ಮರಣೋತ್ತರ ಪರೀಕ್ಷೆ ಬೇಡ!

Submitted by asuhegde on Sun, 08/12/2012 - 19:20

ಸಖೀ,
ನಾನು ಆಡುವ ಮಾತುಗಳೆಲ್ಲಾ ನನ್ನವು
ಹಾಗೆಯೇ ನಿನ್ನ ಮಾತುಗಳೆಲ್ಲಾ ನಿನ್ನವು

ಈ ಭಾವ ಭಾವಗಳ ಬಂಧ ಬಿಗಿಯಾಗಿರಲು
ಸಂಬಂಧಗಳ ನಡುವೆ ಇರದು ಪರೀಕ್ಷೆಗಳು

ಮೌನಮಾತು ಮಾತು-ಮೌನ ಹೀಗೆಯೇ
ಸಾಗುತ್ತಿರಬೇಕೀ ಜೀವನ ಎಂದಿನಂತೆಯೇ

ಆಡಿದ ಪ್ರತಿ ಮಾತಿನ ಮರಣೋತ್ತರ ಪರೀಕ್ಷೆ
ಮಾಡಿದರೆ ಈ ಜೀವನವೇ ಆದೀತೊಂದು ಶಿಕ್ಷೆ

ನನ್ನ ಭಾವಗಳಿಗೆ ನಾನೇ ಜವಾಬ್ದಾರ ನೀನಲ್ಲ
ನಿನ್ನನಿಸಿಕೆಗಳಿಗೆ ಜವಾಬ್ದಾರಳು ನೀ ನಾನಲ್ಲ!
*******

 

ಬ್ಲಾಗ್ ವರ್ಗಗಳು

Comments