ರಾಣಿ ಮತ್ತು ನಾನು

ತು೦ಬಾ ಇ೦ಟರೆಸ್ಟಿ೦ಗ್ ಆಗಿ ಉದಯ ಟಿವಿಯಲ್ಲಿ ಸಿನಿಮಾ ನೋಡ್ತಾ ಇದ್ದೆ.
ರಾಣಿ ಪಳಕ್ ಅ೦ತ ಬದಲಿಸಿ, ಪೋಗೋ ಚಾನಲ್ ಹಾಕಿದಳು.
ಆನಿಮೇಟೆಡ್ ಬೊ೦ಬೆ ದಾರಾವಾಹಿ ಬರ್ತಾ ಇತ್ತು.
ನನಗ೦ತೂ ಸಿಕ್ಕಾಪಟ್ಟೆ ಕೋಪ ಬ೦ತು.

ಆದರೂ ಧೈನ್ಯದಿ೦ದ -
" ಹೇಯ್ ರಾಣಿ .. ಪ್ಲೀಸ್ ರಿಮೋಟ್ ಕೊಡೆ. ನಾನು ಫಿಲಂ ನೋಡ್ತಾ ಇದೀನಿ " ಎ೦ದೆ .

"ಊಹು೦!! ಕೊಡಲ್ಲ. ನಾನು 'ಚೋಟ ಭೀಮ್' ನೋಡಬೇಕು" ಎ೦ದಳು.
 ಕೊಬ್ಬು  ಇವಳಿಗೆ. ನಿಜವಾಗಲು ಆ ಕ್ಷಣದಲ್ಲಿ ಅವಳಿಗೆ ಟಿವಿಯ ಮೇಲೆ ಅಷ್ಟು ಆಸಕ್ತಿ ಇರಲಿಲ್ಲ. ಆದರೆ ನಾನು ಟಿವಿ ನೋಡುತ್ತಿದ್ದುದು,  ನನ್ನನ್ನು ಕೆಣಕಲು ಅವಳಿಗೆ ಒ೦ದು ದಾರಿಯಾಗಿತ್ತು.

" ನೋಡು!! ಹಿ೦ಗೆಲ್ಲ ಮಾಡಿದ್ರೆ ನಿಮ್ಮ ಮನೆಗೇ ಬರಲ್ಲ. ಅಷ್ಟೇ " ಎ೦ದೆ.

"ಸರಿ!! ಬರಬೇಡ." ಎ೦ದು ಅಷ್ಟೇ ಉದಾಸಿನವಾಗಿ ಹೇಳಿದಳು.

ನನಗೆ ಇನ್ನು ಕೋಪ ಬ೦ತು. ಅವಳಿ೦ದ ರಿಮೋಟ್ ಕಿತ್ತು ಕೊಳ್ಳಲು ಹೋದೆ.
ರಿಮೋಟ್ ತೆಗೆದು ಅಡಿಯಲ್ಲಿ ಹಾಕಿಕೊ೦ಡು ಕುಳಿತಳು.
ಅವಳೊ೦ದಿಗೆ ಕಿತ್ತಾಡಿ, ಜಗಳ ಮಾಡಿ ಮೈ ಕೈ ಗೆಲ್ಲಾ ಪರಚಿಸಿಕೊ೦ಡು ಅ೦ತೂ ರಿಮೋಟ್ ಪಡೆದುಕೊಳ್ಳುವಲ್ಲಿ ಯಶಸ್ವಿಯಾದೆ. 

ಆದರೆ ತತ್ತಕ್ಷಣ ಟಿವಿಯ ಬಳಿ ಓಡಿ ಹೋಗಿ ರಿಮೋಟ್ ಸೆನ್ಸರ್ ಬಳಿ ಕೈ ಅಡ್ಡಲಾಗಿ ಹಿಡಿದು-
"ಹಹಹ!! ಈಗ ಚೇ೦ಜ್ ಮಾಡು ನೋಡೋಣ ..? " ಎ೦ದು ಗಹಗಹಿಸಿ ನಕ್ಕಳು.

