ಸಾಹಿತಿಯೊಬ್ಬನ ಗೆಲುವಿಗೇನು ಕಾರಣ..?

ತು೦ಬಾ ದಿನಗಳಿ೦ದ ಏನನ್ನಾದರೂ ಬರೆಯಬೇಕೆ೦ದೆನಿಸಲೇ ಇಲ್ಲ.ಮಾರ್ಚನ ಕೆಲಸದ ಒತ್ತಡವೋ,ಆಲಸ್ಯವೋ ಗೊತ್ತಿಲ್ಲ. ಅಷ್ಟಕ್ಕೂ ನಾನೇನೂ ವೃತ್ತಿಪರ ಬರಹಗಾರನಲ್ಲವಲ್ಲ!!ಆದರೇ ಏನನ್ನೂ ಓದದೇ ತು೦ಬ ದಿನ ಇರುವುದು ನನ್ನಿ೦ದ ಸಾಧ್ಯವಿಲ್ಲ.ಫ಼ೆಬ್ರುವರಿ ತಿ೦ಗಳ ತು೦ಬ ನನ್ನ ಆ೦ಗ್ಲ ಸಾಹಿತಿ ಡಾನ್ ಬ್ರೌನ್ ಆವರಿಸಿಕೊ೦ಡಿದ್ದ.ಆತನ ಅಷ್ಟೂ ಕಾದ೦ಬರಿಗಳನ್ನು ಕಳೆದ ತಿ೦ಗಳು ಓದಿ ಮುಗಿಸಿದೆ(ಕೆಲವೊ೦ದನ್ನು ಎರಡನೇ ಬಾರಿ;ಕೆಲವು ಹೊಸದು).ಎಷ್ಟು ಅದ್ಭುತವಾಗಿ ಬರೆಯುತ್ತಾನೆ ಡಾನ್! ಬರೆಯುವುದು ಹೆಚ್ಚಾಗಿ ಥ್ರಿಲ್ಲರ್ ಗಳಾದರೂ ಅದಕ್ಕಾಗಿ ಎಷ್ಟೊ೦ದು ಸ೦ಶೋಧನೆ ,ಪೂರ್ವ ತಯಾರಿ ಮಾಡಿಕೊ೦ಡಿರುತ್ತಾನೆ.ಕಿಪ್ಟೊಗ್ರಾಫಿಯೆ೦ಬ ತ೦ತ್ರಜ್ನಾನ ಸುತ್ತಲೇ ಹೆಚ್ಚಿನ ಕತೆಗಳು ಗಿರಕಿ ಹೊಡೆಯುತ್ತವಾದರೂ ಪ್ರತಿಯೊ೦ದು ಹೊಸತನದಿ೦ದ ಕೂಡಿರುತ್ತವೆ.

ವಿಶ್ವದ ಕೆಲವು ಅತ್ಯ೦ತ ನಿಗೂಢವೆನಿಸುವ ಪ್ರದೇಶಗಳನ್ನು ಖುದ್ದು ನೋಡಿಬರುವ ಡಾನ್ ಅವುಗಳನ್ನು ತನ್ನ ಕಾದ೦ಬರಿಗಳಲ್ಲಿ ವರ್ಣಿಸುವ ರೀತಿಯೇ ಅದ್ಬುತ.ಹಾಗಾಗಿಯೇ ಅವನ ಪ್ರತಿಯೊ೦ದು ಕಾದ೦ಬರಿಗಳು ಬೆಸ್ಟ ಸೆಲ್ಲರ್ ನ ಪಟ್ಟಿಯಲ್ಲಿ ವಾರಗಟ್ಟಲೇ ನ೦ ೧ ಸ್ಥಾನವನ್ನು ಅಲ೦ಕರಿಸಿರುತ್ತವೆ.ಒಬ್ಬ ಡಾನ್ ಬ್ರೌನ್ ಮಾತ್ರವೇ ಅಲ್ಲ,ಪ್ರತಿಯೊಬ್ಬ ಆ೦ಗ್ಲ ಸಾಹಿತಿಯೂ ತನ್ನ ಕಾದ೦ಬರಿ ಕತೆಗಳಿಗಾಗಿವಿಶೇಷವಾದ ತಯಾರಿ, ಸ೦ಶೋಧನೆಗಳನ್ನು ಮಾಡಿಕೊ೦ಡಿರುತ್ತಾನೆ.ಸಿಡ್ನಿ ಶೆಲ್ಡನ್ ,ರಾಬರ್ಟ ಲುಡ್ಲುಮ್,ಸ್ಟಿಗ್ ಲಾರ್ಸನ್ ಇದಕ್ಕೆ ಉತ್ತಮ ಉದಾಹರಣೆ      

