್ನದೆಂದು ಪರಿತಪಿಸುವೆ

 

ಹುಟ್ಟು ನೀ ಕೇಳಿಕೊಂಡು ಬರಲಿಲ್ಲ

ಸಾವನ್ನು ನೀನೆಂದೂ ತಡೆಯಲಾರೆ

ನಡುವಿನ ಈ ಬದುಕಷ್ಟೇ ನಿನ್ನದು

 

ನೆನ್ನೆ ನಿನ್ನದಲ್ಲ ನಾಳೆಯ ಅರಿವಿಲ್ಲ ನಿನಗೆ

ಈಗಿನ ಕ್ಷಣವಷ್ಟೇ ಅಮೂಲ್ಯ ನಿನಗೆ

ಸಾರ್ಥಕವಾಗಿಸು ಆ ಅಮೂಲ್ಯ ಘಳಿಗೆಯನು

 

ಸುಳ್ಳು ಮೋಸ ಕಪಟ ಜಗಳ ದ್ವೇಷ ಎಲ್ಲವ

ಬದಿಗಿಟ್ಟು ಇರುವಷ್ಟು ದಿನ ಸ್ನೇಹ ಪ್ರೀತಿಯ

ಹಂಚುತ್ತಾ ಧನ್ಯವಾಗಿಸು ನಿನ್ನೀ ಜನುಮವ

Comments