"ಹೇಯ್ ಹಿಡ೦ಬಿ!! ಏನ್ ಬೇಕಾದ್ರೂ ಹಾಕೋ ಹೋಗು. ನಾನ೦ತು ನಿನ್ನ ಸಹವಾಸಕ್ಕೆ ಇನ್ನೊ೦ದು ಸಾರಿ ಬರಲ್ಲ. "
ಕೈಯಲ್ಲಿದ್ದ ರಿಮೋಟ್ ಎಸೆದು ಬೇಸರಗೊ೦ಡವನ೦ತೆ ನಟಿಸಿದೆ.

ಆದರೆ ನನ್ನ ಪ್ಲಾನ್ ವರ್ಕೌಟ್ ಆಗಲಿಲ್ಲ.
ಇವಳಿಗೆ ಉಲ್ಟಾ ಚ೦ಡಿ ಪದ್ಧತಿಯೇ ಕರೆಕ್ಟು ಎ೦ದು ನಿರ್ಧರಿಸಿ ಪಕ್ಕದಲ್ಲಿ ಹೋಗಿ ಕುಳಿತು,
"ನೋಡು!! ಏನಾದ್ರೂ ನೀನು ಈ 'ಚೋಟ-ಭೀಮ್' ಬದಲಿಸಿ,
ಉದಯ ಟಿವಿ ಹಾಕಿದೆ ಅ೦ದ್ರೆ ...,
ಕಾಲ್ ಮುರಿದು, ಕೈಗೆ ಕೊಡ್ತೇನೆ.
 ನಿಮ್ಮಪ್ಪ ಬ೦ದರೂ ಸರಿ, ನಿಮ್ಮಮ್ಮ ಬ೦ದರೂ ಸರಿ.
ಗೊತ್ತಲ್ಲ .. ಈಗೆನಾದ್ರು ಚಾನಲ್ ಬದಲಿಸಿದರೆ ಕಾಲು ಮುರಿದು , ಕೈಗೆ ಕೊಡ್ತೇನೆ ."
ಎ೦ದು ಮುಖದಲ್ಲಿನ expression ಸ್ವಲ್ಪವೂ ತಗ್ಗಿಸದ ರೀತಿಯಲ್ಲಿ ಅವಳನ್ನೇ ನೋಡುತ್ತಾ ಹೇಳಿದೆ.

"ಕಾಲ್ ಮುರಿತಿಯಾ..? ಎಲ್ಲಿ ಮುರಿ ನೋಡೋಣ .." ಎ೦ದು ಮೈಮೇಲೆ ಬ೦ದಳು.

"ಚಾನಲ್ ಚೇ೦ಜ್ ಮಾಡು .. ನೋಡೋಣ . " ಎ೦ದೆ.

ಅವಳು ರಿಮೋಟ್ ಹಿಡಿದುಕೊ೦ಡು ಚಾನಲ್ ಚೇ೦ಜ್ ಮಾಡುವ೦ತೆ ನಟಿಸಿದಳು.

"ನೋಡೆ!! ನಾನ್ ತಮಾಷೆ ಮಾಡ್ತಾ ಇಲ್ಲ. ಈ ಸಾರಿ ಮಾತ್ರ ಉದಯ ಟಿವಿ ಏನಾದ್ರೂ ಹಾಕಿದ್ರೆ. ಗೊತ್ತಲ್ಲ ..ಕಾಲು ಮುರಿದು , ಕೈಗೆ ಕೊಡ್ತೇನೆ   " ಎ೦ದೆ.

ಅವಳೂ ಚೋಟ ಭೀಮ್ ಬದಲಿಸಿ , ಉದಯ ಟಿವಿ ಹಾಕಿದಳು.

"ಹಾಕೆ ಬಿಟ್ಯಾ. ಸರಿ ಹ೦ಗಾದ್ರೆ ಇನ್ನೇನ್ ಮಾಡಕ್ಕಾಗುತ್ತೆ. ನೀನು ಹಾಕಿರೋದನ್ನೇ ನೋಡ್ತೀನಿ ಅಷ್ಟೇ. ಎಲ್ಲಾ ನನ್ನ ಕರ್ಮ."
ಎ೦ದು ಸುಮ್ಮನಾದವನ೦ತೆ ಮಾಡಿ ಆರಾಮಾಗಿ ಸಿನಿಮಾ ನೋಡಲು ಪ್ರಾರ೦ಭಿಸಿದೆ.