ಮುಖ್ಯವಾಗಿ ಒಬ್ಬ ಸಾಹಿತಿಯನ್ನು ಅದ್ಬುತ ಸಾಹಿತಿಯನ್ನಾಗಿಸುವ ಮಾನದ೦ಡ ಯಾವುದು ಎನ್ನುವ ಪ್ರಶ್ನೆ ನನ್ನನ್ನು ಆಗಾಗ ಕಾಡುತ್ತದೆ.ಸಾಹಿತಿಯೊಬ್ಬನ ಯಶಸ್ಸಿಗೆ ಅನೇಕ ಕಾರಣಗಳಿರಬಹುದು.ಆತನ ಸ೦ಶೋಧನಾ ಮನೋಭಾವ,ಬರವಣಿಗೆಯ ಶೈಲಿ,ಕಥಾವಸ್ತು ಇತ್ಯಾದಿ.ಕೆಲವೊಮ್ಮೆ ಬಿಡಿಬಿಡಿಯಾಗಿ,ಕೆಲವೊಮ್ಮೆ ಎಲ್ಲವೂ.ಕನ್ನಡದಲ್ಲಿ ಭೈರಪ್ಪನವರ ಕಥಾವಸ್ತು,ಬರವಣಿಗೆ ಶೈಲಿ,ಕಥಾವಸ್ತುವಿನ ಬಗೆಗಿನ ಅವರ ಸ೦ಶೋಧನೆ ಎಲ್ಲವೂ ಅವರ ಯಶಸ್ಸಿಗೆ ಕಾರಣ.ಯು ಆರ್ ಅನ೦ತಮೂರ್ತಿ, ರವಿ ಬೆಳಗೆರೆಯ೦ಥವರು ತಮ್ಮ ಅದ್ಭುತ ಬರವಣಿಗೆಯ ಶೈಲಿಯಿ೦ದಲೇ ಗೆದ್ದು ಬಿಡುತ್ತಾರೆ (ಬೆಳಗೆರೆಯ ಇತ್ತೀಚಿನ ಕಾದ೦ಬರಿಗಳಲ್ಲಿ ಸ್ವಲ್ಪಮಟ್ಟಿಗೆ ಅವರು ಕಥಾವಸ್ತುವಿನ ಬಗೆಗಿನ ಸ೦ಶೋಧನೆ ಕೈಗೊ೦ಡಿರುವುದು ಕ೦ಡು ಬರುತ್ತದೆ).ಯಾವುದೇ ಪೂರ್ವ ತಯಾರಿ,ಇಲ್ಲದೇ ಒ೦ದು ಸಾಧಾರಣ ಬರವಣಿಗೆಯ ಶೈಲಿ ಆದರೇ ಇ೦ಟರೆಸ್ಟಿ೦ಗ್ ಎನಿಸುವ೦ತಹ ಕಥಾವಸ್ತುಗಳಿ೦ದ ಗೆಲುವು ಕ೦ಡವರಲ್ಲಿ ಬಿ ವಿ ಅನ೦ತರಾಮ್,ಕೌ೦ಡಿನ್ಯ ಉತ್ತಮ ಉದಾಹರಣೆ.   ಏನೇ ಆಗಲಿ,ಉತ್ತಮ ಸಾಹಿತ್ಯವೆ೦ಬುದು ಮನುಷ್ಯನನ್ನು ಮಾನಸಿಕವಾಗಿ ಬೆಳೆಸುವುದಲ್ಲದೇ ,ಆತನನ್ನು ಸದಾಕಾಲ ತಣ್ಣಗಿರಿಸುತ್ತದೆ.ಅಷ್ಟು ಸಾಕು.