ನಮ್ಮ ಮಧುರೈ ಮೀನಾಕ್ಷಿ ದೇವಸ್ಥಾನದ ಪ್ರವಾಸ !

ಬಹಳ ದಿನಗಳಿಂದ, ವರ್ಷಗಳಿಂದ,  ರಾಮೇಶ್ವರದ ದೇವಸ್ಥಾನಕ್ಕೆ ಭೇಟಿನೀಡುವ ಪ್ರಯತ್ನ ಸಾಗಿತ್ತು. ಅದೇಕೊ ಆ ದಿನ ಬರಲೇ ಇಲ್ಲ. ಆದರೆ ಮೊನ್ನೆ ಬೆಂಗಳೂರಿಗೆ ಯಾವುದೋ ಕೆಲಸದ ನಿಮಿತ್ತ ಹೋದಾಗ, ಅನಾಯಾಸವಾಗಿ ಮಧುರೈ, ರಾಮೇಶ್ವರ ಮತ್ತು ಕನ್ಯಾಕುಮಾರಿ ದೇವಾಲಯಗಳ ದರ್ಶನ ಭಾಗ್ಯ ಲಭಿಸಿತು. ಯಾವುದಕ್ಕೂ ದೈವ ಬಲ  ಒಲಿದುಬರಬೇಕು. ಈ ರೀತಿ ನಮಗೆ ದರ್ಶನ ಭಾಗ್ಯ ಒದಗಿಬಂತು.   ಈಗ ನಾವು ಕಾಶಿವಿಶ್ವನಾಥನ ದರ್ಶನ ಮಾಡಬೇಕು..ತಮಿಳುನಾಡಿನ ದೇವಸ್ಥಾನಗಳು ಬೃಹತ್ ಪ್ರಮಾನದವು. ಕಲೆಯೂ ಸಾಕಷ್ಟಿದೆ. ಆದರೆ ನಮ್ಮ ಕರ್ನಾಟಕದ ದೇವಾಲಯಗಳಲ್ಲಿ ಕಲೆ ಬಹಳ ಪ್ರಮುಖವಾದದ್ದು. ಹಂಪೆಯ ವಿರೂಪಾಕ್ಷ ಸ್ವಾಮಿಯನ್ನು ಬಿಟ್ಟು ಬೇರೆ ದೇವಾಲಯಗಳು ಅಷ್ಟೇನೂ ಗಾತ್ರದಲ್ಲಿ ಹೆಚ್ಚಿಲ್ಲ. ಬೇಲೂರೂ ಚೆನ್ನ ಕೇಶವ ಸ್ವಾಮಿ ದೇವಾಲಯದ ಕೆತ್ತನೆ ಕೆಲಸಗಳು ಅತಿ ಮಹತ್ವದವು.

ಮಧುರೈ ಮತ್ತು ಬೇರೆ ಯಾತ್ರಾಸ್ಥಳಗಳಲ್ಲಿ ಒಳ್ಳೆಯ ಊಟ, ವಸತಿಗಳು ಸಿಗುತ್ತವೆ. ಒಟ್ಟಿನಲ್ಲಿ ಇನ್ನೂ ವಯಸ್ಸಿರುವಾಗಲೇ ಇಂತಹ ಯಾತ್ರೆಗಳನ್ನು ಮಾಡುವುದು ಲೇಸು.