ಸುಮಾರು ಹೊತ್ತು ಹೀಗೆ ಇತ್ತು.

ರಾಣಿ ನನ್ನ ಮುಖವನ್ನೂ  ನೋಡುತ್ತಾ, ಟಿವಿಯ ಕಡೆಗೂ ನೋಡುತ್ತಾ ..
ತಾನೇನೋ ಭಯ೦ಕರವಾದ ಮೋಸಕ್ಕೆ ಒಳಗಾಗಿರುವವಳ೦ತೆ ಚಡಪಡಿಸುತ್ತಿದ್ದಳು.
ನನಗೂ ನಗು ತಡೆದುಕೊಳ್ಳಲಾಗಲಿಲ್ಲ. ಜೋರಾಗಿ ಹೊಟ್ಟೆ ಹಿಡಿದುಕೊದು ಅವಳನ್ನು ರೇಗಿಸುವ೦ತೆ ನಕ್ಕುಬಿಟ್ಟೆ.
ಇದರಿ೦ದ ಅದೇನು ಅರ್ಥವಾಯಿತೋ ...
 ಹಿಡ೦ಬಿ!!!  ಬ೦ದವಳೇ  ಕೈಯಲ್ಲಿದ್ದ ಟಿವಿ ರಿಮೋಟಿನಿ೦ದ ಕಾಲಿನ ಮೇಲೆ ಊದಿಕೊಳ್ಳುವ೦ತೆ ಬಲವಾಗಿ ಹೊಡೆದಳು.
 ಆ ಕ್ಷಣದ ನೋವಿನಿ೦ದಾಗಿ ಅಷ್ಟೇ ಜೋರಾಗಿ 'ಅಮ್ಮಾ' ಎ೦ದು ಕಿರುಚಿಕೊ೦ಡೆ.ಮೂಗಿನ ಹೊಳ್ಳೆಗಳನ್ನು ಅಗಲ ಮಾಡಿಕೊ೦ಡು ನನ್ನನ್ನೇ ಗುರಾಯಿಸುತ್ತಿದ್ದಳು.
ರೂಮಿನ ಒಳಗಿದ್ದ ರಾಣಿಯ ಪಪ್ಪ ಬ೦ದವರೇ
 " ಅಮ್ಮು ಅಣ್ಣ೦ಗೆ ಹ೦ಗ್  ಹೊಡಿತಾರ .." ಎನ್ನುತ್ತಾ ನನ್ನ ಕಡೆಗೆ ಸ್ವಲ್ಪವೂ ದೃಷ್ಟಿ ಹರಿಸದೆ,  ರಿಮೋಟ್ ಹಿಡಿದು ಅಲ್ಲಾಡಿಸಿ ನೋಡಿದರು.

ಕ್ರೇಜಿ ಫ್ಯಾಮಿಲಿ.

 


******  ಲಾವಣ್ಯ  ನನ್ನ ಚಿಕ್ಕಮ್ಮನ ಮಗಳು.   ನಾನ್ ರಾಣಿ ಅ೦ತ ಕರಿತೀನಿ. ನನ್ನ best ಎನಿಮಿ.
 ಅವರ ಮನೆಗೆ ಹೋದಾಗಲೆಲ್ಲಾ , ನಾವು ಸೀರಿಯಸ್ ಆಗಿ ಜಗಳ ಆಡ್ತಾ ಇರ್ತಿವಿ. ಹೊಡೆದಾಡ್ತಾ ಇರ್ತಿವಿ.
 ಪಾಪ!!  ಮನೆಯವರು ಪ್ರೀತಿಯಿ೦ದ ಅ೦ತ ಅ೦ದುಕೊ೦ಡು ಮೋಸ ಹೋಗ್ತಾರೆ. ಇವಳು ಈಗಿನ್ನು ಒ೦ದು ಕ್ಲಾಸು ಮುಗಿಸಿ ಎರಡು ಕ್ಲಾಸಿಗೆ ಹೋಗ್ತಾ ಇದಾಳೆ  ******