ಬೆಳಕ ಹೊತ್ತಿಸಿ ಪುಳಕಗೊಳ್ಳುವ...!

  ಬೆಳಕ ಹೊತ್ತಿಸಿ  ಕೊಳಕ ತೊಲಗಿಸಿ

 ಪುಳಕಗೊಳ್ಳವ  ಈ  ದಿನ

 ಮತ್ತೆ  ಬಂದಿದೆ ಬೆಳಕ ತಂದಿದೆ

 ಹೊಸತು ಹೊಸೆಯುವ  ಪ್ರತಿಕ್ಷಣ

                                        ಪ್ರೀತಿ ಹಂಚಲು ಭೀತಿ ಏತಕೆ ?

                                        ನೀತಿ ಬದುಕಿಗೆ ಚೇತನ

                                         ಕೂಡಿ ಬಾಳುತ ಬದುಕ ಬೆಳಗಿಸಿ

                                         ಗೆಲುವ ಮನಸದೇ ನೂತನ

ಬೇಧಭಾವವ ಮೆಟ್ಟಿ ನಿಲ್ಲುತ

ಸಮತೆ ಮೂಡಲಿ ಬಾಳ್ವೆಗೆ

ತೊಟ್ಟಿಲಾಗುವ ಬೆಳೆಸಿ ಬೆಳೆಯುವ

ಜನರ ಕನಸಿನ ಕೂಸಿಗೆ

                                                 " ದೀಪಾವಳಿ  ಎಲ್ಲರಲ್ಲಿ ಹೊಸತನ ತುಂಬಿ ಬದುಕು ಬೆಳಗಿಸಲಿ"

                                                           ದೀಪಾವಳಿಯ ಶುಭಾಶಯಗಳೊಂದಿಗೆ

                                                                       ಭಾಗ್ವತ