ಸುಗ್ಗಿ ಮಾಡೋ ರೈತ...
ಕವನ
ಸುಗ್ಗಿ ಮಾಡೋ ರೈತ ಹಿಗ್ಗು ಮಾಡೋ...
ತಗ್ಗಿ ನಡೆವ ಜನರ ನೀನು ಹಿಗ್ಗು ಮಾಡೋ...
ಕೆಸರ ಮಾಡಿ.., ಗದ್ದೆ ಹಸಿರ ಮಾಡಿ..
ಹಸಿವೆಯಿಂದ ನೊಂದ ಜನರ ಮೊಗವ ನೋಡಿ ||
ಸುಗ್ಗಿ ಮಾಡೋ...
ನೀರ ಬಿಟ್ಟು..., ಹೊಲಕೆ ಸಾರ ಕೊಟ್ಟು...
ಊರ ಮಂದಿಗೆಲ್ಲ ಕೆಲಸ ಕೊಟ್ಟು||
ಸುಗ್ಗಿ ಮಾಡೋ ರೈತ...
ಪೂಜೆ ಮಾಡಿ..., ಭೂಮಿ ಪೂಜೆ ಮಾಡಿ...
ಪೂಜೆಯಿಂದ ಬಂದ ಫಲವ ದಾನ ಮಾಡಿ||
ಸುಗ್ಗಿ ಮಾಡೋ ರೈತ...
ದೀಪ ಹಚ್ಚಿ...,ಹೊಲಕೆ ದೀಪ ಹಚ್ಚಿ...
ಪಾಪ ಕಳೆಯೆ ಪುಣ್ಯ ಫಲವ ನೆಚ್ಚಿ ||
ಸುಗ್ಗಿ ಮಾಡೋ ರೈತ...
ಹೊಸತು ಮಾಡಿ..., ಮನವ ಕಸುವು ಮಾಡಿ...
ಹಸಿವೆಯಿಂದ ನೊಂದ ಜನಕೆ ದಾನ ಮಾಡಿ ||
ಸುಗ್ಗಿ ಮಾಡೋ ರೈತ...
ಮೋಡ ನೋಡಿ..., ಮಳೆಯ ಸುಳಿವು ನೋಡಿ...
ಕಾಡದಿರಲು ಚೌಡಿಗೊಂದು ಕಾಯಿ ನೀಡಿ ||
ಸುಗ್ಗಿ ಮಾಡೋ ರೈತ...
ವಾರ ಬಿಟ್ಟು..., ಹೊಲಕೆ ಜನರ ಬಿಟ್ಟು...
ಪೈರುಗಳನು ಕಣಕೆ ತರುವ ಕೆಲಸ ಕೊಟ್ಟು ||
ಸುಗ್ಗಿ ಮಾಡೋ ರೈತ...
Comments
ಉ: ಸುಗ್ಗಿ ಮಾಡೋ ರೈತ...
ಉ: ಸುಗ್ಗಿ ಮಾಡೋ ರೈತ...
In reply to ಉ: ಸುಗ್ಗಿ ಮಾಡೋ ರೈತ... by makara
ಉ: ಸುಗ್ಗಿ ಮಾಡೋ ರೈತ...