ಮಿಂಚಾಗಿ ನೀನು ಬರುವ ಮುಂಚೆನೇ ನಾ ಹೊರಡಲೇ ?

ಒಂದೇ ಕಣ್ಣಲಿ ನಿನ್ನ ನೋಡುವೆ

ಅಷ್ಟು ಸ್ವಾರ್ಥ ನನ್ನೊಳಗೆ ,

ನಿನ್ನ ನಗುವಿಗೆ ಕಣ್ಣು ಕಳೆದರೆ

ಮತ್ತೆ ನೋಡಬಹುದಲ್ಲ ಎಂದು !

ನೀನು ಹತ್ತಿರ ಬಂದಷ್ಟು

ದೂರ ದೂರ ಹೋಗುತ್ತೇನೆ ,

ಹೃದಯ ಬಡಿತ ಕಡಿಮೆ ಮಾಡಿ

ಜೀವ ಉಳಿಸಿಕೊಳ್ಳಲೆಂದು .

ನಿನ್ನ ನೋಡಿದಾಕ್ಷಣ

ಮೂಗು ಸುರಿಸುವ ಕಂದಮ್ಮನಾಗ ಬೇಕು

ಕೃಷ್ಣ ಮೃಗಕ್ಕಿಂತ ಚಂದ

ಪರಿಮಳ ನೀನು ಕೃಷ್ಣೆ !

ನೀನು ಬಂದು ನನ್ನ ಕೈ ಹಿಡಿವ ಮುನ್ನ

ಈ ದೇಹ ದಾನ ಮಾಡಿ ಬಿಡಲೇ ?

ನಿನ್ನ ಹೃದಯ ಮಿಡಿತ ಕಂಡ ಕೂಡಲೇ

ನಿರ್ಜೀವಿಯಾಗಿ ಹೋಗುವೆ !

ಪ್ರವೀಣ ಸಾಯ